Tag: Wolves

ലോപ്പെറ്റ്യൂഗി ടീം വിട്ട് മണിക്കൂറുകൾക്കുളിൽ പുതിയ പരിശീലകനെ പ്രഖ്യാപിച്ചു വോൾവ്സ്. മുൻ പ്രീമിയർ ലീഗ് താരവും ബോൺമൗത്ത് പരിശീലകനും ആയിരുന്ന ഗാരി ഓ’നീൽ ആണ് പുതിയ സീസണിൽ ടീമിന് തന്ത്രങ്ങൾ ഓതുക. മൂന്ന് വർഷത്തെ കരാർ ആണ് വോൾവ്സ് അദ്ദേഹത്തിന് നൽകിയിരിക്കുന്നത്. ലീഗ് മത്സരങ്ങൾ ആരംഭിക്കാൻ ദിവസങ്ങൾ മാത്രം ബാക്കി നിൽക്കെ ഗാരി ഓനീലിന് തിരക്കേറിയ ദിനങ്ങൾ തന്നെ ആയിരിക്കും മുന്നിൽ ഉള്ളത് എന്നതിൽ സംശയമില്ല. അദ്ദേഹത്തെ ടീമിലേക്ക് സ്വീകരിക്കുന്നതായി ടീം ഡയറക്ടർ മാറ്റ് ഹോബ്‌സ് പറഞ്ഞു. വളരെയധികം പ്രചോദനം നൽകുന്ന യുവ കോച്ച് ആണ് ഗാരി എന്നും ടീമിനോടോപ്പം നേട്ടങ്ങൾ കൊയ്യാൻ അദ്ദേഹത്തിന് സാധിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേർത്തു.

നേരത്തെ കഴിഞ്ഞ സീസൺ അവസാനിച്ചതിന് പിറകെയാണ് ഗാരി ബോൺമൗത്തിന്റെ പരിശീലക സ്ഥാനത്ത് നിന്നും മാറ്റപ്പെട്ടത്. സ്പാനിഷ് ലീഗിൽ മികച്ച പ്രകടനം പുറത്തെടുത്തിട്ടുള്ള ഇരവോളയെ പകരക്കാരനായി എത്തിക്കുകയായിരുന്നു. സീസണിന്റെ തുടക്കത്തിൽ ബോൺമൗത്തിന്റെ കെയർ ടേക്കർ കോച്ച് ആയി തുടങ്ങി പിന്നീട് മാനേജ്‌മെന്റ് തൽസ്ഥാനത്ത് സ്ഥിരപ്പെടുത്തിയ അദ്ദേഹം, ടീമിനെ പ്രിമിയർ ലീഗിൽ തന്നെ നിലനിർത്തുന്നതിൽ വിജയിച്ചിരുന്നു. സീനിയർ ടീം പരിശീലകനായുള്ള ഗാരിയുടെ ആദ്യ സീസണും ആയിരുന്നു ഇത്. എന്നാൽ ഇപ്പോൾ ഒട്ടും വൈകാതെ തന്നെ പ്രീമിയർ ലീഗിലേക്ക് തിരിച്ചെത്താനും അദ്ദേഹത്തിന് സാധിച്ചിരിക്കുകയാണ്. ട്രാൻസ്ഫർ നീക്കങ്ങളിൽ ഉള്ള അഭിപ്രായ വ്യത്യാസമാണ് വോൾവ്സും ലോപെറ്റ്യൂഗിയും പിരിയാൻ കാരണമായത്. മുഖ്യ താരം റൂബെൻ നെവെസിനെ അടക്കം അവർക്ക് നഷ്ടമായിരുന്നു.

പുതിയ പ്രീമിയർ ലീഗ് സീസൺ ആരംഭിക്കാൻ രണ്ട് ദിവസം മാത്രം ബാക്കി നിൽക്കെ വോൾവ്സ് ഹെഡ് കോച്ചായ ജൂലെൻ ലോപെറ്റെഗിയെ പുറത്താക്കി. ഒമ്പത് മാസം മാത്രമാണ് സ്പാനിഷ് പരിശീലകൻ ക്ലബിനൊപ്പം ഉണ്ടായിരുന്നത്. കഴിഞ്ഞ നവംബറിൽ ആയിരുന്നു മുൻ സ്പെയിൻ റയൽ മാഡ്രിഡ് ബോസ് പ്രീമിയർ ലീഗിൽ എത്തിയത്.

