ടൂണീഷ്യയിൽ നടക്കുന്ന ഡബ്ല്യുടിടി കണ്ടെന്ററിൽ പുരുഷ വിഭാഗം ഡബിള്സ് കിരീടം നേടി ഇന്ത്യയുടെ സത്യന് ജ്ഞാനശേഖരന് – ഹര്മീത് ദേശായി കൂട്ടുകെട്ട്. ഫൈനലില് ഫ്രാന്സിന്റെ ഇമ്മാനുവൽ ലെബേസ്സൺ – അലക്സാണ്ടേ കാസ്സിന് കൂട്ടുകെട്ടിനെ 3-1 എന്ന സ്കോറിനാണ് പരാജയപ്പെടുത്തിയത്.
11-9, 4-11, 11-9, 11-5 എന്ന സ്കോറിനായിരുന്നു ഇന്ത്യന് സഖ്യത്തിന്റെ വിജയം.
ബുഡാപെസ്റ്റിൽ ഡബ്ല്യടിടി കണ്ടെന്റര് ടൂര്ണ്ണമെന്റിൽ ഇന്ത്യന് താരങ്ങള്ക്ക് നിരാശ. രണ്ടാം റൗണ്ടിൽ ഇന്ത്യയുടെ പുരുഷ താരങ്ങളിൽ മൂന്ന് പേര് പുറത്തായതോടെ ടൂര്ണ്ണമെന്റിലെ പുരുഷ വിഭാഗത്തിലെ ഇന്ത്യന് പ്രാതിനിധ്യം അവസാനിക്കുകയാണുണ്ടായത്.
പുരുഷ വിഭാഗത്തിൽ സത്യന് ജ്ഞാനശേഖരന്, മാനവ് താക്കര് എന്നിവര്ക്ക് പിന്നാലെ ഹര്മീത് ദേശായിയും രണ്ടാം റൗണ്ടിൽ പുറത്താകുകയായിരുന്നു.
