2025 ലെ ഓസ്ട്രേലിയൻ ഓപ്പണിന്റെ നിലവിലെ ചാമ്പ്യനും ലോക ഒന്നാം നമ്പർ താരവുമായ അരിന സബലെങ്ക മൂന്നാം റൗണ്ടിലേക്ക് മുന്നേറി. സ്പെയിനിന്റെ ജെസീക്ക ബൗസാസ് മനീറോയുടെ വലിയ വെല്ലുവിളിയെ മറികടന്ന് ആണ് സബലെങ്ക മൂന്നാം റൗണ്ടിലേക്ക് പ്രവേശിച്ചത്.
സബലെങ്ക 6-3, 7-5 എന്ന സ്കോറിന് ആണ് വിജയിച്ചത്. രണ്ടാം സെറ്റിൽ ഒരു ഘട്ടത്തിൽ ബൗസാസ് 5-2 ന് മുന്നിലെത്തിയിരുന്നു. അവിടെ നിന്നാണ് സബലങ്ക തിരികെ വന്നത്.
മെൽബണിലെ തന്റെ വിജയ പരമ്പര 16 മത്സരങ്ങളിലേക്ക് നീട്ടാൻ സബലെങ്കയ്ക്ക് ഈ വിജയം കൊണ്ടായി. അടുത്ത റൗണ്ടിൽ അവർ ക്ലാര ടൗസണെ നേരിടും.