ആധികാരിക ജയത്തോടെ വിംബിൾഡൺ രണ്ടാം റൗണ്ടിലേക്ക് മുന്നേറി മുൻ ലോക ഒന്നാം നമ്പർ താരവും എട്ടാം സീഡും ആയ ഇഗ സ്വിറ്റെക്. സീഡ് ചെയ്യാത്ത റഷ്യൻ താരം പൊളീന്യോയെ നേരിട്ടുള്ള സെറ്റുകൾക്ക് ആണ് ഇഗ തോൽപ്പിച്ചത്. മൂന്നു തവണ എതിരാളിയുടെ സർവീസ് ഭേദിച്ച ഇഗ ഒരു തവണ പോലും സർവീസ് ബ്രേക്ക് വഴങ്ങിയില്ല. 7-6, 6-1 എന്ന സ്കോറിന് ആയിരുന്നു പോളണ്ട് താരത്തിന്റെ ജയം.
അതേസമയം വനിത സിംഗിൾസിൽ സീഡ് ചെയ്യാത്ത ചെക് താരം കാതറീന സിനികോവയോട് 7-5, 4-6, 6-1 എന്ന സ്കോറിനോട് തോറ്റു അഞ്ചാം സീഡ് ചൈനീസ് താരം ഷെങും വിംബിൾഡൺ ആദ്യ റൗണ്ടിൽ തന്നെ പുറത്തായി. നിലവിൽ വിംബിൾഡണിൽ അട്ടിമറികൾ തുടരുകയാണ്. മൂന്നാം സീഡ് ജെസിക്ക പെഗുലയും ആദ്യ റൗണ്ടിൽ തന്നെ പുറത്തായിരുന്നു.