ലോക ഒന്നാം നമ്പര്‍ താരം നദാല്‍ ഓസ്ട്രേലിയന്‍ ഓപ്പണ്‍ ക്വാര്‍ട്ടറില്‍ നിന്ന് പരിക്കേറ്റ് പിന്മാറി. നിര്‍ണ്ണായകമായ അഞ്ചാം സെറ്റില്‍ 2 ഗെയിമുകള്‍ക്ക് പിന്നിട്ട് നില്‍ക്കുമ്പോളാണ് പരിക്ക് വില്ലനായി എത്തുന്നത്. 264 ഗ്രാന്‍ഡ് സ്ലാം മത്സരങ്ങളില്‍ ഇത് വെറും രണ്ടാം തവണയാണ് നദാല്‍ പരിക്ക് മൂലം പിന്മാറുന്നത്. 2010ല്‍ ഓസ്ട്രേലിയന്‍ ഓപ്പണില്‍ ബ്രിട്ടീഷ് താരം ആന്‍ഡി മറേയോട് ക്വാര്‍ട്ടറിലായിരുന്നു ഇതിനു മുമ്പ് താരം റിട്ടയര്‍ ചെയ്യുന്നത്.
ഇന്നത്തെ മത്സരത്തില്‍ ക്രൊയേഷ്യയുടെ മരിന്‍ സിലിച്ചിനോടായിരുന്നു നദാലിന്റെ മത്സരം. മത്സരം 3-6, 6-3, 6-7, 6-2, 2-0 എന്ന നിലയില്‍ സിലിച്ചിനു അനുകൂലമായി നില്‍ക്കവേയാണ് നദാല്‍ പിന്മാറിയത്. സെമി ഫൈനലില്‍ സിലിച്ചിന്റെ എതിരാളി ബ്രിട്ടന്റെ കൈല്‍ എഡ്‍മണ്ട് ആണ്.
കൂടുതൽ കായിക വാർത്തകൾക്ക് : www.facebook.com/FanportOfficial
