ഇംഗ്ലണ്ടിന്റെയും ഓസ്ട്രേലിയയുടെയും താരങ്ങളോട് മദ്യപാന സല്ക്കാരം അവസാനിപ്പിച്ച് മടങ്ങുവാന് ഹൊബാര്ട്ട് പോലീസ് ആവശ്യപ്പെടുന്നതിന്റെ വീഡിയോ റെക്കോര്ഡ് ചെയ്തത് ടീമിന്റെ സഹ പരിശീലകന് ഗ്രഹാം തോര്പ്പ് എന്ന് സൂചന.
ജോ റൂട്ട്, ജെയിംസ് ആന്ഡേഴ്സൺ, നഥാന് ലയൺ, ട്രാവിസ് ഹെഡ്, അലക്സ് കാറെ എന്നിവരാണ് മദ്യ സൽക്കാരത്തിൽ ഏര്പ്പെട്ടത്. ഇതിന്മേൽ അന്വേഷണം പ്രഖ്യാപിച്ച ഇസിബി വൃത്തങ്ങളില് നിന്ന് ലഭിയ്ക്കുന്നത് ഗ്രഹാം തോര്പ്പിന്റെ പണി തെറിയ്ക്കുമെന്നാണ്.
തോര്പ്പ് ചിത്രീകരിച്ച വീഡിയോ സിഡ്നി മോണിംഗ് ഹെറാള്ഡിന്റെ കൈവശം എത്തിയതോടെയാണ് പുറം ലോകം ഈ കാര്യം അറിഞ്ഞത്. ഹൊബാര്ട്ട് ടെസ്റ്റ് അവസാനിച്ച് എട്ട് മണിക്കൂറുകള്ക്ക് ശേഷം തിങ്കളാഴ്ച പുലര്ച്ചെ 6 മണിക്കാണ് ഈ സംഭവം നടന്നത്.
