ഇന്ത്യൻ വെൽസ് മെയിൻ ഡ്രോയിൽ ഇന്ത്യൻ താരം സുമിത് നഗാൽ കളിക്കും. റാഫേൽ നദാൽ ഫിറ്റ്നസ് പ്രശ്നങ്ങൾ കാരണം പിന്മാറിയതാണ് നഗാലിന് അവസരം കിട്ടാൻ കാരണമായത്. നഗാൽ ആദ്യ മത്സരത്തിൽ മുൻ ലോക മൂന്നാം നമ്പർ താരം മിലോസ് റാവോനിക്കിനെ ആകും നേരിടുക.
യോഗ്യതാ റൗണ്ടിൻ്റെ അവസാന റൗണ്ടിൽ നേരത്തെ നാഗൽ പരാജയപ്പെട്ടിരുന്നു. എന്നാൽ നദാലിന്റെ പിന്മാറ്റം കാരണം ഒഴിവു വന്ന സ്ഥാനം നഗാലിന് കൊടുക്കാൻ തീരുമാമനം ഉണ്ടായി. നേരത്തെ അലക്സി പോപ്പിറിൻ പിൻവാങ്ങിയപ്പോൾ റോഡിയോനോവ് നെയിൻ ഡ്രോയിൽ എത്തിയിരുന്നു.
നാഗലിൻ്റെ എടിപി മാസ്റ്റേഴ്സ് 1000 മെയിൻ ഡ്രോ അരങ്ങേറ്റമാകും ഇത്. മാർച്ച് 8, വെള്ളിയാഴ്ച, 7.30AM ISTക്ക് ആകും നഗാലിന്റ്ർ മത്സരം നടക്കുക. സോണി സ്പോർട്സ് നെറ്റ്വർക്കിൽ കളി സംപ്രേക്ഷണം ചെയ്യുകയും SonyLIV-ൽ ലൈവ് ആയി സ്ട്രീം ചെയ്യുകയും ചെയ്യും.