റിലഗേഷൻ സോണിൽ ഉണ്ടായിരുന്ന ടീമിനെ ലോപെറ്റെഗുയി 13-ാം സ്ഥാനത്തേക്ക് നയിച്ചു, എന്നാൽ ട്രാൻസ്ഫർ വിൻഡോയിൽ പരിശീലകൻ ആവശ്യപ്പെട്ട താരങ്ങളെ ക്ലബ് എത്തിക്കാത്തതായതോടെ പരിശീലകനും മാനേജ്മെന്റും തമ്മിൽ ഉരസുകയായിരുന്നു‌.

ലിവർപൂളിനെയും ടോട്ടൻഹാമിനെയും മോളിനക്സിൽ തോൽപ്പിച്ച് അദ്ദേഹം ഒമ്പത് ലീഗ് മത്സരങ്ങൾ ഈ ചെറിയ കാലത്തിൽ ജയിച്ചു. മുൻ ബോൺമൗത്ത് ഹെഡ് കോച്ച് ഗാരി ഒ’നീൽ ആകും ലോപറ്റെഗിക്ക് പകരക്കാരനാവുക എന്നാണ് റിപ്പോർട്ട്.

ഇംഗ്ലീഷ് പ്രീമിയർ ലീഗിൽ തരം താഴ്ത്തൽ ഒഴിവാക്കാനുള്ള പോരാട്ടത്തിൽ നിർണായക ജയവുമായി വോൾവ്സ്. ക്രിസ്റ്റൽ പാലസിനെ എതിരില്ലാത്ത രണ്ടു ഗോളിന് ആണ് അവർ മറികടന്നത്. ഇതിഹാസ പരിശീലകൻ റോയി ഹഡ്സൺ സ്ഥാനം ഏറ്റെടുത്ത ശേഷം പാലസ് നേരിടുന്ന ആദ്യ പാരാജയം ആണ് ഇത്. മത്സരത്തിന്റെ മൂന്നാം മിനിറ്റിൽ നെവസിന്റെ കോർണറിൽ നിന്നു കുൻഹയുടെ ഷോട്ട് തടയാനുള്ള പാലസ് പ്രതിരോധ താരം ആന്റേഴ്‌സന്റെ ശ്രമം സ്വന്തം പോസ്റ്റിൽ പതിക്കുക ആയിരുന്നു.

സെൽഫ് ഗോളിൽ പിറകിൽ ആയ പാലസ് നന്നായി തന്നെയാണ് കളിച്ചത് എന്നാൽ ഗോൾ കണ്ടത്താൻ അവർക്ക് ആയില്ല. മത്സരത്തിന്റെ അവസാന മിനിറ്റിൽ ഇഞ്ച്വറി സമയത്ത് 92 മത്തെ മിനിറ്റിൽ നെറ്റോയെ പാലസ് ഗോൾ കീപ്പർ ജോൺസ്റ്റോൺ വീഴ്ത്തിയതോടെ വോൾവ്സിന് അനുകൂലമായി പെനാൽട്ടി ലഭിച്ചു തുടർന്ന് അനായാസം പെനാൽട്ടി ലക്ഷ്യം കണ്ട റൂബൻ നെവസ് വോൾവ്സ് ജയം ഉറപ്പിച്ചു. ഗോൾ ഷർട്ട് ഊരി ആഘോഷിച്ച നെവസിന് മഞ്ഞ കാർഡ് ലഭിക്കുകയും ചെയ്തു. ജയത്തോടെ 33 കളികളിൽ നിന്നു 37 പോയിന്റുകൾ ഉള്ള വോൾവ്സ് പ്രീമിയർ ലീഗിൽ അടുത്ത സീസണിൽ തുടരും എന്നു ഏതാണ്ട് ഉറപ്പാക്കി. നിലവിൽ ഇത്ര തന്നെ പോയിന്റുകൾ പാലസിനും ഉണ്ട്.

