യു.എസ് ഓപ്പൺ ജയത്തിനു പിന്നാലെ അൽകാരസിനെ അഭിനന്ദിച്ചു റാഫേൽ നദാൽ

യു.എസ് ഓപ്പൺ ജയത്തിനു പിന്നാലെ തന്റെ നാട്ടുകാരൻ ആയ കാർലോസ് അൽകാരസിനെ ഉടൻ അഭിനന്ദിച്ചു റാഫേൽ നദാൽ രംഗത്ത്. ട്വിട്ടറിൽ ആണ് താരത്തെ നദാൽ പ്രകീർത്തിച്ചത്. ആദ്യ ഗ്രാന്റ് സ്‌ലാം കിരീടത്തിനും ലോക ഒന്നാം നമ്പർ ആയതിനും അൽകാരസിനെ നദാൽ പ്രകീർത്തിച്ചു.

ഉറപ്പായിട്ടും ഇതിൽ കൂടുതൽ കിരീടങ്ങൾ അൽകാരസ് നേടും എന്നു തനിക്ക് ഉറപ്പ് ഉണ്ടെന്നും നദാൽ പറഞ്ഞു. അൽകാരസിന്റെ മികച്ച വർഷത്തെ പൊൻതൂവൽ ആണ് ഈ കിരീടം എന്നും നദാൽ പറഞ്ഞു. ഫൈനലിൽ പരാജയപ്പെട്ട തന്റെ അക്കാദമി താരമായ കാസ്പർ റൂഡിനെ ആശ്വസിപ്പിക്കാനും നദാൽ മറന്നില്ല. റൂഡിൽ അഭിമാനിക്കുന്നത് ആയി പറഞ്ഞ നദാൽ മികച്ച ടൂർണമെന്റും സീസണും ആയി റൂഡിൽ നിന്നു ഉണ്ടായത് എന്നും പറഞ്ഞു. ഈ മികവ് റൂഡ് തുടരട്ടെ എന്നും നദാൽ കൂട്ടിച്ചേർത്തു.