Tag: WPL

വനിതാ പ്രീമിയർ ലീഗിന് (ഡബ്ല്യുപിഎൽ) ഉദ്ഘാടന പതിപ്പിൽ ഓസ്‌ട്രേലിയൻ ഓപ്പണർ അലിസ ഹീലിയെ തങ്ങളുടെ ക്യാപ്റ്റനായി യുപി വാരിയേഴ്‌സ് പ്രഖ്യാപിച്ചു. ഫെബ്രുവരി 13ന് മുംബൈയിൽ നടന്ന ഡബ്ല്യുപിഎൽ പ്ലെയർ ലേലത്തിൽ 70 ലക്ഷം രൂപയ്ക്കായിരുന്നു യുപി വാരിയേഴ്‌സ് ഹീലിയെ സ്വന്തമാക്കിയത്.

139 ടി20 മത്സരങ്ങൾ കളിച്ചിട്ടുള്ള ഹീലി ലോകത്തിലെ ഏറ്റവും പരിചയസമ്പന്നയായ ഓപ്പണർമാരിൽ ഒരാളാണ്. ക്യാപ്റ്റനായി നിയമിക്കപ്പെട്ടതിൽ സന്തോഷം പ്രകടിപ്പിച്ച് ഹീലി , “ഞങ്ങൾ ഇവിടെ വിജയിക്കാനും നല്ല ക്രിക്കറ്റ് കളിക്കാനും ആണ് ആഗ്രഹിക്കുന്നത്” എന്നു പറഞ്ഞു. വനിതാ പ്രീമിയർ ലീഗിന്റെ ആദ്യ സീസൺ 2023 മാർച്ച് 4 മുതൽ മാർച്ച് 26 വരെ മുംബൈയിൽ ആകും നടക്കുക. ബ്രാബോൺ സ്റ്റേഡിയവും DY പാട്ടീൽ സ്റ്റേഡിയവും ആകും മത്സരങ്ങൾക്ക് വേദിയാവുക. മാർച്ച് 5 ന് ഡി വൈ പാട്ടീൽ സ്റ്റേഡിയത്തിൽ ഗുജറാത്ത് ജയന്റ്സിനെ നേരിട്ടു കൊണ്ടാകും യുപി വാരിയേഴ്സ് സീസൺ ആരംഭിക്കുക.

ഇന്ത്യൻ ക്രിക്കറ്റ് കൺട്രോൾ ബോർഡിന്റെ വിമൻസ് പ്രീമിയർ ലീഗ് (WPL) 2023-ന്റെ ഷെഡ്യൂൾ പ്രഖ്യാപിച്ചു. മാർച്ച് നാലിന് ആരംഭിക്കുന്ന ഡബ്ല്യുപിഎൽ ആദ്യ സീസണിൽ 23 ദിവസങ്ങളിലായാകും ലീഗ് പൂർത്തിയാക്കുക.

ഡി വൈ പാട്ടീൽ സ്റ്റേഡിയത്തിൽ ഗുജറാത്ത് ജയന്റ്സും മുംബൈ ഇന്ത്യൻസും തമ്മിലാണ് ലീഗിന്റെ ഉദ്ഘാടന മത്സരം. രണ്ടാം ദിവസം ബ്രാബോൺ സ്റ്റേഡിയത്തിൽ റോയൽ ചലഞ്ചേഴ്‌സ് ബാംഗ്ലൂർ ഡൽഹി ക്യാപിറ്റൽസിനെയും തുടർന്ന് വൈകുന്നേരം ഗുജറാത്ത് ജയന്റ്‌സിനെ യുപി വാരിയോഴ്‌സും നേരിടും.

ലീഗിൽ നാല് ഇരട്ട ഹെഡറുകൾ ഉണ്ടാകും. ഇങ്ങനെ രണ്ട് മത്സരങ്ങൾ നടക്കുമ്പോൾ ആദ്യ മത്സരം 3:30 PMന് ആരംഭിക്കും. വൈകുന്നേരം നടക്കുന്ന എല്ലാ മത്സരങ്ങളും 7:30 PMനാകും ആരംഭിക്കുക്. മുംബൈയിലെ ഡി വൈ പാട്ടീൽ സ്റ്റേഡിയവും ബ്രാബോൺ സ്റ്റേഡിയവും 11 വീതം മത്സരങ്ങൾക്ക് ആതിഥ്യം വഹിക്കും.

മാർച്ച് 21ന് ബ്രാബോൺ സ്റ്റേഡിയത്തിൽ യുപി വാരിയേഴ്സും ഡൽഹി ക്യാപിറ്റൽസും തമ്മിലുള്ള മത്സരത്തോടെ ലീഗ് ഘട്ടം സമാപിക്കും. എലിമിനേറ്റർ മാർച്ച് 24-ന് DY പാട്ടീൽ സ്റ്റേഡിയത്തിലും 2023-ലെ വനിതാ പ്രീമിയർ ലീഗ് ഫൈനൽ മാർച്ച് 26-ന് ബ്രാബോൺ സ്റ്റേഡിയത്തിലും നടക്കും.

