പ്രായം വെറും നമ്പർ ആണെന്ന് തെളിയിച്ചു ഇതിഹാസ ടെന്നീസ് താരം വീനസ് വില്യംസ്. 2024 മാർച്ചിന് ശേഷം ആദ്യമായി കളത്തിൽ ഇറങ്ങിയ വീനസ് വാഷിംഗ്ടൺ 500 ഡബ്യു.ടി.എ ആദ്യ റൗണ്ട് മത്സരത്തിൽ ലോക 35 റാങ്കുകാരിയായ പെയ്റ്റൻ സ്റ്റെർൺസിനെ 6-3, 6-4 എന്ന നേരിട്ടുള്ള സെറ്റുകൾക്ക് ആണ് തോൽപ്പിച്ചത്. മത്സരത്തിൽ 9 ഏസുകൾ ആണ് വീനസ് ഉതിർത്തത്.
2023 ഓഗസ്റ്റിന് ശേഷം ഇത് ആദ്യമായാണ് വീനസ് വില്യംസ് ഒരു ഡബ്യു.ടി.എ ടൂർ മത്സരം ജയിക്കുന്നത്. 2004 ൽ 47 മത്തെ വയസ്സിൽ ഒരു ടൂർ സിംഗിൾസ് മത്സരം ജയിച്ച മാർട്ടിന നവരാതിലോവക്ക് ശേഷം ഒരു ടൂർ മത്സരം ജയിക്കുന്ന ഏറ്റവും പ്രായം കൂടിയ താരമായും 45 കാരിയായ വീനസ് മാറി. തന്റെ കരിയറിലെ ആദ്യ ടൂർ വിജയം 14 മത്തെ വയസ്സിൽ നേടിയ വീനസ് 31 വർഷം ആണ് പ്രഫഷണൽ ടെന്നീസ് രംഗത്ത് തുടരുന്നത് എന്നതും ശ്രദ്ധേയമാണ്.