Tag: West Ham United

വെസ്റ്റ്ഹാം താരം ജിയാൻലുക്ക സ്കമാക്കയെ സ്വന്തമാക്കി അറ്റലാന്റ. താരത്തിന് രംഗത്തുണ്ടായിരുന്ന ഇന്റർ മിലാനെ അവസാന നിമിഷം മറികടന്നാണ് ഗാസ്പെരിനിയുടെ ടീം മറികടക്കുകയായിരുന്നു. ഇരുപത്തിയഞ്ചു മില്യൺ യൂറോ അടിസ്ഥാന ഓഫറും 5 മില്യൺ ആഡ് ഓണുകളും ചേർന്നതാണ് ആകെ ഓഫർ തുക. കൂടാതെ 10% സെൽ ഓൺ ക്ലോസും ചേർത്തിട്ടുണ്ട്. താരം ഉടൻ തന്നെ ക്ലബ്ബിൽ മെഡിക്കൽ പരിശോധനകൾ പൂർത്തിയാക്കും.

നേരത്തെ ഇന്റർ, റോമ ടീമുകൾ ആയിരുന്നു സ്കമാക്കക് വേണ്ടി രംഗത്തു ഉണ്ടായിരുന്നത്. എന്നാൽ വെസ്റ്റ്ഹാം ആവശ്യപ്പെടുന്ന തുക നൽകാൻ അവർ സന്നദ്ധമല്ലായിരുന്നു. അറ്റലാന്റ കൂടി ചിത്രത്തിലേക്ക് വന്നതോടെ ഇന്റർ മിലാൻ അവസാന നിമിഷം 24 മില്യൺ യൂറോയുടെ പുതുക്കിയ ഓഫർ സമർപ്പിച്ചതായി സ്കൈ സ്പോർട്സ് സൂചിപ്പിച്ചിരുന്നു. എന്നാൽ അറ്റലാന്റയുടെ ഓഫറിന് ഒപ്പം എത്താൻ ആവർക്കായില്ല. കൂടാതെ സെൽ ഓൺ ക്ലോസും കൂടി ചേരുമ്പോൾ ഉള്ള കൈമാറ്റ തുക ഭാവിയിൽ വീണ്ടും വെസ്റ്റ്ഹാമിന് നേട്ടം നൽകും. അറ്റലാന്റക്ക് ആവട്ടെ മുന്നേറ്റ താരം ഹോയ്ലുണ്ടിന്റെ ട്രാൻസ്ഫറിലൂടെ കിട്ടിയ ഭീമമായ തുക പകരക്കാരനായി തന്നെ ചെലവഴിക്കാൻ ആയി. നേരത്തെ അൽമേരിയ താരം ബിലാൽ ടൂറെയെ കൂടി എത്തിച്ച ഇറ്റലിയൻ ക്ലബ്ബിന്റെ മുന്നേറ്റം സ്കമാക്ക കൂടി ചേരുന്നതോടെ കൂടുതൽ കരുത്തുറ്റതാകും.

ആഴ്‌സണലിലേക്ക് പോകുന്ന ക്യാപ്റ്റനും മധ്യനിര താരവും ആയ ഡക്ലൻ റൈസിന് പകരം അയാക്‌സിന്റെ മെക്സിക്കൻ താരം എഡ്സൺ അൽവാരസിനെ ലക്ഷ്യമിട്ടു വെസ്റ്റ് ഹാം യുണൈറ്റഡ്. ഇത് വരെ 25 കാരനായ താരത്തിന് ആയി വെസ്റ്റ് ഹാം ബിഡ് ചെയ്തിട്ടില്ല എങ്കിലും ഉടൻ അവർ അയാക്‌സിന് മുന്നിൽ ഓഫർ വെക്കും എന്നാണ് റിപ്പോർട്ട്.

35-40 മില്യൺ പൗണ്ടിനു ഉള്ളിൽ താരത്തെ സ്വന്തമാക്കാൻ ആവും എന്ന പ്രതീക്ഷ ആണ് വെസ്റ്റ് ഹാമിനു ഉള്ളത്. നേരത്തെ താരത്തിന് ആയി ബൊറൂസിയ ഡോർട്ട്മുണ്ട് താരത്തിന് ആയി ഈ ട്രാൻസ്ഫർ വിന്റോയിൽ ശക്തമായി രംഗത്ത് ഉണ്ടായിരുന്നു എങ്കിലും അവർ പിന്നീട് പിന്മാറുക ആയിരുന്നു. താരത്തെ ടീമിൽ എത്തിക്കാൻ ആയാൽ അത് വെസ്റ്റ് ഹാമിനു വലിയ നേട്ടം ആവും.

