Category: Tennis

സിൻസിനാറ്റി: ലോക മൂന്നാം നമ്പർ താരം ഇഗാ സ്വിയാടെക് സിൻസിനാറ്റി ഓപ്പൺ കിരീടം നേടി. തിങ്കളാഴ്ച രാത്രി നടന്ന ഫൈനലിൽ ഇറ്റാലിയൻ താരം ജാസ്മിൻ പാവോളിനിയെ നേരിട്ടുള്ള സെറ്റുകൾക്ക് (7-5, 6-4) പരാജയപ്പെടുത്തിയാണ് സ്വിയാടെക് തന്റെ ആദ്യ സിൻസിനാറ്റി ഓപ്പൺ കിരീടം സ്വന്തമാക്കിയത്.

ആദ്യ സെറ്റിൽ 0-3ന് പിന്നിൽ പോയതിന് ശേഷം ഇഗ ശക്തമായി തിരിച്ചുവരുകയായിരുന്നു‌. സ്വിയാടെക്കിന്റെ കരിയറിലെ 24-ാമത്തെ സിംഗിൾസ് കിരീടമാണിത്.

ടെന്നീസ് ചരിത്രത്തിൽ കാർലോസ് അൽകാരസ് ഒരിക്കൽ കൂടി തന്റെ പേര് എഴുതിച്ചേർത്തു. സിൻസിനാറ്റി മാസ്റ്റേഴ്സ് 1000 ഫൈനലിൽ തന്റെ എതിരാളിയായ യാനിക്ക് സിന്നർ പരിക്ക് കാരണം പിന്മാറിയതിനെത്തുടർന്ന് 22-കാരനായ സ്പാനിഷ് താരം കിരീടം നേടി. 5-0 എന്ന സ്കോറിന് അൽകാരസ് മുന്നിട്ട് നിൽക്കുമ്പോഴാണ് സിന്നർ പിന്മാറിയത്. ഈ വിജയത്തോടെ അൽകാരസ് തന്റെ കരിയറിലെ 22-ാമത്തെയും, എട്ടാമത്തെ മാസ്റ്റേഴ്സ് 1000 കിരീടവും നേടി.

യു എസ് ഓപ്പണ് തൊട്ടു മുമ്പ് സിന്നർ അൺഫിറ്റ് ആയി കാണപ്പെട്ടത് ടെന്നീസ് പ്രേമികൾക്ക് ആശങ്ക നൽകുന്നുണ്ട്. എങ്കിലും പരിക്ക് അല്ല അസുഖം കാരണമാണ് സിന്നർ പിന്മാറിയത് എന്നാണ് വിലയിരുത്തൽ.

സിൻസിനാറ്റി ഓപ്പൺ ഫൈനലിൽ ഇടംപിടിച്ച് ലോക മൂന്നാം നമ്പർ താരം ഇഗ സ്വിയാടെക്. സെമിഫൈനലിൽ എലീന റൈബാകിനയെ നേരിട്ടുള്ള സെറ്റുകൾക്ക് (7-5, 6-3) പരാജയപ്പെടുത്തിയാണ് സ്വിയാടെക് ഫൈനലിലേക്ക് മുന്നേറിയത്. മത്സരത്തിൽ തുടക്കത്തിൽ ചെറിയ തിരിച്ചടി നേരിട്ടെങ്കിലും, തകർപ്പൻ പ്രകടനത്തിലൂടെ താരം വിജയം സ്വന്തമാക്കി.

വിംബിൾഡൺ വിജയിയായ സ്വിയാടെക്, ലോക ഒന്നാം നമ്പറും നിലവിലെ ചാമ്പ്യനുമായ അര്യാന സബലെങ്കയെ ക്വാർട്ടർ ഫൈനലിൽ അട്ടിമറിച്ചെത്തിയ റൈബാകിനയ്ക്ക് മത്സരത്തിൽ ആധിപത്യം നേടാൻ അവസരം നൽകിയില്ല. ആദ്യ സെറ്റിൽ ഇരുവരും ഇഞ്ചോടിഞ്ച് പോരാടിയെങ്കിലും, രണ്ടാം സെറ്റിൽ സ്വിയാടെക് ആധിപത്യം സ്ഥാപിക്കുകയായിരുന്നു. നിർണായക ഘട്ടങ്ങളിൽ ബ്രേക്ക് പോയിന്റുകൾ നേടി ആത്മവിശ്വാസത്തോടെ വിജയം ഉറപ്പിക്കാൻ പോളിഷ് താരത്തിന് സാധിച്ചു.

ഫൈനലിൽ ഇറ്റലിയുടെ ജാസ്മിൻ പാവോലിനിയോ റഷ്യയുടെ വെറോനിക കുഡെർമെറ്റോവയോ ആകും സ്വിയാടെകിന്റെ എതിരാളി.

ലോക ഒന്നാം നമ്പർ താരമായ യാനിക് സിന്നറും സ്പാനിഷ് താരം കാർലോസ് അൽകാരസും സിൻസിനാറ്റി ഓപ്പൺ ഫൈനലിൽ ഏറ്റുമുട്ടും. ശനിയാഴ്ച നടന്ന സെമിഫൈനലുകളിൽ നേരിട്ടുള്ള സെറ്റുകൾക്ക് വിജയിച്ചാണ് ഇരുവരും കലാശപ്പോരാട്ടത്തിന് യോഗ്യത നേടിയത്. ഈ സീസണിൽ ഇതിനകം മൂന്ന് പ്രധാന ഫൈനലുകളിൽ ഏറ്റുമുട്ടിയ ഇരുവരുടെയും ആവേശകരമായ പോരാട്ടത്തിന്റെ തുടർച്ചയാണിത്.

