നിലവിലെ യുഎസ് ഓപ്പണ് വനിത ജേതാവ് സ്ലോവാനേ സ്റ്റീഫന്സ് ഓസ്ട്രേലിയന് ഓപ്പണ് ആദ്യ റൗണ്ടില് പുറത്ത്. ടൂര്ണ്ണമെന്റില് 13ാം സീഡായ അമേരിക്കന് താരം മൂന്ന് സെറ്റ് നീണ്ട പോരാട്ടത്തിനൊടുവിലാണ് മത്സരത്തില് അടിയറവ് പറഞ്ഞത്. ചൈനീസ് താരം ലോക 34ാം നമ്പര് ഷാംഗ് ഷുവായിയോടാണ് സ്റ്റീഫന്സ് പരാജയം ഏറ്റുവാങ്ങിയത്.
ആദ്യ സെറ്റ് നേടിയെങ്കിലും പിന്നീട് മത്സരത്തില് പിന്നോട് പോകുകയായിരുന്നു താരം. രണ്ടാം സെറ്റില് 5-4 നു മത്സരത്തിനായി സെര്വ് ചെയ്ത താരം രണ്ടാം സെറ്റ് ചൈനീസ് താരത്തിനു മുന്നില് അടിയറവു പറഞ്ഞു. മത്സരം നിര്ണ്ണായകമായ മൂന്നാം സെറ്റിലേക്ക് എത്തിച്ച ചൈനീസ് താരം ഷാംഗ് ഷുവായി 2-6, 7-6(7-2), 6-2 എന്ന സ്കോറിനു ജയം സ്വന്തമാക്കി.
കൂടുതൽ കായിക വാർത്തകൾക്ക് : www.facebook.com/FanportOfficial
