റോജർ ഫെഡററിന്റെ റെക്കോർഡ് മറികടക്കാം എന്ന നൊവാക് ജ്യോക്കോവിച്ചിന്റെ സ്വപ്നങ്ങൾക്ക് വിരാമം. ലോക ടെന്നീസ് റാങ്കിങിൽ ഒന്നാം സ്ഥാനത്തേക്കു തിരിച്ചു വന്നു റാഫേൽ നദാൽ. ഷാങ്ഹായ് മാസ്റ്റേഴ്സിന്റെ ക്വാട്ടർ ഫൈനലിൽ സ്റ്റെഫാനോസ് സ്റ്റിസിപാസിനോട് സെർബിയൻ താരം തോറ്റതോട് കൂടിയാണ് ഒന്നാം റാങ്ക് ജ്യോക്കോവിച്ചിനു നഷ്ടമാവുന്നത്. ഈ വർഷം ഓസ്ട്രേലിയൻ ഓപ്പൺ, വിംബിൾഡൺ കിരീടങ്ങൾ നേടിയ ജ്യോക്കോവിച്ച് ഫെഡററിന്റെ റെക്കോർഡ് തകർക്കൽ ആണ് തന്റെ ലക്ഷ്യം എന്നു പറഞ്ഞിരുന്നു.
എന്നാൽ യു.എസ് ഓപ്പണിൽ പരിക്ക് വില്ലനായതോട് കൂടെ നാലാം റൗണ്ടിൽ പുറത്തായ ജ്യോക്കോവിച്ചിനു ഒന്നാം നമ്പറിൽ തുടരുക എന്നത് പ്രയാസമായി. ഷാങ്ഹായിലും ക്വാട്ടറിൽ മടങ്ങിയതോടെ യു.എസ് ഓപ്പൺ ജേതാവ് ആയ നദാൽ ജ്യോക്കോവിച്ചിനെ മറികടക്കും എന്നുറപ്പായി. നിലവിൽ വിശ്രമത്തിൽ ഉള്ള നദാൽ ഉടൻ കളത്തിലേക്ക് തിരിച്ചെത്തിയേക്കും. ജ്യോക്കോവിച്ചിനു ഒന്നാം റാങ്ക് നഷ്ടമായതോടെ ടെന്നീസിൽ ഏറ്റവും കൂടുതൽ കാലം ഒന്നാം റാങ്കിൽ തുടർന്ന താരം എന്ന റെക്കോർ