ഓസ്ട്രേലിയന്‍ ഓപ്പണില്‍ നിന്ന് വീനസ് വില്യംസ് പുറത്ത്, വില്യംസിനെ വീഴ്ത്തിയത് ബെലിന്‍ഡ ബെന്‍ചിച്ച്

- Advertisement -

ഓസ്ട്രേലിയന്‍ ഓപ്പണില്‍ നിന്ന് വീനസ് വില്യംസ് പുറത്ത്. സ്വിറ്റ്സര്‍ലാന്‍ഡിന്റെ ബെലിന്‍ഡ് ബെന്‍ചിച്ച് ആണ് വീനസിനെ ഓസ്ട്രേലിയന്‍ ഓപ്പണിന്റെ ആദ്യ റൗണ്ടില്‍ തന്നെ പുറത്താക്കിയത്. സ്കോര്‍ 6-3, 7-5. നേരിട്ടുള്ള സെറ്റുകള്‍ക്കായിരുന്നു വീനസിന്റെ തോല്‍വി. ഇരുവരും ഏറ്റുമുട്ടിയ മറ്റു മൂന്ന് അവസരങ്ങളിലും ജയം വീനസിനൊപ്പമായിരുന്നു.

ഹോപ്മാന്‍ കപ്പില്‍ റോജര്‍ ഫെഡററോടൊപ്പം ഈ വര്‍ഷം ആദ്യം വിജയം സ്വന്തമാക്കുവാന്‍ ബെലിന്‍ഡയ്ക്ക് സാധിച്ചിരുന്നു. വിജയത്തിനു ശേഷം വീനസിന്റെ പ്രശംസ പിടിച്ചു പറ്റുവാനും ബെലിന്‍ഡയ്ക്കായി. ഞാന്‍ മോശം കളി കളിച്ചിട്ടല്ല തോറ്റത് ബെലിന്‍ഡ് മികച്ച പ്രകടനം കാഴ്ചവെച്ചുവെന്നാണ് വീനസ് അഭിപ്രായപ്പെട്ടത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement