യു.എസ് ഓപ്പണിൽ അനായാസ ജയവുമായി ഇഗയും സബലങ്കയും മുഗുരുസയും രണ്ടാം റൗണ്ടിൽ

യു.എസ് ഓപ്പണിൽ രണ്ടാം റൗണ്ടിലേക്ക് മുന്നേറി ലോക ഒന്നാം നമ്പർ താരവും ഒന്നാം സീഡും ആയ ഇഗ സ്വിറ്റെക്. സീഡ് ചെയ്യാത്ത ഇറ്റാലിയൻ താരം ജാസ്മിൻ പൗളോനിയെ നേരിട്ടുള്ള സെറ്റുകൾക്ക് ആണ് പോളണ്ട് താരം തകർത്തത്. ഏഴു തവണ എതിരാളിയെ ബ്രൈക്ക് ചെയ്ത ഇഗ 6-3, 6-0 എന്ന സ്കോറിന് ആണ് ജയം കണ്ടത്. ബ്രിട്ടീഷ് താരം കാതറിൻ ഹാരിസണിനെ 6-1, 6-3 എന്ന സ്കോറിന് തകർത്തു ആറാം സീഡ് അര്യാന സബലങ്കയും രണ്ടാം റൗണ്ടിലേക്ക് മുന്നേറി. ആറു തവണ എതിരാളിയുടെ സർവീസ് സബലങ്ക ബ്രൈക്ക് ചെയ്തു.

യു.എസ്

സ്വിസ് താരം വിക്ടോറിയ ഗോലുബികിനെ 6-2, 6-2 എന്ന സ്കോറിന് തോൽപ്പിച്ചു അമേരിക്കയുടെ എട്ടാം സീഡ് ജെസിക്ക പെഗ്യുലയും രണ്ടാം റൗണ്ടിലേക്ക് മുന്നേറി. ക്ലാര തൗസനെ 6-3, 7-6 എന്ന സ്കോറിന് ഒമ്പതാം സീഡ് ഗബ്രീൻ മുഗുരുസയും രണ്ടാം റൗണ്ടിലേക്ക് മുന്നേറി. രണ്ടാം സെറ്റ് ടൈബ്രേക്കറിൽ പിന്നിൽ നിന്ന ശേഷം തിരിച്ചു വന്നായിരുന്നു മുഗുരുസയുടെ ജയം. അതേസമയം 16 സീഡ് യെലേന ഒസ്റ്റപെങ്കോ ആദ്യ റൗണ്ടിൽ പുറത്തായി. ചൈനീസ് താരം ക്വിൻവാൻ ചെങിനെതിരെ 6-3, 3-6, 6-4 എന്ന സ്കോറിന് ആണ് ഒസ്റ്റപെങ്കോ പരാജയം വഴങ്ങിയത്. മത്സരത്തിൽ 20 ഏസുകൾ ആണ് ചൈനീസ് താരം ഉതിർത്തത്.