ലോക ടെസ്റ്റ് ചാമ്പ്യൻഷിപ്പ് ഫൈനലിൽ ആദ്യ രണ്ട് ദിവസം കഴിയുമ്പോൾ ഓസ്ട്രേലിയ ശക്തമായ നിലയിൽ ആണെന്ന് അവരുടെ പേസർ സ്കോട്ട് ബോളണ്ട്. ഫൈനലിൽ ഇന്ത്യൻ ഓപ്പണർ ശുഭ്മാൻ ഗില്ലിനെ പുറത്താക്കിയതിൽ സന്തോഷം ഉണ്ട് എന്നും ബോളണ്ട് രണ്ടാം ദിനം അവസാനിച്ച ശേഷം മാധ്യമങ്ങളോട് പറഞ്ഞു.
രണ്ടാം ദിവസം ഗില്ലിനെ 13 റൺസിന് പുറത്താക്കിക്കൊണ്ട് ബോലാൻഡ് തന്റെ ഓസ്ട്രേലിയക്ക് പുറത്തുള്ള ആദ്യ വിക്കറ്റ് നേടിയിരുന്നു. “ഈ ടെസ്റ്റ് ആരംഭിക്കുന്നതിന് മുമ്പ് ശരിക്കും ടെൻഷൻ ഉണ്ടായിരുന്നു, എന്നാൽ ഇപ്പോൾ സന്തോഷമുണ്ട്,” ബൊലാൻഡ് പറഞ്ഞു. “ഗിൽ വളരെ നല്ല കളിക്കാരനാണ്, അവനെ നേരത്തെ പുറത്താക്കിയതിൽ സന്തോഷമുണ്ട്. ഞങ്ങൾ ഇപ്പോൾ വളരെ നല്ല സ്ഥാനത്താണ്.” അദ്ദേഹം പറഞ്ഞു.
“2 ദിവസം കഴിയുമ്പോൾ ഞങ്ങൾ ശക്തരാണ്, പിച്ച് അൽപ്പം മുകളിലേക്കും താഴേക്കും ആണ്, നാളെ ഇന്ത്യക്ക് ബാറ്റ് ചെയ്യാൻ ബുദ്ധിമുട്ടാകുമെന്ന് പ്രതീക്ഷിക്കുന്നു.” ബോളണ്ട് കൂട്ടിച്ചേർത്തു. രണ്ടാം ദിനം അവസാനിക്കുമ്പോൾ ഇന്ത്യ 151/5 എന്ന നിലയിലാണ്, ഇപ്പോഴും 318 റൺസിന് പിന്നിൽ ആണ് ഇന്തു.
