യു.എസ് ഓപ്പണിൽ വനിത ഡബിൾസിൽ ആദ്യ റൗണ്ടിൽ പുറത്തായി ഇന്ത്യൻ താരം അങ്കിത റെയ്ന ഉക്രൈൻ താരം കാതറീന സഖ്യം. എട്ടാം സീഡ് ആയ ആന്ദ്രിയ കെൽപാക്, ദാരിയ ജുറാക് സഖ്യത്തോട് നേരിട്ടുള്ള സെറ്റുകൾക്ക് ആണ് ഇവർ തോൽവി വഴങ്ങിയത്.
6-1, 6-1 എന്ന സ്കോറിന് തകർന്നടിഞ്ഞ അങ്കിത സഖ്യത്തിന് ഒരു നിലക്കും മത്സരത്തിൽ പിടിച്ചു നിൽക്കാൻ ആയില്ല. തോൽവി വഴങ്ങിയെങ്കിലും ഈ വർഷം നാലു ഗ്രാന്റ് സ്ലാമിലും ഒളിമ്പിക്സിലും യോഗ്യത നേടാൻ അങ്കിതക്ക് സാധിച്ചു. ഒരൊറ്റ ജയം ഈ മത്സരങ്ങളിൽ നേടാൻ ആയില്ല എങ്കിലും വരും വർഷങ്ങളിൽ ഇത് തിരുത്താൻ ആവും ഇന്ത്യൻ താരം ശ്രമിക്കുക.