ഇംഗ്ലീഷ് പ്രീമിയർ ലീഗിൽ വോൾവ്സ് തരം താഴ്ത്തൽ ഭീഷണിയിൽ നിന്നു രക്ഷപ്പെടുന്നു. ഇന്ന് നടന്ന മത്സരത്തിൽ ബ്രന്റ്ഫോർഡിനെ എതിരില്ലാത്ത രണ്ടു ഗോളുകൾക്ക് ആണ് അവർ മറികടന്നത്. ഇതോടെ ലീഗിൽ പതിമൂന്നാം സ്ഥാനത്തേക്ക് അവർ ഉയർന്നു. അതേസമയം ലീഗിൽ ബ്രന്റ്ഫോർഡ് ഒമ്പതാം സ്ഥാനത്ത് ആണ്. ലീഗിൽ തുടർച്ചയായ രണ്ടാം ജയം ആണ് വോൾവ്സിന് ഇത്. ക്ലബിന് ആയി മുൻ ചെൽസി താരം ഡീഗോ കോസ്റ്റ ആദ്യ ഗോൾ നേടുന്നതും ഇന്ന് കാണാൻ ആയി.

മത്സരത്തിൽ 27 മത്തെ മിനിറ്റിൽ ആണ് കോസ്റ്റ തന്റെ ആദ്യ വോൾവ്സ് ഗോൾ നേടിയത്. മത്സരത്തിൽ വോൾവ്സ് ഗോൾ കീപ്പറെ പരീക്ഷിക്കാൻ പോലും ബ്രന്റ്ഫോർഡിന് ആയില്ല. 69 മത്തെ മിനിറ്റിൽ നുനസിന്റെ ക്രോസ് തടയാൻ പിനോക്കിനു ആയെങ്കിലും പകരക്കാരനായി ഇറങ്ങിയ ഹാങ് ഹീ-ചാൻ വോൾവ്സിനു രണ്ടാം ഗോൾ സമ്മാനിച്ചു. ഇതോടെ അവർ ജയം ഉറപ്പിച്ചു. പ്രീമിയർ ലീഗിൽ നിലനിൽക്കാനുള്ള പോരാട്ടത്തിൽ തുടർച്ചയായ രണ്ടാം ജയത്തോടെ വോൾവ്സ് വലിയ ചുവടുവച്ച് ആണ് വച്ചത്.

വോൾവ്‌സിനു മുന്നിലും ടോട്ടനം പരാജയപ്പെട്ടു. അദാമ ട്രയോരെ നേടിയ ഏക ഗോളിന്റെ ബലത്തിൽ ആണ് വോൾവ്സ് വിജയിച്ചത്. മത്സരത്തിൽ ഇരു ടീമുകളും ഗോൾ കണ്ടെത്താൻ പ്രയാസപ്പെടുന്നതാണ് കളിയുടെ ഭൂരിഭാഗം സമയത്തും കണ്ടത്. മത്സരം സമനിലയിൽ ആകുമോ എന്ന് ആശങ്കപ്പെടുന്ന സമയത്താണ് 82-ാം മിനിറ്റിൽ ട്രയോരെ ടോട്ടൻഹാമിന്റെ പ്രതിരോധത്തെ മറികടന്ന് വിജയ ഗോൾ നേടി. കളിയുടെ ശേഷിക്കുന്ന മിനിറ്റുകളിൽ സമനില ഗോൾ കണ്ടെത്താൻ ടോട്ടൻഹാം ശ്രമിച്ചെങ്കിലും വോൾവ്സ് പ്രതിരോധം ഭേദിക്കാൻ കഴിഞ്ഞില്ല.

കഴിഞ്ഞ മത്സരത്തിൽ ഷെഫീൽഡ് യുണൈറ്റഡിനോട് തോറ്റ ടോട്ടൻഹാമിന്റെ തുടർച്ചയായ രണ്ടാം തോൽവിയാണിത്. അവരുടെ തുടർച്ചയായ നാലാമത്തെ എവേ തോൽവി കൂടിയാണിത്. ആദ്യ നാലിൽ ഫിനിഷ് ചെയ്യാനുള്ള സ്പർസിന്റെ പ്രതീക്ഷകൾക്ക് വലിയ തിരിച്ചടിയാണ് ഇന്നത്തെ തോൽവി. സ്പർസ് ഇപ്പോഴും 45 പോയിന്റുമായി നാലാം സ്ഥാനത്ത് നിൽക്കുകയാണ്. 26 മത്സരങ്ങളിൽ നിന്ന് 27 പോയിന്റുള്ള വോൾവ്സ് പതിമൂന്നാം സ്ഥാനത്തും നിൽക്കുന്നു.

