വമ്പൻ അട്ടിമറി കണ്ടു യു എസ് ഓപ്പൺ, നിലവിലെ ജേതാവ് എമ്മ റാഡുകാനു, നയോമി ഒസാക്ക എന്നിവർ ആദ്യ റൗണ്ടിൽ പുറത്ത്

Img 20220831 110017

യു എസ് ഓപ്പൺ ആദ്യ റൗണ്ടിൽ നിലവിലെ ജേതാവ് എമ്മ റാഡുകാനു പുറത്ത്. പരിച്ചയാസമ്പന്നയായ ഫ്രഞ്ച് താരം ആലീസ് കോർണറ്റ് നേരിട്ടുള്ള സെറ്റുകൾക്ക് ആണ് 11 സീഡ് ആയ ബ്രിട്ടീഷ് താരത്തെ അട്ടിമറിച്ചത്. എമ്മക്ക് എതിരെ ആധികാരിക പ്രകടനവും ആയി ഫ്രഞ്ച് താരം 6-3, 6-3 എന്ന സ്കോറിന് മത്സരം ജയിച്ചു. ബ്രിട്ടീഷ് താരത്തിന് കനത്ത നിരാശയായി ഈ ഫലം. 19 സീഡ് അമേരിക്കയുടെ ഡാനിയേല കോളിൻസിനോട് 7-6, 6-3 എന്ന സ്കോറിന് പരാജയപ്പെട്ട മുൻ ജേതാവ് നയോമി ഒസാക്കയും ആദ്യ റൗണ്ടിൽ പുറത്തായി. ടൈബ്രൈക്ക് വരെ എത്തിയ ആദ്യ സെറ്റിൽ ഒസാക്ക പൊരുതിയെങ്കിലും അമേരിക്കൻ താരത്തിന് മുന്നിൽ ഒസാക്ക കീഴടങ്ങി.

20220831 105200

അതേസമയം നാലാം സീഡ് സ്പാനിഷ് താരം പൗള ബഡോസ യുക്രെയ്ൻ താരം ലെസിയയെ മറികടന്നു രണ്ടാം റൗണ്ടിൽ എത്തി. ആദ്യ 6-3 നു കൈവിട്ട ശേഷമാണ് രണ്ടും മൂന്നും സെറ്റുകൾ 7-6, 6-3 എന്ന സ്കോറിന് നേടി പൗള മത്സരത്തിൽ ജയം കണ്ടത്. ആന്ദ്രയ പെറ്റ്കോവിച്ചിനെ 6-2, 4-6, 6-4 എന്ന സ്കോറിന് മറികടന്നു 13 സീഡ് ബലിന്ത ബെനചിച്, 26 സീഡ് വിക്ടോറിയ അസരങ്ക എന്നിവർ രണ്ടാം റൗണ്ടിലേക്ക് മുന്നേറി. വൈൽഡ് കാർഡ് ആയി എത്തിയ ഇതിഹാസ താരം വീനസ് വില്യംസ് ആദ്യ റൗണ്ടിൽ ജർമ്മൻ താരം ആലിസണിനോട് നേരിട്ടുള്ള സെറ്റുകൾക്ക് പരാജയപ്പെട്ടു. ഫ്രഞ്ച് താരം ക്ലാര ബുരലിന് മുന്നിൽ 6-4, 6-4 എന്ന സ്കോറിന് പരാജയപ്പെട്ട വിംബിൾഡൺ ജേതാവ് എലേന റിബാക്കിനയും ആദ്യ റൗണ്ടിൽ പുറത്തായി.