ഓസ്ട്രേലിയൻ ഓപ്പണിന്റെ മിക്സഡ് ഡബിൾസിൽ ഇന്ത്യൻ ടെന്നീസ് താരം സാനിയ മിർസയും യുഎസ്എയുടെ രാജീവ് റാമും ചേർന്ന സഖ്യം ക്വാർട്ടർ ഫൈനലിൽ കടന്നു. രണ്ടാം റൗണ്ട് മത്സരത്തിൽ ഓസ്ട്രേലിയയുടെ എലൻ പെരസ്-നെതർലൻഡ്സിന്റെ മാറ്റ്വെ മിഡിൽകൂപ്പ് സഖ്യത്തെ 7-6 (8/6), 6-4 എന്ന സ്കോറിനാണ് സാനിയ-റാം സഖ്യം പരാജയപ്പെടുത്തിയത്.
ക്വാർട്ടറിൽ സാം സ്റ്റോസർ/മാത്യൂ എബ്ഡൻ, ജെയ്മി ഫോർലിസ്/ജെയ്സൺ കുബ്ലർ എന്നിവർ തമ്മിലുള്ള മത്സരത്തിലെ വിജയികളെ ആകും സാനിയ സഖ്യം നേരിടുക. വ്യാഴാഴ്ച നടന്ന ആദ്യ റൗണ്ട് മത്സരത്തിൽ സെർബിയൻ ജോഡികളായ അലക്സാന്ദ്ര ക്രുനിക്-നിക്കോള കാസിക് സഖ്യത്തെ സാനിയയും റാമും തോൽപ്പിച്ചിരുന്നു.