Tag: Zimbabwe

അയര്‍ലണ്ടിനെതിരെ അവസാന പന്തിൽ ത്രില്ലര്‍ വിജയം നേടി സിംബാബ്‍വേ. ഇന്നലെ നടന്ന മത്സരത്തിൽ ആദ്യം ബാറ്റ് ചെയ്ത അയര്‍ലണ്ട് 147/8 എന്ന സ്കോര്‍ നേടിയപ്പോള്‍ സിംബാബ്‍വേ 9 വിക്കറ്റ് നഷ്ടത്തിൽ അവസാന പന്തിൽ വിജയം നേടുകയായിരുന്നു.

അയര്‍ലണ്ടിനായി ആന്‍ഡ്രൂ ബാൽബിര്‍ണേ(32), ഹാരി ടെക്ടര്‍(24), ഗാരെത് ഡെലാനി(11 പന്തിൽ 26*) എന്നിവരാണ് പ്രധാന സ്കോറര്‍മാര്‍. സിംബാബ്‍വേയ്ക്കായി സിക്കന്ദര്‍ റാസ 3 വിക്കറ്റും റിച്ചാര്‍ഡ് എന്‍ഗാരാവയും ബ്ലെസ്സിംഗ് മുസറബാനിയും രണ്ട് വീതം വിക്കറ്റ് നേടി.

42 പന്തിൽ 65 റൺസ് നേടിയ സിക്കന്ദര്‍ റാസ സിംബാബ്‍വേയുടെ ടോപ് സ്കോറര്‍ ആയപ്പോള്‍ വെസ്സ്ലി മാധവേരേ 25 റൺസും ക്ലൈവ് മഡാന്‍ഡേ 11 പന്തിൽ 20 റൺസും നേടി. അവസാന ഓവറിൽ 9 റൺസായിരുന്നു സിംബാബ്‍വേ നേടേണ്ടിയിരുന്നത്.

നാലാം പന്തിൽ എന്‍ഗാരാവ ബൗണ്ടറി നേടിയെങ്കിലും തൊട്ടടുത്ത പന്തിൽ താരം പുറത്തായതോടെ ലക്ഷ്യം അവസാന പന്തിൽ 2 ആി മാറി. ബ്ലെസ്സിംഗ് മുസറബാനി അവസാന പന്തിൽ രണ്ട് റൺസ് നേടി സിംബാബ്‍വേ വിജയം ഉറപ്പാക്കി. അയര്‍ലണ്ടിനായി മാര്‍ക്ക് അഡൈര്‍, ജോഷ്വ ലിറ്റിൽ, ബാരി മക്കാര്‍ത്തി, ക്രെയിഗ് യംഗ് എന്നിവര്‍ രണ്ട് വീതം വിക്കറ്റ് നേടി.

ലോകകപ്പിന് യോഗ്യത നേടാനാകാതെ പോയ സിംബാബ്‍വേ അയര്‍ലണ്ടിനെതിരെയുള്ള ടി20 ടീമിനെ പ്രഖ്യാപിച്ചു. ലോകകപ്പ് യോഗ്യത മത്സരത്തിൽ കളിച്ച ചില താരങ്ങളെ ഒഴിവാക്കിയാണ് ടീം പ്രഖ്യാപനം. സിക്കന്ദര്‍ റാസ നയിക്കുന്ന ടീമിൽ ലോകകപ്പ് യോഗ്യത മത്സരത്തിൽ നിന്ന് നാല് താരങ്ങളെയാണ് പുറത്താക്കിയിരിക്കുന്നത്.

ടെണ്ടായി ചടാര, വെല്ലിംഗ്ടൺ മസകഡസ, ഇന്നസന്റ് കൈയ, നിക്ക് വെൽച്ച് എന്നിവര്‍ക്കാണ് ടീമിലെ സ്ഥാനം നഷ്ടമായത്. രണ്ട് അണ്‍ക്യാപ്ഡ് താരങ്ങളെ സിംബാബ്‍വേ ടീമിൽ ഉള്‍പ്പെടുത്തിയിട്ടുണ്ട്.

