രോഹൻ ബൊപ്പണ്ണ-മാത്യു എബ്ഡൻ സഖ്യം ഫ്രഞ്ച് ഓപ്പൺ 2024 പുരുഷ ഡബിൾസിൻ്റെ സെമി ഫൈനലിലേക്ക് കടന്നു. ഇന്ന് ഇൻഡോ-ഓസ്ട്രേലിയൻ ജോഡി 7-6 (7-3), 5-7, 6-1 എന്ന സ്കോറിന് സാൻഡർ ഗില്ലെ-ജോറാൻ വിലെഗൻ സഖ്യത്തെ പരാജയപ്പെടുത്തി. ബൊപ്പണ്ണയും എബ്ഡനും രണ്ട് മണിക്കൂറും 4 മിനിറ്റും എടുത്താണ് മത്സരം വിജയിച്ചത്.
നേരത്തെ മിക്സിഡ് ഡബിൾസിൽ വെറോണിക്ക കുദർമെറ്റോവയ്ക്കൊപ്പം മിക്സഡ് ഡബിൾസിൻ്റെ ആദ്യ റൗണ്ടിൽ ബൊപ്പണ്ണ പരാജയപ്പെട്ടിരുന്നു. പുരുഷ ഡബിൾസിൽ ശ്രീറാം ബാലാജിക്കെതിരായ പുരുഷ ഡബിൾസിൻ്റെ മൂന്നാം റൗണ്ടിൽ വലിയ പോരാട്ടം മറികടന്നായിരുന്നു ബൊപ്പണ്ണ സഖ്യം നാലാം റൗണ്ടിലേക്ക് എത്തിയത്.