ക്രിസ് ഗ്രീന് അവസാന ഓവറിൽ ഹാട്രിക്ക് ഉള്പ്പെടെ നാല് വിക്കറ്റ് നേടിയെങ്കിലും കെന്റിനെ കീഴടക്കാനാകാതെ മിഡിൽസെക്സ്. അവസാന ഓവറിലെ ആദ്യ പന്തിലും അവസാന മൂന്ന് പന്തിലും വിക്കറ്റ് നേടിയ ഗ്രീന് മത്സരത്തിൽ അഞ്ച് വിക്കറ്റാണ് നേടിയത്. കെന്റ് 8 ഓവറിൽ 178 റൺസ് നേടുകയായിരുന്നു.
മറുപടി ബാറ്റിംഗിനിറങ്ങിയ മിഡിൽസെക്സിന് 8 വിക്കറ്റ് നഷ്ടത്തിൽ 162 റൺസേ നേടാനായുള്ളു.
ആന്റിച്ച് നോര്ട്ജേ പരിക്കേറ്റ് പുറത്തായതിനെത്തുടര്ന്ന് ദക്ഷിണാഫ്രിക്കയുടെ ലോകകപ്പ് സ്ക്വാഡില് ഇടം പിടിച്ച ക്രിസ് മോറിസിനു ലോകകപ്പിനു ശേഷം ഇംഗ്ലണ്ടില് ടി20 ബ്ലാസ്റ്റില് കളിയ്ക്കുവാന് അവസരം. ജൂലൈയില് ഹാംഷയറിനു വേണ്ടി കളിയ്ക്കുവാന് താരം കരാര് ഒപ്പിട്ടപ്പോള് ഹാംഷയര് ഈ സീസണില് കരാറിലെത്തിയ ആദ്യ വിദേശ താരം കൂടിയായി ക്രിസ് മോറിസ്.
ഐപിഎലില് ഡല്ഹി ക്യാപിറ്റല്സ് ടീമില് അംഗമായ താരം മുന് സീസണുകളില് ടീമിനായി മികവ് പുലര്ത്തിയിട്ടുണ്ടെങ്കിലും ഐപിഎല് 2019ല് കാര്യമായ പ്രകടനം പുറത്തെടുക്കുവാന് ആയിട്ടില്ല.
മുന് ഇംഗ്ലണ്ട് ഓള്റൗണ്ടര് ഡൊമിനിക് കോര്ക്ക് ഡെര്ബിഷയറിന്റെ ടി20 കോച്ചായി നിയമിതനായി. മുന് ഡെര്ബിഷയര് താരം കൂടിയാണ് ഈ മുന് ഇംഗ്ലണ്ട് ഓള്റൗണ്ടര്. ഈ വര്ഷത്തെ ടി20 വൈറ്റാലിറ്റി ബ്ലാസ്റ്റില് ടീമിനെ പരിശീലിപ്പിക്കുക എന്ന ദൗത്യമാണ് കോര്ക്കിനെ ഏല്പിച്ചിരിക്കുന്നത്. കഴിഞ്ഞ രണ്ട് സീസണില് ടീമിന്റെ ബൗളിംഗ് പരിശീലകനായിരുന്നു കോര്ക്ക്. ഇത്തവണ മുഖ്യ കോച്ചിന്റെ ചുമതലയാണ് താരം വഹിക്കുക. മുന് ഇന്ത്യന് കോച്ച് കൂടിയായിരുന്നു ന്യൂസിലാണ്ടിന്റെ ജോണ് റൈറ്റില് നിന്നാണ് കോര്ക്ക് ഈ ചുമതല ഏറ്റെടുക്കുന്നത്.
റൈറ്റ് കൗണ്ടിയുടെ ഉപദേശകനായി തുടരുമെന്നും ഡേവിഡ് ഹൗട്ടണ്(ഹെഡ് ഓഫ് ക്രിക്കറ്റ്), ,സ്റ്റീവ് കിര്ബി(സഹ പരിശീലകനും ബൗളിംഗ് കോച്ച്), മാല് ലോയെ(ഹെഡ് ഓഫ് ഡെവലപ്മെന്റ്) എന്നിവരുമായി കോര്ക്ക് സഹകരിക്കുമെന്നും കൗണ്ടി അറിയിച്ചു.