ബ്രിട്ടീഷ് റെക്കോർഡ് തുകക്ക് ക്യാപ്റ്റൻ ഡക്ലൻ റൈസ് ക്ലബ് വിട്ടു എന്ന കാര്യം ഔദ്യോഗികമായി പ്രഖ്യാപിച്ചു വെസ്റ്റ് ഹാം യുണൈറ്റഡ്. താരത്തിന് വികാരപരമായ യാത്രയയപ്പ് സന്ദേശം ആണ് വെസ്റ്റ് ഹാം നൽകിയത്. ചെൽസി അക്കാദമിയിൽ നിന്നു 14 മത്തെ വയസ്സിൽ വെസ്റ്റ് ഹാമിൽ എത്തിയ താരത്തിന്റെ 10 വർഷത്തെ സേവനങ്ങൾക്ക് വെസ്റ്റ് ഹാം നന്ദി രേഖപ്പെടുത്തി. വികാരപരമായ കുറിപ്പ് ആണ് റൈസും തന്റെ വിടവാങ്ങൽ സന്ദേശത്തിൽ പങ്ക് വച്ചത്.

ജീവിതത്തിലും കളത്തിലും കഴിഞ്ഞ 10 വർഷം വെസ്റ്റ് ഹാം തനിക്ക് ചെയ്ത സേവനങ്ങൾക്ക് എല്ലാം താരം നന്ദി പറഞ്ഞു. മാർക് നോബിളിൽ നിന്നു ക്യാപ്റ്റൻ സ്ഥാനം ഏറ്റെടുത്തതും യുഫേഫ കോൺഫറൻസ് ലീഗ് ഉയർത്തിയതും ഒന്നും മറക്കാൻ ആവാത്ത അനുഭവങ്ങൾ ആണെന്ന് പറഞ്ഞ താരം അവരിൽ ഒരാൾ ആയി തന്നെ ഏറ്റെടുത്ത ആരാധകരോട് പ്രത്യേകം നന്ദി രേഖപ്പെടുത്തി. ഏതാണ്ട് മാസങ്ങൾ കാത്തിരുന്ന താരത്തിന്റെ വരവ് ആഴ്‌സണൽ മിക്കവാറും ഇന്ന് തന്നെ പ്രഖ്യാപിക്കും. അതിനുള്ള കാത്തിരിപ്പിൽ ആണ് ആഴ്‌സണൽ ആരാധകരും.

വെസ്റ്റ് ഹാം യുണൈറ്റഡ് ക്യാപ്റ്റൻ ഡക്ലൻ റൈസ് ട്രാൻസ്ഫർ ഡീലിൽ ആഴ്‌സണലും വെസ്റ്റ് ഹാമും ഒടുവിൽ ധാരണയിൽ എത്തുന്നു. നേരത്തെ ബ്രിട്ടീഷ് റെക്കോർഡ് 105 മില്യൺ പൗണ്ട്(134 മില്യൺ യൂറോ) തുകക്ക് വെസ്റ്റ് ഹാം റൈസിനെ ആഴ്‌സണലിന് വിൽക്കാൻ ധാരണയിൽ ആയത് ആണ്. എന്നാൽ ആഡ് ഓൺ കഴിച്ചുള്ള 100 മില്യൺ പൗണ്ട് എങ്ങനെ നൽകണം എന്ന കാര്യത്തിൽ ആണ് ടീമുകൾ തമ്മിൽ വലിയ ചർച്ചകൾ നടന്നത്.

നിലവിൽ ഈ കാര്യത്തിൽ ടീമുകൾ തമ്മിൽ അവസാന ഘട്ട ചർച്ചയിൽ ആണ് എന്നും ഏതാണ്ട് ഇതിൽ ടീമുകൾ തമ്മിൽ ധാരണയിൽ എത്തിയത് ആയും ഗാർഡിയന്റെ വെസ്റ്റ് ഹാമും ആയി വലിയ അടുപ്പമുള്ള റിപ്പോർട്ടർ ജേക്കബ് സ്റ്റീൻബർഗ് റിപ്പോർട്ട് ചെയ്യുന്നു. അടുത്ത വർഷം അവസാനം 100 മില്യൺ പൗണ്ടിൽ ഏതാണ്ട് മുഴുവനും ആഴ്‌സണലിൽ നിന്നു വാങ്ങാൻ ആണ് വെസ്റ്റ് ഹാം ശ്രമിക്കുന്നത്. അതേസമയം ഇത് ഇതിലും കൂടുതൽ സമയം എടുത്തു നൽകാം എന്നായിരുന്നു ആഴ്‌സണൽ നിലപാട്. അധികം വൈകാതെ തന്നെ ട്രാൻസ്ഫർ പൂർത്തിയാകും എന്നാണ് റിപ്പോർട്ട്.