അമേരിക്കൻ താരവും എട്ടാം സീഡും ആയ ജെസിക്ക പെഗ്യുല യു.എസ് ഓപ്പൺ ക്വാർട്ടർ ഫൈനലിൽ. 21 സീഡ് ചെക് റിപ്പബ്ലിക് താരം പെട്ര ക്വിറ്റോവയെ നേരിട്ടുള്ള സെറ്റുകൾക്ക് തകർത്ത് ആണ് അമേരിക്കൻ താരം അവസാന എട്ടിൽ സ്ഥാനം പിടിച്ചത്.
6 തവണ എതിരാളിയുടെ സർവീസ് ബ്രൈക്ക് ചെയ്ത അമേരിക്കൻ താരം 6-3, 6-2 എന്ന സ്കോറിന് ആണ് ജയം കണ്ടത്. കരിയറിലെ നാലാം ഗ്രാന്റ് സ്‌ലാം ക്വാർട്ടർ ഫൈനൽ ആണ് താരത്തിന് ഇത്. ഈ സീസണിൽ ഓസ്‌ട്രേലിയൻ ഓപ്പൺ, ഫ്രഞ്ച് ഓപ്പൺ എന്നിവയിലും താരം ക്വാർട്ടർ ഫൈനലിൽ എത്തിയിരുന്നു. ക്വാർട്ടർ ഫൈനലിൽ ഇഗ സ്വിറ്റെക്, ജൂൾ നെയ്മെയിർ മത്സരവിജയിയെ ആണ് താരം നേരിടുക.
