വിംബിൾഡൺ ക്വാർട്ടർ ഫൈനലിലേക്ക് മുന്നേറി എട്ടാം സീഡ് പോളണ്ട് താരം ഇഗ സ്വിറ്റെക്. 23 സീഡ് ഡാനിഷ് താരം ക്ലാര ടൗസനെ നേരിട്ടുള്ള സെറ്റുകൾക്ക് തകർത്താണ് ഇഗ വിംബിൾഡൺ അവസാന എട്ടിലേക്ക് മുന്നേറിയത്. 6-4, 6-1 എന്ന സ്കോറിന് ആയിരുന്നു ഇഗയുടെ ജയം.
കരിയറിലെ പന്ത്രണ്ടാം ഗ്രാന്റ് സ്ലാം ക്വാർട്ടർ ഫൈനൽ ആണ് ഇഗക്ക് ഇത്. മരിയ ഷറപ്പോവക്ക് ശേഷം 12 ഗ്രാന്റ് സ്ലാം ക്വാർട്ടർ ഫൈനലുകളിൽ എത്തുന്ന ഏറ്റവും പ്രായം കുറഞ്ഞ താരമായി ഇതോടെ ഇഗ മാറി. ക്വാർട്ടർ ഫൈനലിൽ റഷ്യൻ താരം സാംസനോവയെ ആണ് ഇഗ നേരിടുക. ജയിച്ചാൽ കരിയറിലെ ആദ്യ വിംബിൾഡൺ സെമിഫൈനലിലേക്ക് ഇഗ മുന്നേറും.