ബുഡാപെസ്റ്റിൽ WTT കണ്ടെന്റര് ടൂര്ണ്ണമെന്റിൽ ഇന്ത്യയുടെ മണിക ബത്ര – സത്യന് ജ്ഞാനശേഖരന് കൂട്ടുകെട്ടിന് കിരീടം. ഇന്ന് നടന്ന ഫൈനൽ മത്സരത്തിൽ 3-1 എന്ന സ്കോറിന് ഹംഗറിയുടെ ഡോറ മഡറാസ് – നാന്ദോരര് എക്സെകി കൂട്ടുകെട്ടിനെയാണ് ഇന്ത്യന് താരങ്ങള് പരാജയപ്പെടുത്തിയത്.
ആദ്യ മൂന്ന് ഗെയിമുകളിലും ഒപ്പത്തിനൊപ്പമുള്ള പോരാട്ടമാണ് കണ്ടതെങ്കിലും നാലാം ഗെയിമിൽ എതിരാളികളെ നിഷ്പ്രഭമാക്കി ഇന്ത്യന് താരങ്ങള് വിജയം പിടിച്ചെടുത്തു.
സ്കോര് 11-9, 9-11, 12-10, 11-6.
ഡബ്ല്യുടിടി കണ്ടെന്റര് ടൂര്ണ്ണമെന്റിന്റെ മിക്സഡ് ഡബിള്സിൽ ഇന്ത്യന് ജോഡിയായ മണിക ബത്ര – സത്യന് ജ്ഞാനശേഖരന് കൂട്ടുകെട്ട് ഫൈനലിൽ. ഇന്നലെ നടന്ന സെമി ഫൈന. മത്സരത്തിൽ ബെലാറസിന്റ് ദാരിയ – അലക്സാണ്ടര് കൂട്ടുകെട്ടിനെ 3-0 എന്ന സ്കോറിനാണ് ഇന്ത്യന് താരങ്ങള് പരാജയപ്പെടുത്തിയത്.
വനിത സിംഗിള്സിൽ മണിക ബത്ര സെമിയിൽ പരാജയപ്പെടുകയായിരുന്നു. ക്വാര്ട്ടറിൽ ഇന്ത്യയുടെ ശ്രീജ അകുലയെ 3-2ന് പരാജയപ്പെടുത്തിയെത്തിയ മണിക സെമിയിൽ നേരിട്ടുള്ള സെറ്റുകളിൽ 4-0ന് പരാജയം ഏറ്റുവാങ്ങി.
അതേ സമയം പുരുഷ ഡബിള്സിൽ മാനവ് താക്കര് – ഹര്മീത് ദേശായി കൂട്ടുകെട്ടിന് സെമിയിൽ പരാജയം ഏറ്റുവാങ്ങി. 3-1 എന്ന സ്കോറിനായിരുന്നു റഷ്യയുടെ കിറിൽ സ്കാച്ചകോവ് – വ്ലാഡിമിര് സിഡോറെങ്കോ കൂട്ടുകെട്ട് ഇന്ത്യന് താരങ്ങളെ പരാജയപ്പെടുത്തിയത്.
ബുഡാപെസ്റ്റിൽ നടക്കുന്ന ഡബ്ല്യുടിടി കണ്ടെന്റര് ടൂര്ണ്ണമെന്റിൽ പുരുഷ ഡബിള്സ് സെമിയിൽ കടന്ന് ഇന്ത്യയുടെ ഹര്മീത് ദേശായി – മാനവ് താക്കര് കൂട്ടുകെട്ട്. ഹംഗറിയ്ക്കെതിരെയാണ് ഇന്ത്യയുടെ 3-1ന്റെ വിജയം.
11-8, 9-11, 11-8, 11-8 എന്ന നിലയിലായിരുന്നു സ്കോര്. മറ്റൊരു ക്വാര്ട്ടര് മത്സരത്തിൽ ഇന്ത്യയുടെ സനിൽ ഷെട്ടി- സ്നേഹിത് സുരാവാജുള്ള കൂട്ടുകെട്ട് റഷ്യന് താരങ്ങളോട് പരാജയപ്പെട്ടു. ഇല്ലാത്ത പക്ഷം ഇന്ത്യന് താരങ്ങള് തമ്മിലുള്ള സെമിയ്ക്ക് അവസരം ഉണ്ടാകുമായിരുന്നു.
ബുഡാപെസ്റ്റിലെ ഡബ്ല്യുടിടി കണ്ടെന്റര് ടൂര്ണ്ണമെന്റിൽ തന്റെ മികച്ച ഫോം തുടര്ന്ന് ഇന്ത്യയുടെ ശ്രീജ അകുല. ആദ്യ റൗണ്ടിൽ 3-2 എന്ന സ്കോറിന് സ്വീഡന്റെ ലിന്ഡ ബെര്സ്റ്റോമിനെ പരാജയപ്പെടുത്തിയ ശ്രീജ രണ്ടാം റൗണ്ടിൽ സ്ലൊവാക്കിയയുടെ ബാര്ബോറ ബലസോവയെ കീഴടക്കിയത് നേരിട്ടുള്ള ഗെയിമുകളിലായിരുന്നു.
തന്നെക്കാള് ഉയര്ന്ന റാങ്കിലുള്ള താരങ്ങളെയാണ് ആകുല കീഴടക്കിയത്. ക്വാര്ട്ടറിൽ ശ്രീജയുടെ എതിരാളി ഇന്ത്യയുടെ തന്നെ മണിക ബത്രയാണ്. 3-2 എന്ന സ്കോറിനായിരുന്നു മണിക ഇറ്റലിയുടെ ജോര്ജ്ജിയ പിക്കോലിനെ പരാജയപ്പെടുത്തി ക്വാര്ട്ടറിലെത്തിയത്. 12-10, 11-13, 11-5, 4-11, 11-8 എന്ന സ്കോറിനാണ് ഇന്ത്യന് താരം വിജയം കുറിച്ചത്.
ബുഡാപെസ്റ്റിലെ ഡബ്ല്യുടിടി കണ്ടെന്റര് ടൂര്ണ്ണമെന്റിലെ മിക്സഡ് ഡബിള്സ് ടൂര്ണ്ണമെന്റിൽ അട്ടിമറി വിജയവുമായി ഇന്ത്യയുടെ മണിക ബത്ര-സത്യന് ജ്ഞാനശേഖരന് കൂട്ടുകെട്ട്. ടൂര്ണ്ണമെന്റിലെ ഒന്നാം സീഡും ലോക റാങ്കിംഗിൽ ഏഴാം സ്ഥാനക്കാരുമായ സ്ലൊവാക്കിയന് താരങ്ങളെ 3-2 എന്ന സ്കോറിന് പരാജയപ്പെടുത്തി ഇന്ത്യയുടെ ജോഡി സെമി ഫൈനലില് എത്തുകയായിരുന്നു.
അവസാനത്തെ ഗെയിമിൽ 8-3ന് പിന്നിൽ പോയ ശേഷമായിരുന്നു ഇന്ത്യയുടെ താരങ്ങള് വിജയം കുറിച്ചത്. സെമിയിൽ നാലാം സീഡുകളായ ബെലാറസിന്റെ ടീമിനെയാണ് ഇന്ത്യന് താരങ്ങള് നേരിടുക.