തന്റെ 24-ാം പിറന്നാൾ ആഘോഷിക്കുന്ന സിന്നർ, യോഗ്യതാ റൗണ്ടിൽ നിന്ന് വന്ന ടെറൻസ് അറ്റ്മാന്റെ കുതിപ്പിന് 7-6(4), 6-2 എന്ന സ്കോറിന് അന്ത്യം കുറിച്ചു. അതേസമയം, അലക്സാണ്ടർ സ്വെരേവിനെ 6-4, 6-3 എന്ന സ്കോറിന് മറികടന്നാണ് അൽകാരസ് ഫൈനലിൽ പ്രവേശിച്ചത്.
സിൻസിനാറ്റിയിൽ തന്റെ കിരീടം നിലനിർത്താൻ ലക്ഷ്യമിടുന്ന സിന്നർ, 2014-15 കാലഘട്ടത്തിൽ റോജർ ഫെഡററിന് ശേഷം തുടർച്ചയായി ടൂർണമെന്റിൽ കിരീടം നേടുന്ന ആദ്യ പുരുഷ താരമാകാൻ ശ്രമിക്കും.

വിംബിൾഡൺ വിജയത്തിന് ശേഷം കളിക്കാനിറങ്ങിയ ഇറ്റാലിയൻ താരം ഈ ആഴ്ച ഒരു സെറ്റ് പോലും നഷ്ടപ്പെടുത്തിയിട്ടില്ല. യുഎസ് ഓപ്പണിന് മുന്നോടിയായുള്ള ഈ ടൂർണമെന്റ് അദ്ദേഹത്തിന് നിർണായകമാണ്. 2023-ൽ നോവാക് ജോക്കോവിച്ചിനോട് ഫൈനലിൽ പരാജയപ്പെട്ട അൽകാരസിന്റെ രണ്ടാമത്തെ സിൻസിനാറ്റി ഫൈനലാണിത്. ഈ സീസണിൽ 53 വിജയങ്ങളുമായി എടിപി ടൂറിൽ ഏറ്റവും കൂടുതൽ മത്സരങ്ങൾ വിജയിച്ച താരമാണ് സ്പാനിഷ് താരം.

അടുത്തിടെ വിംബിൾഡണിൽ സിന്നറിനോടേറ്റ തോൽവിക്ക് പകരം വീട്ടാൻ അൽകാരസ് കാത്തിരിക്കുകയാണ്.

സിൻസിനാറ്റി: സിൻസിനാറ്റി ഓപ്പണിൽ അപ്രതീക്ഷിതമായ പ്രതിസന്ധികളെ അതിജീവിച്ച് ജാനിക് സിന്നർ നാലാം റൗണ്ടിൽ. കനേഡിയൻ താരം ഗബ്രിയേൽ ഡയാലോയെ നേരിട്ടുള്ള സെറ്റുകൾക്ക് (6-2, 7-6 (8/6)) പരാജയപ്പെടുത്തിയാണ് സിന്നർ മുന്നേറിയത്. കളിക്കിടെ ഉണ്ടായ 75 മിനിറ്റ് നീണ്ട വൈദ്യുതി മുടക്കം, മിന്നുന്ന എൽഇഡി സ്ക്രീനുകൾ, സ്റ്റേഡിയത്തിലെ അലാറം തുടങ്ങിയ തടസ്സങ്ങൾക്കിടയിലും സിന്നർ തന്റെ മികവ് തെളിയിച്ചു.

രണ്ടാം സെറ്റിൽ ഒരു ബ്രേക്ക് വഴങ്ങിയെങ്കിലും, ശക്തമായി തിരിച്ചെത്തിയ സിന്നർ ഒരു ഏസിലൂടെ മത്സരം സ്വന്തമാക്കി. ഇതോടെ ഹാർഡ് കോർട്ടിലെ താരത്തിന്റെ അപരാജിത കുതിപ്പ് 23 മത്സരങ്ങളായി ഉയർന്നു. ലോക റാങ്കിംഗിൽ 35-ാം സ്ഥാനത്തുള്ള ഡയാലോയ്ക്ക് സ്ഥിരത നിലനിർത്താൻ കഴിഞ്ഞില്ല. ആദ്യ സെറ്റിൽ എട്ട് ഡബിൾ ഫോൾട്ടുകളും, മൊത്തത്തിൽ 49 അൺഫോഴ്സ്ഡ് എററും വരുത്തി.

വനിതാ വിഭാഗത്തിൽ, ലോക ഒന്നാം നമ്പർ താരം അര്യാന സബലെങ്ക മൂന്ന് മണിക്കൂർ നീണ്ട പോരാട്ടത്തിൽ എമ്മ റാഡുകാനുവിനെ തോൽപ്പിച്ച് മുന്നോട്ട് പോയി. പവർ, മനോബലം എന്നിവയുടെ പോരാട്ടത്തിൽ 7-6 (7/3), 4-6, 7-6 (7/5) എന്ന സ്കോറിനാണ് സബലെങ്ക വിജയിച്ചത്. തന്റെ പത്താമത്തെ ഡബ്ല്യുടിഎ 1000 കിരീടം ലക്ഷ്യമിടുന്ന സബലെങ്ക അടുത്ത റൗണ്ടിൽ സ്പെയിനിന്റെ ജെസീക്ക ബൗസാസ് മാനെയ്‌റോയെ നേരിടും.