Tag: Yashasvi Jaiswal

2024 ഫെബ്രുവരിയിലെ ഐസിസി പ്ലെയർ ഓഫ് ദി മന്ത് അവാർഡിന് യശസ്വി ജയ്സ്വാൾ നോമിനേറ്റ് ചെയ്യപ്പെട്ടു. ഇംഗ്ലണ്ടിനെതിരായ മിന്നുന്ന പ്രകടനത്തിനാണ് ഇന്ത്യയുടെ യുവ ബാറ്ററെ ഐ സി സി പുരസ്കാരത്തിന് പരിഗണിക്കുന്നത്.

ന്യൂസിലൻഡ് സ്റ്റാർ ബാറ്റർ കെയ്ൻ വില്യംസൺ, ശ്രീലങ്കൻ ഓപ്പണർ പാത്തും നിസ്സാങ്ക എന്നിവരുമായാകുൻ ജയ്‌സ്വാൾ പുരസ്കാരത്തിനായി പോരാടുക.

ഇതുവരെ ഇംഗ്ലണ്ടിനെതിരായ പരമ്പരയിൽ 8 ഇന്നിംഗ്‌സുകളിൽ നിന്നായി 655 റൺസ് നേടാൻ ജയ്സ്വാളിനായിരുന്നു‌. 2 ഇരട്ട സെഞ്ച്വറികളും ജയ്സ്വാൾ ഈ പരമ്പരയിൽ നേടി. ഫെബ്രുവരിയിൽ ജയ്‌സ്വാൾ 112 ശരാശരിയിൽ 560 റൺസ് നേടി. ഇതിൽ 20 സിക്‌സറുകൾ ഉൾപ്പെടുന്നു.

വില്യംസണും നിസ്സാങ്കയും ഫെബ്രുവരി മാസത്തിൽ നല്ല പ്രകടനം കാഴ്ചവെച്ചിരുന്നു. ദക്ഷിണാഫ്രിക്കക്ക് എതിരെ നാല് ഇന്നിംഗ്‌സുകളിൽ നിന്ന് 403 റൺസാണ് വില്യംസൺ നേടിയത്. നിസാങ്ക അഫ്ഗാനിസ്ഥാനെതിരായ പരമ്പരയിൽ ശ്രീലങ്കൻ താരത്തിൻ്റെ ആദ്യ ഏകദിന ഡബിൾ സെഞ്ച്വറി കുറിച്ചിരുന്നു.

ഐ സി സി റാങ്കിംഗിൽ വലിയ കുതിപ്പ് നടത്തി യശസ്വി ജയ്സ്വാൾ. രാജ്‌കോട്ടിൽ ഇംഗ്ലണ്ടിനെതിരായ മൂന്നാം ടെസ്റ്റിൽ പുറത്താകാതെ 214 റൺസ് നേടിയതിന് ശേഷം ഇന്ത്യൻ ഓപ്പണർ യശസ്വി ജയ്‌സ്വാൾ ഐസിസി പുരുഷന്മാരുടെ ടെസ്റ്റ് ബാറ്റിംഗ് റാങ്കിംഗിൽ 14 സ്ഥാനങ്ങൾ മെച്ചപ്പെടുത്തി. 29ആം സ്ഥാാനത്ത് ഉണ്ടായിരുന്ന ജയ്സ്വാൾ 15-ാം സ്ഥാനത്തെത്തിയിരിക്കുകയാണ്. താരത്തിന്റെ കരിയറിലെ ഏറ്റവും ഉയർന്ന റാങ്കാണിത്.

ഒന്നാം ഇന്നിംഗ്‌സിൽ സെഞ്ച്വറി നേടിയ ക്യാപ്റ്റൻ രോഹിത് ശർമ്മ ഒരു സ്ഥാനം മെച്ചപ്പെടുത്തി 12-ാം സ്ഥാനത്തെത്തി. രണ്ടാം ഇന്നിംഗ്‌സിൽ സെഞ്ചുറിക്ക് അടുത്ത് എത്തിയ ശുഭ്മാൻ ഗിൽ മൂന്ന് സ്ഥാനങ്ങൾ മെച്ചപ്പെടുത്തി 35-ാം സ്ഥാനത്തെത്തി. അരങ്ങേറ്റക്കാരായ സർഫറാസ് ഖാനും ധ്രുവ് ജുറലും യഥാക്രമം 75, 100 സ്ഥാനങ്ങളിൽ റാങ്കിംഗിൽ പ്രവേശിച്ചു.

ദക്ഷിണാഫ്രിക്കയ്‌ക്കെതിരെ തന്റെ മികച്ച പ്രകടനം തുടർന്ന കെയ്ൻ വില്യംസൺ ബാറ്റിംഗ് റാങ്കിംഗിൽ ഒന്നാം സ്ഥാനത്ത് തൻ്റെ സ്ഥാനം ശക്തിപ്പെടുത്തി.