ഡിസംബര്‍ 7ന് ഹരാരെ സ്പോര്‍ട്സ് ക്ലബിലാണ് മൂന്ന് മത്സരങ്ങലുടെ പരമ്പര ആരംഭിയ്ക്കുന്നത്. ഡിസംബര്‍ 9, 10 തീയ്യതികളിൽ മറ്റു മത്സരങ്ങള്‍ നടക്കും.

ടി20 സ്ക്വാഡ്: Sikandar Raza (c), Brian Bennett, Ryan Burl, Craig Ervine, Trevor Gwandu, Luke Jongwe, Clive Madande, Wessly Madhevere, Tadiwanashe Marumani, Brandon Mavuta, Carl Mumba, Tony Munyonga, Blessing Muzarabani, Richard Ngarava, Sean Williams

2003ന് ശേഷം ആദ്യമായി സിംബാബ്‍വേ ഇംഗ്ലണ്ടിലേക്ക് ഒരു ബൈലാറ്റൽ സീരീസിനായി എത്തുന്നു. 2025ൽ ഒരു ചതുര്‍ദിന ടെസ്റ്റിൽ സിംബാബ്‍വേയും ഇംഗ്ലണ്ടും ഏറ്റുമുട്ടുമെന്നാണ് സിംബാബ്‍വേ ക്രിക്കറ്റ് പുറത്ത് വിട്ട് വിവരം. മേയ് 28 മുതൽ 31 വരെയാണ് ഈ മത്സരം നടക്കുക. മത്സരത്തിന്റെ വേദി തീരുമാനിച്ചിട്ടില്ല.

ഇതിന് മുമ്പ് സിംബാബ്‍വേ ഇംഗ്ലണ്ടിലെത്തിയപ്പോള്‍ മേയ് ഇരു ടെസ്റ്റുകളിലും ഇംഗ്ലണ്ട് ഇന്നിംഗ്സ് വിജയം ആണ് നേടിയത്. ചരിത്രപ്രധാനമായ ടെസ്റ്റ് മത്സരം ആകും ഇതെന്നാണ് സിംബാബ്‍വേ ക്രിക്കറ്റ് മാനേജിംഗ് ഡയറക്ടര്‍ ഗിവ്മോര്‍ മകോനി പറഞ്ഞത്. രരണ്ട് പതിറ്റാണ്ടുകള്‍ക്ക് ശേഷമാണ് ഇംഗ്ലണ്ടിൽ സിംബാബ്‍വേ എത്തുന്നതെന്നും അദ്ദേഹം കൂട്ടിചേര്‍ത്തു.

ഹരാരെ സ്പോര്‍ട്സ് ക്ലബിലെ ലോകകപ്പ് യോഗ്യത മത്സരങ്ങള്‍ തുടരുവാന്‍ അനുമതി. കഴിഞ്ഞ ചൊവ്വാഴ്ച രാത്രി ക്ലബിലെ തീപിടുത്തം യഥാസമയം ഫയര്‍ഫൈറ്റേഴ്സ് കെടുത്തിയിരുന്നു. ഇവിടെ ഇനിയും മൂന്ന് ഗ്രൂപ്പ് മത്സരങ്ങളും സൂപ്പര്‍ സിക്സിലെ നാല് മത്സരങ്ങളും ജൂലൈ 9ന് നടക്കുന്ന ഫൈനലും നടക്കാനുണ്ട്.

ഗ്രൗണ്ടിന്റെ സത്തേൺ എന്‍ഡിന് ഏതാനും മീറ്ററുകളപ്പുറമാണ് തീപിടുത്തം ഉണ്ടായത്. ഗ്രൗണ്ടിന്റെ ഏതെങ്കിലും സ്ട്രക്ച്ചറിന് നാശനഷ്ടം ഉണ്ടായിട്ടില്ലെന്നാണ് സിംബാബ്‍വേ ക്രിക്കറ്റ് തങ്ങളുടെ പ്രസ്താവനയിൽ പറഞ്ഞത്.