യു.എസ് ഓപ്പണിൽ നാട്ടുകാർ തമ്മിലുള്ള പോരാട്ടത്തിൽ 32 സീഡ് ഡയാനയെ നിലംപരിശാക്കി അഞ്ചാം സീഡ് എലീന സ്വിവിറ്റോലീന യു.എസ് ഓപ്പൺ നാലാം റൗണ്ടിലേക്ക് മുന്നേറി. എതിരാളിക്ക് ഒരവസരവും നൽകാതെ വ്യക്തമായ ആധിപത്യം മത്സരത്തിൽ പുലർത്തുന്ന സ്വിവിറ്റോലീനയെ ആണ് മത്സരത്തിൽ കണ്ടത്. ആദ്യ സെറ്റ് 6-2 നേടിയ സ്വിവിറ്റോലീന രണ്ടാം സെറ്റിൽ ഒരു ഗെയിം പോലും എതിരാളിക്ക് വിട്ട് കൊടുത്തില്ല. 6-0 നു സെറ്റും മത്സരവും താരത്തിന് സ്വന്തം. അതേസമയം 18 സീഡ് ചൈനയുടെ വാങ് ഖാങും നാലാം റൗണ്ടിലേക്ക് മുന്നേറി. ഫ്രഞ്ച്‌ താരം ഫിയോനയെ ആദ്യ സെറ്റിൽ ടൈബ്രേക്കറിലൂടെ മറികടന്ന ചൈനീസ് താരം രണ്ടാം സെറ്റ് 6-3 നാണ് സ്വന്തമാക്കിയത്.
അതേസമയം പലരും കിരീടസാധ്യത ഏറെ കൽപ്പിക്കുന്ന അമേരിക്കൻ താരം 10 സീഡ് മാഡിസൺ കീയ്സും നാലാം റൗണ്ടിലേക്ക് മുന്നേറി. അമേരിക്കൻ താരവും 20 സീഡുമായ സോഫിയ കെനിനെ ആണ് കീയ്സ് മറികടന്നത്. ആദ്യ സെറ്റ് 6-3 നും രണ്ടാം സെറ്റ് 7-5 നും നേടിയ കീയ്സ് തന്റെ ആദ്യ ഗ്രാന്റ് സ്‌ലാം കിരീടം തേടിയുള്ള പ്രയാണം തുടർന്നു. അതേസമയം പുരുഷന്മാരിൽ ഗ്രിഗോർ ദിമിത്രോവും നാലാം റൗണ്ടിലേക്ക് മുന്നേറി. കമിലിനെതിരെ നേരിട്ടുള്ള സെറ്റുകൾക്ക് ആണ് താരം ജയം കണ്ടത്. സ്‌കോർ 7-5, 7-6,6-2.
