ഇന്ത്യയുടെ വളർന്നുവരുന്ന ടെന്നീസ് താരം മായ രാജേശ്വരൻ ഐ.ടി.എഫ് ജെ200 ഗ്ലാഡ്ബെക്ക് ടൂർണമെന്റിന്റെ സെമിഫൈനലിൽ പ്രവേശിച്ചു. ഐ.ടി.എഫ് ജൂനിയർ റാങ്കിംഗിൽ 110-ാം സ്ഥാനത്തുള്ള ചെക്ക് റിപ്പബ്ലിക്കിന്റെ സോഫി ഹെറ്റ്ലറോവയെ 6-0, 6-2 എന്ന സ്കോറിന് അനായാസം തോൽപ്പിച്ചാണ് മായയുടെ മുന്നേറ്റം.
ജെ200 ടാർഗു ജിയുവിലും ജെ100 പോച്ചെഫ്സ്ട്രൂമിലും ഫൈനലിസ്റ്റായിരുന്ന ഹെറ്റ്ലറോവയ്ക്ക്, മായയുടെ ആൾ കോർട്ട് പ്ലേയ്ക്ക് മുന്നിൽ മറുപടിയുണ്ടായിരുന്നില്ല.
സെമിഫൈനലിൽ, ദക്ഷിണാഫ്രിക്കയുടെ ജാനി വാൻ സിൽ, മൂന്നാം സീഡായ ഫ്രാൻസിന്റെ ഡാഫ്നി എംപെറ്റ്ഷി പെരിക്കാർഡ് എന്നിവർ തമ്മിലുള്ള മത്സരത്തിലെ വിജയിയെയാണ് മായ നേരിടുക.