ലോക നാലാം നമ്പർ സ്റ്റെഫാനോസ് സിറ്റ്സിപാസ് 2023 ഓസ്ട്രേലിയൻ ഓപ്പണിന്റെ പുരുഷ സിംഗിൾസ് ഫൈനലിലേക്ക് മുന്നേറി. ഇന്ന് മൂന്നാം സീഡ് റഷ്യയുടെ കാരെൻ ഖച്ചനോവിനെ 7-6 (7-2), 6-4, 6-7 (6-8), 6-3ന് പരാജയപ്പെടുത്തിയാണ് സിറ്റ്സിപാസ് ഫൈനലിലേക്ക് എത്തിയത്.
2019, 2021, 2022 വർഷങ്ങളിൽ ഓസ്ട്രേലിയൻ ഓപ്പണിൽ സെമി ഫൈനലിൽ വീണ സിറ്റ്സിപാസിന്റെ കന്നി ഫൈനലാണ് ഇത്. ഫ്രഞ്ച് ഓപ്പൺ ഫൈനലിൽ കളിച്ചതിന് ശേഷം ഗ്രാൻഡ്സ്ലാമിലെ തന്റെ രണ്ടാമത്തെ ഫൈനൽ കൂടിയാകും സിറ്റ്സിപാസിന് ഇത്.
21 സിംഗിൾസ് കിരീടങ്ങൾ നേടിയ നൊവാക് ജോക്കോവിച്ചും യുഎസ്എയുടെ ടോമി പോളും തമ്മിലുള്ള മത്സരത്തിലെ വിജയിയെയാകും സിറ്റ്സിപാസ് ഫൈനലിൽ നേരിടുക.