Tag: Trent Alexander-Arnold

റിയൽ മാഡ്രിഡിനായുള്ള ചാമ്പ്യൻസ് ലീഗ് അരങ്ങേറ്റത്തിൽത്തന്നെ ഇംഗ്ലണ്ട് താരം ട്രെന്റ് അലക്സാണ്ടർ-അർനോൾഡിന് പരിക്ക്. മാഴ്സെയ്ക്കെതിരായ മത്സരത്തിൻ്റെ നാലാം മിനിറ്റിൽ തന്നെ താരത്തിൻ്റെ പേശികൾക്ക് പരിക്കേറ്റു. തുടർന്ന്, മത്സരം പൂർത്തിയാക്കാനാവാതെ അർനോൾഡിന് കളം വിടേണ്ടി വന്നു. താരം ഇടത് കാൽ മുട്ടിൽ പിടിച്ച് വേദനയോടെ ഇരിക്കുന്നത് സഹതാരങ്ങളെയും ആരാധകരെയും ഒരുപോലെ ആശങ്കയിലാഴ്ത്തി.

പരിക്ക് ഗുരുതരമല്ലെന്ന് റയൽ മാഡ്രിഡ് മാനേജർ സാബി അലോൺസോ മത്സരശേഷം സ്ഥിരീകരിച്ചു. “ഞങ്ങൾ വിചാരിച്ചത്ര മോശമല്ല പരിക്ക്, എങ്കിലും കൂടുതൽ പരിശോധനകൾക്കായി കാത്തിരിക്കണം,” അലോൺസോ പറഞ്ഞു. വരും ദിവസങ്ങളിൽ കൂടുതൽ മെഡിക്കൽ പരിശോധനകൾക്ക് വിധേയനാകേണ്ടി വരും.

നവംബർ 4-ന് ആൻഫീൽഡിൽ ലിവർപൂളിനെതിരായ മത്സരത്തിൽ അർനോൾഡിൻ്റെ പങ്കാളിത്തം ഇതോടെ സംശയത്തിലായി.

സ്കാൻ റിപ്പോർട്ടുകൾ നല്ല വാർത്ത നൽകുമെന്ന് മാഡ്രിഡ് പ്രതീക്ഷിക്കുന്നു, അതേസമയം സ്വന്തം തട്ടകത്തിൽ എതിരാളിയായി കളിക്കാൻ അർനോൾഡ് വരുമോ എന്ന് ലിവർപൂൾ ആരാധകർ ആകാംഷയോടെ കാത്തിരിക്കുകയാണ്.

അമേരിക്കയിൽ നടക്കുന്ന ഫിഫ ക്ലബ്ബ് ലോകകപ്പ് കളിക്കാൻ ഇംഗ്ലണ്ട് താരത്തെ അനുവദിക്കുന്നതിനായി ട്രെൻ്റ് അലക്സാണ്ടർ-അർനോൾഡിനെ നേരത്തെ സ്വന്തമാക്കാൻ ലിവർപൂളുമായി റയൽ മാഡ്രിഡ് ധാരണയിലെത്തി. ജൂൺ 30 ന് ലിവർപൂളുമായുള്ള കരാർ അവസാനിക്കുന്നതിന് ഒരു മാസം മുമ്പ് റൈറ്റ് ബാക്കിനെ ടീമിലെത്തിക്കാൻ സ്പാനിഷ് വമ്പന്മാർ 10 ദശലക്ഷം യൂറോ നൽകും.

മാഡ്രിഡുമായി ആറ് വർഷത്തെ കരാർ ഒപ്പുവച്ച 26 കാരൻ, ആദ്യം ഫ്രീ ട്രാൻസ്ഫറിലാണ് ചേരാനിരുന്നത്. എന്നാൽ ഈ നീക്കത്തിലൂടെ അൽ ഹിലാൽ (ജൂൺ 18), പച്ചുക്ക (ജൂൺ 22), റെഡ് ബുൾ സാൽസ്ബർഗ് (ജൂൺ 26) എന്നിവർക്കെതിരായ മാഡ്രിഡിൻ്റെ ഗ്രൂപ്പ് ഘട്ട മത്സരങ്ങളിൽ അദ്ദേഹത്തിന് കളിക്കാൻ കഴിയും. ഈ തുക അദ്ദേഹത്തിൻ്റെ ശേഷിക്കുന്ന വേതനവും ബോണസുകളും നൽകാനുള്ള ലിവർപൂളിൻ്റെ ബാധ്യത കുറയ്ക്കും.

