Tag: Yuzvendra Chahal

ഇന്ത്യയ്ക്കെതിരെ രണ്ടാം ഏകദിനത്തിൽ 275 റൺസ് നേടി ശ്രീലങ്ക. അവിഷ്ക ഫെര്‍ണാണ്ടോയും ചരിത് അസലങ്കയും നേടിയ അര്‍ദ്ധ ശതകങ്ങള്‍ക്കൊപ്പം മിനോദ് ഭാനുക(36), ധനന്‍ജയ ഡി സിൽവ(32) എന്നിവരുടെ പ്രകടനങ്ങള്‍ കൂടിയായപ്പോള്‍ ലങ്ക 9 വിക്കറ്റ് നഷ്ടത്തിൽ ആണ് ഈ സ്കോര്‍ നേടിയത്.

ഓപ്പണര്‍മാര്‍ 77 റൺസ് നേടി മികച്ച തുടക്കം നല്‍കിയ ശേഷം ചഹാല്‍ അടുത്തടുത്ത പന്തുകളിൽ മിനോദിനെയും ഭാനുക രാജപക്സയെയും പുറത്താക്കിയാണ് ശ്രീലങ്കയ്ക്ക് ആദ്യ പ്രഹരങ്ങള്‍ നല്‍കിയത്.

അവിഷ്ക ഫെര്‍ണാണ്ടോ 50 റൺസ് നേടി പുറത്തായപ്പോള്‍ ചരിത് അസലങ്ക 65 റൺസാണ് നേടിയത്. കഴിഞ്ഞ മത്സരത്തിൽ തിളങ്ങിയ ചമിക കരുണാരത്നേയും മികച്ച പ്രകടനമാണ് നടത്തിയത്. താരം 33 പന്തിൽ പുറത്താകാതെ 44 റൺസ് നേടി.

ഇന്ത്യയ്ക്ക് വേണ്ടി യൂസുവേന്ദ്ര ചഹാല്‍ മൂന്നും ഭുവനേശ്വര്‍ കുമാര്‍, ദീപക് ചഹാര്‍ എന്നിവര്‍ രണ്ട് വീതം വിക്കറ്റും നേടി.

2017 മുതൽ 2019 വരെയുള്ള യൂസുവേന്ദ്ര ചഹാലിന്റെ മികവ് താരത്തിന് പിന്നീടങ്ങോട്ട് പുലര്‍ത്തുവാന്‍ സാധിക്കാതെ ഒരു സമയത്ത് ഇന്ത്യയുടെ വിജയത്തിന്റെ അവിഭാജ്യ ഘടകമായിരുന്ന താരത്തിന് പിന്നീട് സെലക്ടര്‍മാരുടെ ശ്രദ്ധ പിടിച്ച് പറ്റുവാന്‍ സാധിക്കാത്തൊരു സാഹചര്യത്തിലൂടെ കടന്ന് പോകേണ്ടി വരികയായിരുന്നു.

ഒരു സമയത്ത് കുല്‍ദീപ് യാദവുമായി എതിരാളികളെ വെള്ളം കുടിപ്പിച്ച ചഹാലിനൊപ്പം കുല്‍ദീപിനും തന്റെ ഫോം നഷ്ടമായി. ജ‍ഡേജ മടങ്ങിയെത്തിയതും വാഷിംഗ്ടൺ സുന്ദറിനെ സെലക്ടര്‍മാര്‍ കൂടുതൽ പരിഗണിക്കുവാനും തുടങ്ങിയപ്പോൾ ടീമിൽ ചഹാൽ സ്ഥിരമല്ലാതെ ആകുകയായിരുന്നു.

എന്നാൽ തന്റെ ഫോം നഷ്ടമായിട്ടില്ലെന്നും ശ്രീലങ്കയിൽ താൻ ശക്തമായ തിരിച്ചുവരവ് നടത്തുമെന്നുമാണ് ചഹാൽ പറയുന്നത്. എല്ലാ മത്സരത്തിലും ഒരാള്‍ക്കും വിക്കറ്റ് നേടാനാകില്ലെന്നും അതിനര്‍ത്ഥം ഫോം നഷ്ടമായി എന്നല്ലെന്നും ചഹാല്‍ വ്യക്തമാക്കി. പ്രധാന താരങ്ങള്‍ ലങ്കയിലേക്കുണ്ടാകില്ലെന്നുറപ്പായതോടെ ചഹാലിന് വീണ്ടും അവസരം വന്നെത്തിയിരിക്കുകയാണ്.

താനത് മുതലാക്കുമെന്നും ശ്രീലങ്കയിൽ താൻ ഫോമിലേക്ക് മടങ്ങിയെത്തുമെന്നും താരം പറഞ്ഞു.

