മാഡ്രിഡ് ഓപ്പൺ കിരീടം കാർലോസ് അൽകാരാസ് സ്വന്തമാക്കി. ജാൻ-ലെനാർഡ് സ്ട്രഫിനെതിരെ 6-4, 3-6, 6-3 എന്ന സ്കോറിന് വിജയിച്ചാണ് താരം തന്റെ കരിയറിലെ 10-ാം കിരീടം സ്വന്തമാക്കിയത്. കഴിഞ്ഞ വർഷം അൽകാരസ് ആയിരിന്നു മാഡ്രിഡ് ഓപ്പൺ സ്വന്തമാക്കിയത്. ഈ ജയത്തോടെ അൽകാരസ് ഒന്നാം റാങ്കിന് അടുത്ത് എത്തി.
റോം മാസ്റ്റേഴ്സിൽ ഒരൊറ്റ മത്സരം കളിച്ചാൽ നൊവാക് ജോക്കോവിച്ചിനെ മറികടന്ന് വീണ്ടും ലോക ഒന്നാം നമ്പറിൽ എത്താൽ സ്പാനിഷ് യുവതാരത്തിന് ആകും. നിലവിൽ അൽകാരസ് രണ്ടാം റാങ്കിലാണ്. സെപ്തംബറിലെ യുഎസ് ഓപ്പൺ വിജയത്തിന് ശേഷം 20 ആഴ്ചയോളം ഒന്നാം സ്ഥാനത്ത് അൽകാരാസ് ഉണ്ടായിരുന്നു. ലോക ഒന്നാം നമ്പറിൽ എത്തിയ ഏറ്റവും പ്രായം കുറഞ്ഞ കളിക്കാരനായി അന്ന് അൽകാരസ് മാറിയിരുന്നു. ജോക്കോവിച്ചിന്റെ ഓസ്ട്രേലിയൻ ഓപ്പൺ വിജയത്തോടെ നൊവാക് ഒന്നാം നമ്പറിൽ എത്തി.