ഈ ആഴ്ച ആദ്യം ധാരണയായെങ്കിലും ലിവർപൂളിൻ്റെ കിരീടധാരണ ആഘോഷങ്ങൾക്കിടെ ഒരു കാർ ജനക്കൂട്ടത്തിലേക്ക് ഇടിച്ചുകയറി 79 പേർക്ക് പരിക്കേറ്റ ദാരുണ സംഭവത്തെത്തുടർന്ന് ഈ കരാർ പ്രഖ്യാപിക്കുന്നത് വൈകുക ആയിരുന്നു.

നേരത്തെ ജനുവരിയിൽ 40 ദശലക്ഷം യൂറോയ്ക്ക് അലക്സാണ്ടർ-അർനോൾഡിനെ സ്വന്തമാക്കാൻ മാഡ്രിഡ് ശ്രമിച്ചിരുന്നെങ്കിലും പ്രീമിയർ ലീഗ് കിരീട പോരാട്ടത്തിൽ ശ്രദ്ധ കേന്ദ്രീകരിച്ചിരുന്ന ലിവർപൂൾ അത് നിരസിച്ചു.

ക്ലബ്ബ് ലോകകപ്പ് ടീമുകൾക്കായി ഫിഫ പുതുതായി അംഗീകരിച്ച ജൂൺ 1 മുതൽ 10 വരെയുള്ള രജിസ്ട്രേഷൻ വിൻഡോ, അലക്സാണ്ടർ-അർനോൾഡിനെ രജിസ്റ്റർ ചെയ്യാൻ മാഡ്രിഡിനെ അനുവദിക്കും. ജൂലൈ വരെ കാത്തിരുന്നെങ്കിൽ അദ്ദേഹത്തിന് നോക്കൗട്ട് ഘട്ടത്തിൽ മാത്രമേ കളിക്കാൻ കഴിയുമായിരുന്നുള്ളൂ.
354 മത്സരങ്ങളിൽ നിന്ന് 23 ഗോളുകളും 92 അസിസ്റ്റുകളും രണ്ട് ലീഗ് കിരീടങ്ങൾ, ഒരു ചാമ്പ്യൻസ് ലീഗ്, എഫ്എ കപ്പ്, കാരബാവോ കപ്പ് എന്നിവയുൾപ്പെടെ നിരവധി ട്രോഫികളും നേടിയാണ് അലക്സാണ്ടർ-അർനോൾഡ് ലിവർപൂൾ വിടുന്നത്.

ഈ വേനൽക്കാലത്ത് ലിവർപൂളിന്റെ റൈറ്റ് ബാക്ക് ട്രെന്റ് അലക്സാണ്ടർ-അർനോൾഡിനെ സൗജന്യ ട്രാൻസ്ഫറിൽ സ്വന്തമാക്കാൻ റയൽ മാഡ്രിഡ് ശക്തമായ ശ്രമം നടത്തുകയാണ് എന്ന് അത്ലെറ്റിക്ക് റിപ്പോർട്ട് ചെയ്യുന്നു. സ്പാനിഷ് ഭീമന്മാർ 26 കാരനായ താരത്തെ രണ്ട് വർഷമായി നിരീക്ഷിച്ചുകൊണ്ടിരിക്കുകയാണ്.

ജനുവരിയിൽ റയൽ താരത്തെ സ്വന്തമാക്കാൻ ശ്രമിച്ചു എങ്കിലും ലിവർപൂളിൽ കരാർ അവസാനിക്കുന്നത് വരെ തുടരാൻ താരം തീരുമാനിച്ചു. ഫ്രീ‌ ഏജന്റായ താരത്തിന് ഇപ്പോൾ ഏത് ക്ലബിലും കരാർ ഒപ്പുവെക്കാൻ അർഹതയുണ്ട്.

അലക്സാണ്ടർ-അർനോൾഡിനൊപ്പം, മുഹമ്മദ് സലായും വിർജിൽ വാൻ ഡൈകും ലിവർപൂൾ വിടുമെന്ന ആശങ്കയിലാണ് ലിവർപൂൾ ആരാധകർ ഉള്ളത്.