ഐപിഎൽ നിര്‍ത്തിവയ്ക്കുന്നതിന് മുമ്പ് തന്നെ ടൂര്‍ണ്ണമെന്റിൽ നിന്ന് പിന്മാറുവാൻ തീരുമാനിച്ചിരുന്നുവെന്ന് പറഞ്ഞ് റോയൽ ചലഞ്ചേഴ്സ് ബാംഗ്ലൂര്‍ താരം യൂസുവേന്ദ്ര ചഹാൽ. താൻ ഐപിഎൽ കളിക്കുന്നതിനിടെ തന്റെ മാതാപിതാക്കള്‍ക്ക് കോവിഡ് വന്നിരുന്നുവെന്നും അച്ഛന്‍ ആശുപത്രിയിലും അമ്മ വീട്ടിൽ ക്വാറന്റീനിലുമായിരുന്നുവെന്ന് താരം പറഞ്ഞു.

മേയ് 3ന് ആണ് അവര്‍ പോസിറ്റീവായത്. ഏതാനും ദിവസത്തിനകം ടൂര്‍ണ്ണമെന്റ് നിര്‍ത്തേണ്ട സാഹചര്യം വന്നു. അതില്ലായിരുന്നുവെങ്കിലും താൻ പിന്മാറുവാനിരുന്നതാണെന്നും മാതാപിതാക്കളുടെ അസുഖ വിവരം അറിഞ്ഞ ശേഷം മത്സരത്തിൽ ശ്രദ്ധ കേന്ദ്രീകരിക്കുവാൻ സാധിച്ചിരുന്നില്ലെന്നും ചഹാൽ പറ‍ഞ്ഞു.

വിദേശ താരങ്ങളായ കെയിൻ റിച്ചാര്‍ഡ്സൺ, ആഡം സംപ, ആന്‍ഡ്രൂ ടൈ എന്നിവര്‍ മടങ്ങിയപ്പോൾ ഇന്ത്യൻ താരം അശ്വിനും ടൂര്‍ണ്ണമെന്റ് ഉപേക്ഷിക്കുന്നതിന് മുമ്പ് പിന്മാറിയിരുന്നു.

ഇന്ത്യയ്ക്കായി എന്നെങ്കിലും ടെസ്റ്റ് ക്രിക്കറ്റ് കളിക്കാന്‍ തനിക്കാകുമെന്ന് പ്രതീക്ഷിക്കുന്നതായി യൂസുവേന്ദ്ര ചഹാല്‍. ഐപിഎലില്‍ റോയല്‍ ചലഞ്ചേഴ്സ് ബാംഗ്ലൂരിന് വേണ്ടി മികവ് പുറത്തെടുത്തതാണ് താരത്തിന് പരിമിത ഓവര്‍ ക്രിക്കറ്റില്‍ ഇന്ത്യന്‍ ജഴ്സി അണിയുവാന്‍ അവസരം നല്‍കിയത്. 2016ല്‍ സിംബാബ്‍വേയ്ക്കെതിരെ താരത്തിന് അരങ്ങേറ്റത്തിന് അവസരം നല്‍കുവാന്‍ ബിസിസിഐ തീരുമാനിച്ച ശേഷം താരം പരിമിത ഓവര്‍ ക്രിക്കറ്റില്‍ ഇന്ത്യന്‍ ടീമിലെ സ്ഥിരം സാന്നിദ്ധ്യമായി മാറുകയായിരുന്നു.

ഇന്ത്യയ്ക്കായി 54 ഏകദിനങ്ങളും 48 ടി20 മത്സരങ്ങളിലും കളിച്ചിട്ടുള്ള താരം യഥാക്രമം 92ഉം 62ഉം വിക്കറ്റാണ് ഈ ഫോര്‍മാറ്റുകളില്‍ നേടിയിട്ടുള്ളത്. എന്നെങ്കിലും തന്നെ ഇന്ത്യന്‍ ടെസ്റ്റ് ടീമിലേക്ക് വിളിക്കുമെന്ന പ്രതീക്ഷ തനിക്ക് എന്നുമുണ്ടെന്നും ടെസ്റ്റ് ഫോര്‍മാറ്റില്‍ കളിക്കണമെന്നത് തന്റെ വലിയ ആഗ്രഹമാണെന്നും താരം പറഞ്ഞു.

ആരെങ്കിലും തന്നെ ടെസ്റ്റ് ക്രിക്കറ്ററെന്ന് വിളിക്കുകയാണെങ്കില്‍ അതിലും വലിയ നേട്ടം മറ്റൊന്നുണ്ടെന്ന് താന്‍ കരുതുന്നില്ലെന്നും ചഹാല്‍ വ്യക്തമാക്കി.