റുതുരാജ് മൂന്ന് നാല് സീസണുകള് കൂടി റൺസ് കണ്ടെത്തുകയാണെങ്കില് ചെന്നൈ സൂപ്പര് കിംഗ്സിന്റെ നായകനായി താരം മാറുമെന്നും എംഎസ് ധോണിയെ പോലെ ദീര്ഘ കാല ക്യാപ്റ്റനാകുവാന് താരത്തിന് സാധിക്കുമെന്നും പറഞ്ഞ് വീരേന്ദര് സേവാഗ്.
താരത്തിന് എംഎസ് ധോണിയുടെ എല്ലാ ഗുണങ്ങളുമുണ്ടെന്നും ഇല്ലാത്തത് ഭാഗ്യത്തിന്റെ ഘടകം ആണെന്നും സേവാഗ് കൂട്ടിചേര്ത്തു. ഐപിഎലില് പ്ലേ ഓഫ് കാണാതെ ചെന്നൈ പുറത്തായിരുന്നു.
ടൂര്ണ്ണമെന്റിന്റെ തുടക്കത്തിൽ രവീന്ദ്ര ജഡേജയെ ക്യാപ്റ്റനാക്കിയെങ്കിലും പിന്നീട് ക്യാപ്റ്റന്സി ധോണിയിലേക്ക് തന്നെ തിരികെ എത്തുകയായിരുന്നു. അവസാനം ഐപിഎലില് നിന്ന് തന്നെ പരിക്ക് കാരണം ജഡേജ പിന്മാറിയപ്പോള് സോഷ്യൽ മീഡിയ താരത്തെ റെയ്നയെ പോലെ പുറത്താക്കിയതാണെന്ന തരത്തിൽ ആരോപണങ്ങള് ഉന്നയിച്ചിരുന്നു.
