വിംബിൾഡൺ മിക്സഡ് ഡബിൾസ് രണ്ടാം റൗണ്ടിൽ ഇന്ത്യയുടെ രോഹൻ ബോപ്പണ്ണ, കാനഡയുടെ ഗബ്രിയേല ദാബ്രിവോസ്കി സഖ്യം രണ്ടാം റൗണ്ടിൽ പുറത്ത്. മുൻ വിംബിൾഡൺ ജേതാക്കൾ ആയ ക്രൊയേഷ്യൻ, തായ്വാൻ സഖ്യമായ ഇവാൻ ഡോഡിഗ്, ലതീഷ ചാൻ സഖ്യത്തോട് മൂന്നു സെറ്റ് പോരാട്ടത്തിൽ ബോപ്പണ്ണ സഖ്യം പരാജയപ്പെടുക ആയിരുന്നു.
ആദ്യ സെറ്റ് ടൈബ്രേക്കറിൽ കടുത്ത പോരാട്ടത്തിന് ഒടുവിൽ ബോപ്പണ്ണ സഖ്യം ആണ് നേടിയത്. എന്നാൽ രണ്ടാം സെറ്റ് 6-3 നു നേടിയ ഇവാൻ ചാൻ സഖ്യം മത്സരത്തിൽ ഒപ്പമെത്തി. തുടർന്ന് മൂന്നാം സെറ്റ് 6-4 നു ജയിച്ച അവർ മത്സരം സ്വന്തം പേരിലാക്കി. മത്സരത്തിൽ 12 ഏസുകൾ ഉതിർത്ത ബോപ്പണ്ണ സഖ്യത്തിന്റെ സർവീസ് നാലു തവണയാണ് എതിരാളികൾ ബ്രേക്ക് ചെയ്തത്. ഇനി മിക്സഡ് ഡബിൾസിൽ ഇന്ത്യൻ താരങ്ങൾ കളിക്കാൻ ഇല്ല.