ഫിക്സ്ചർ:

ഉദ്ഘാടന സീസണിന് മുന്നോടിയായി വിമൻസ് പ്രീമിയർ ലീഗ് (WPL) ഫ്രാഞ്ചൈസികൾക്ക് പരസ്യങ്ങളുടെയും സ്പോൺസർമാരുടെയും കാര്യത്തിൽ കർശന നിർദ്ദേശവുമാഉഇ ബി സി സി ഐ. ഫാന്റസി സ്‌പോർട്‌സുമായി വാണിജ്യ ബന്ധത്തിൽ ഏർപ്പെടാൻ ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പച്ചക്കൊടി കാട്ടിയിട്ടുണ്ട് എങ്കിലും ക്രിപ്‌റ്റോകറൻസികൾ, വാതുവെപ്പ്, ചൂതാട്ടം, പുകയില ഉത്പന്നങ്ങൾ എന്നിവയുമായുള്ള ഒരു ബന്ധവും പാടില്ല എന്ന് കർശനമായി തന്നെ ബി സി സി ഐ പറഞ്ഞു. ഇവയുമായുള്ള സഹകരണങ്ങൾ നിരോധിച്ചിട്ടുണ്ട് എന്നും ബി സി സി ഐ അറിയിച്ചു.

ഡബ്ല്യുപിഎൽ സീസൺ ആരംഭിക്കുന്നതിന് 10 ദിവസത്തിന് മുമ്പ് എല്ലാ വാണിജ്യ കരാറുകളുടെയും പകർപ്പുകൾ അവലോകനത്തിനായി സമർപ്പിക്കാൻ നിർദേശിക്കുകയും ചെയ്തു. ഫെബ്രുവരി 13 ന് നടന്ന l ഫ്രാഞ്ചൈസികളുടെ ലേലത്തെ പിന്നാലെയാണ് ബി സി സി ഐ ഈ കാര്യം അറിയിച്ചത്. മാർച്ച് 4 മുതൽ 26 വരെ ആകും പ്രഥമ വനിതാ ഐ പി എൽ സീസൺ നടക്കുക.

ഇന്ത്യയും പാക്കിസ്ഥാനും തമ്മിലുള്ള രാഷ്ട്രീയ സംഘർഷങ്ങൾ കാരണം വനിതാ പ്രീമിയർ ലീഗിൽ (ഡബ്ല്യുപിഎൽ) നിന്ന് പാകിസ്ഥാൻ താരങ്ങളെ ഒഴിവാക്കിയതിൽ നിരാശ പ്രകടിപ്പിച്ച് മുൻ പാകിസ്ഥാൻ ക്രിക്കറ്റ് താരം ഉറൂജ് മുംതാസ്. WPL ന്റെ ഉദ്ഘാടന പതിപ്പിനായി ഇന്നലെ നടന്ന ലേലത്തിൽ ഇന്ത്യക്ക് പുറത്ത് നിന്ന് ഏഴ് രാജ്യങ്ങളിൽ നിന്നുള്ള വനിതാ ക്രിക്കറ്റ് താരങ്ങൾ കരാർ സ്വന്തമാക്കിയിരുന്നു. എന്നാൽ IPLൽ എന്ന പോലെ WPLലും പാകിസ്താൻ താരങ്ങളെ ഉൾപ്പെടുത്തുന്നില്ല.

എല്ലാ അവസരങ്ങളും നീതിയുക്തവും എല്ലാവരെയും ഉൾക്കൊള്ളുന്നതുമായിരിക്കണമെന്നും പാകിസ്ഥാൻ കളിക്കാരുടെ അഭാവം നിർഭാഗ്യകരമാണെന്നും സങ്കടകരമാണെന്നും മുംതാസ് പറഞ്ഞു. ഇത് ആഗോളതലത്തിൽ കായികരംഗത്തിന്റെ വളർച്ചയെ തടസ്സപ്പെടുത്തുകയും ക്രിക്കറ്റ് രാജ്യങ്ങൾക്കിടയിൽ ഉള്ള നിലവാരത്തിൽ വിടവ് സൃഷ്ടിക്കും എന്നും മുംതാസ് പറഞ്ഞു.

പാകിസ്ഥാൻ ക്രിക്കറ്റ് ബോർഡ് (പിസിബി) സ്ത്രീകൾക്കായി സ്വന്തം ടി20 ലീഗ് സംഘടിപ്പിക്കാൻ പദ്ധതിയിട്ടിരുന്നുവെങ്കിലും ഇപ്പോൾ ആ ലീഗ് അനിശ്ചിതത്വത്തിൽ ആണ്. സെപ്റ്റംബറിൽ ആ ലീഗ് നടക്കും എന്നാണ് പ്രതീക്ഷ.