ഇംഗ്ലണ്ടിനെതിരായ നിലവിലെ ടെസ്റ്റ് പരമ്പരയിൽ ജയ്സ്വാളിന് ഒരു റെക്കോർഡ് കൂടെ സ്വന്തമാക്കാനുള്ള അവസരം ഉണ്ട്. ഇതിനകം തന്നെ ഒരു ടെസ്റ്റ് ഇന്നിംഗ്സിൽ ഏറ്റവും കൂടുതൽ സിക്സുകൾ, ഒരു പരമ്പരയിൽ ഏറ്റവും കൂടുതൽ സിക്സുകൾ എന്നീ റെക്കോർഡ് തന്റേതാക്കി മാറ്റിയ യുവതാരത്തിന് മുന്നിൽ ഗവാസ്കറിന്റെ ഒരു റെക്കോർഡ് ആണ് ഉള്ളത്. ഒരു ടെസ്റ്റ് പരമ്പരയിൽ ഏറ്റവും കൂടുതൽ റൺസ് എടുക്കുന്ന ഇന്ത്യക്കാരൻ എന്ന റെക്കോർഡ്.

മൂന്ന് മത്സരങ്ങളിൽ നിന്നായി 545 റൺസ് നേടാൻ ജയ്സ്വാളിന് ആയിട്ടുണ്ട്. 1971ൽ വെസ്റ്റ് ഇൻഡീസിനെതിരായ നാല് മത്സരങ്ങളിൽ നിന്ന് 774 റൺസ് എന്ന സുനിൽ ഗവാസ്‌കറിൻ്റെ ടെസ്റ്റ് പരമ്പരയിൽ ഏറ്റവും കൂടുതൽ റൺസ് നേടിയ ഇന്ത്യൻ താരമെന്ന റെക്കോർഡ് ആകും ജയ്‌സ്വാൾ മറികടക്കാൻ ഇനി ശ്രമിക്കുക. ഈ ചരിത്ര റെക്കോർഡ് മറികടക്കാൻ ജയ്‌സ്വാളിന് ഇനി 229 റൺസ് കൂടി വേണം. രണ്ട് ടെസ്റ്റുകൾ ആണ് ഇനി ഈ പരമ്പരയിൽ ബാക്കിയുള്ളത്.

ഒരു ടെസ്റ്റ് പരമ്പരയിൽ ഏറ്റവും കൂടുതൽ റൺസ് നേടിയ ഇന്ത്യൻ താരങ്ങൾ:

Sunil Gavaskar – 774 runs vs West Indies, 1971

Sunil Gavaskar – 732 runs vs West Indies, 1978

Virat Kohli – 692 runs vs Australia, 2014-15

Virat Kohli’s – 655 runs vs England, 2016

Dilip Sardesai – 642 runs vs West Indies, 1971

ഇംഗ്ലണ്ടിനെതിരായ ശേഷിക്കുന്ന രണ്ട് ടെസ്റ്റുകൾകളിൽ ബൗൾ കൂടെ ചെയ്യണം എന്ന് യശസ്വി ജയ്സ്വാളിനോട് ആവശ്യപ്പെട്ട് ഇന്ത്യൻ ഇതിഹാസ സ്പിന്നർ അനിൽ കുംബ്ലെ. ലെഗ് സ്പിൻ പന്തുകൾ ബൗൾ ചെയ്യാനുള്ള ജയ്‌സ്വാളിൻ്റെ സ്വാഭാവിക കഴിവിനെ കൈവിടരുതെന്ന് കുംബ്ലെ താരത്തോട് അഭ്യർത്ഥിക്കുകയും ചെയ്തു.

“നിങ്ങളുടെ ബാറ്റിംഗ് നന്നായിട്ടുണ്ട്. എന്നാൽ നിങ്ങൾ തുടരണമെന്ന് ഞാൻ ആഗ്രഹിക്കുന്ന ഒരു കാര്യം ബൗളിംഗ് ആണ്, നിങ്ങൾക്ക് സ്വാഭാവിക ലെഗ് സ്പിൻ ആക്ഷൻ ഉണ്ട്. അതിനാൽ അത് ഉപേക്ഷിക്കരുത്. കാരണം എപ്പോഴാണ് അത് ഉപകാരപ്പെടുക എന്ന് നിങ്ങൾക്കറിയില്ല.” കുംബ്ലെ പറഞ്ഞു.

“നിങ്ങൾക്ക് നടുവേദനയുണ്ടെന്ന് അറിയാം, എങ്കിലും വരും മത്സരങ്ങളിക് കുറച്ച് ഓവർ നൽകാൻ നായകനോട് പറയൂ,” കുംബ്ലെ ജയ്സ്വാളിനോട് പറഞ്ഞു.

മറുപടിയായി, മൂന്നാം ടെസ്റ്റിനിടെ ബൗൾ ചെയ്യാൻ തയ്യാറാകാൻ ഇന്ത്യൻ നായകൻ രോഹിത് ശർമ്മ തന്നോട് ആവശ്യപ്പെട്ടതായി ഇടംകയ്യൻ വെളിപ്പെടുത്തി.

“ഞാൻ എപ്പോഴും പോയി ബൗൾ ചെയ്യാറുണ്ട്, രോഹിത് എന്നോട് തയ്യാറായിരിക്കാൻ പറഞ്ഞു, അതെ ഞാൻ തയ്യാറാണ്.” ജയ്‌സ്വാൾ പറഞ്ഞു.