ഓസ്ട്രേലിയൻ ടെന്നീസ് താരം നിക്ക് കിരിയോസ് ഫ്രഞ്ച് ഓപ്പണിൽ നിന്ന് പിന്മാറി. ജനുവരിയിൽ ഓസ്ട്രേലിയൻ ഓപ്പണിൽ നിന്ന് പിന്മാറേണ്ടി വന്ന കാൽമുട്ടിന് പരിക്ക് തന്നെയാണ് ഇപ്പോഴും കിരിയോസിന്റെ പ്രശ്നം. കിരിയോസ് ജനുവരിയിൽ ശസ്ത്രക്രിയയ്ക്ക് വിധേയനായിരുന്നു, ഈ സീസണിൽ ഇതുവരെയുള്ള എല്ലാ മത്സരങ്ങളും താരത്തിന് നഷ്ടമായി.
“കിരിയോസ് കളിക്കാൻ സാധ്യതയില്ല. നിക്കിനെ എത്രയും വേഗം കളത്തിൽ എത്തിക്കാൻ ഞങ്ങൾ ആവുന്നതെല്ലാം ചെയ്യുന്നുണ്ട്,” കിർഗിയോസിന്റെ ഏജന്റ് ഡാനിയൽ ഹോഴ്സ്ഫാൾ പറഞ്ഞു.