പ്രീമിയർ ലീഗിലേക്കുള്ള വരവ് വിജയത്തോടെ ആഘോഷിച്ച് ലോപറ്റ്യുഗി. ഒന്നിനെതിരെ രണ്ടു ഗോളുകൾക്ക് എവർടനെ വീഴ്ത്തി വോൾവ്സ് ലോകകപ്പ് ഇടവേളക്ക് ശേഷമുള്ള ആദ്യ മത്സരത്തിൽ തന്നെ മൂന്ന് പോയിന്റ് കരസ്ഥമാക്കി. പൊഡൻസ്, ഐറ്റ് നോരി എന്നിവർ വോൾവ്സിനായി വല കുലുക്കിയപ്പോൾ യാരി മിനയാണ് എവർടന്റെ ഗോൾ കണ്ടെത്തിയത്. എവർടൻ പതിനേഴാം സ്ഥാനത്തും വോൾവ്സ് പതിനെട്ടാം സ്ഥാനത്തും തുടരുകയാണ്.

ആദ്യ പകുതിയിൽ എവർടനായിരുന്നു മുൻതൂക്കം. എങ്കിലും മത്സരത്തിൽ ഉടനീളം നഷ്ടപ്പെടുത്തിയ മികച്ച അവസരങ്ങൾ അവർക്ക് തിരിച്ചടി ആയി. ലോപറ്റ്യുഗിക്ക് കീഴിൽ മുഴുവനായി താളം കണ്ടെത്താൻ വോൾവ്സ് ബുദ്ധിമുട്ടി. ഏഴാം മിനിറ്റിൽ തന്നെ സ്വന്തം തട്ടകത്തിൽ ലീഡ് എടുക്കാൻ എവർടനായി. കോർണറിൽ നിന്നെത്തിയ ബോളിൽ തല വെച്ച് യാരി മിന ആണ് ആദ്യ ഗോൾ കണ്ടെത്തിയത്. എന്നാൽ ഇരുപത്തിരണ്ടാം മിനിറ്റിൽ വോൾവ്സ് തിരിച്ചടിച്ചു. കോർണർ വഴി എത്തിയ ബോൾ ബോക്സിന് പുറത്തു വച്ച് മൗടിഞ്ഞോ നിയന്ത്രിച്ച ശേഷം പോസ്റ്റിന് അടുത്തേക്കായി ഓടിയ പോഡൻസിന് ഉയർത്തിയിട്ടു. താരം വല കുലുക്കി ടീമിന് സമനില സമ്മാനിച്ചു. പിന്നീട് ഗോർഡോന് കിട്ടിയ മികച്ചൊരു അവസരം വോൾവ്സ് കീപ്പർ ജോസ് സാ രക്ഷിച്ചെടുത്തു. മൗപ്പെക്കും ലഭിച്ച അവസരങ്ങൾ ലക്ഷ്യം കാണാതെ പോയതോടെ ആദ്യ പകുതി സമനിലയിൽ അവസാനിച്ചു.

രണ്ടാം പകുതിക്കും എവർടൻ മികച്ച രീതിയിൽ തുടക്കമിട്ടു. ഇവോബിക്ക് ലഭിച്ച അവസരം ലക്ഷ്യത്തിൽ നിന്നും അകന്ന് പോയി. ആദാമ ട്രവോറെ കളത്തിൽ എത്തിയതോടെ വോൾവ്സ് കൂടുതൽ മുന്നേറ്റങ്ങൾ മേനഞ്ഞെടുത്തു തുടങ്ങി. അവസാന മിനിറ്റുകളിൽ വിജയ ഗോളിനായി ഇരു ടീമുകളും ആക്രമണം കനപ്പിച്ചു. ഇഞ്ചുറി ടൈമിന്റെ അവസാന മിനിറ്റിൽ എവർടന്റെ നെഞ്ചു പിളർത്തിയ ഗോൾ എത്തി. കൗണ്ടർ അറ്റാക്കിലൂടെ എത്തിയ ബോൾ വലത് വിങ്ങിലൂടെ ഓടിക്കയറിയ ട്രാവോറെ ബോക്സിനുള്ളിൽ ഐറ്റ് നോരിക്ക് നൽകിയപ്പോൾ താരത്തിന് അനായാസം വലയിലേക്ക് എത്തിക്കാൻ ആയി. മത്സരം വരുതിയിൽ ആക്കാനുള്ള സമ്മർദ്ദത്തിനിടയിൽ പ്രതിരോധം മറന്ന എവർടന് നിരാശ സമ്മാനിക്കുന്നതാണ് ഈ ഫലം.