Tag: Tottenham Hotspurs

ഇംഗ്ലീഷ് പ്രീമിയർ ലീഗിൽ സ്പർസിന് ജയം. ബ്രയ്റ്റനെ എതിരില്ലാത്ത 1 ഗോളിന് മറികടന്നാണ് സ്പർസ് ടോപ്പ് 4 റേസിൽ തങ്ങളുടെ നില മെച്ചപ്പെടുത്തിയത്‌. എറിക്സൻ നേടിയ കിടിലൻ ഗോളാണ് സ്പർസിന് ജയം സമ്മാനിച്ചത്. ജയത്തോടെ 35 കളികളിൽ നിന്ന് 70 പോയിന്റ് ഉള്ള അവർ മൂന്നാം സ്ഥാനത്ത് തുടരും.

കളി വിരസമായ സമനിലയിൽ അവസാനിക്കും എന്ന ഘട്ടത്തിലാണ് ഡാനിഷ് മധ്യനിര താരം എറിക്സൻ രക്ഷക്ക് എത്തിയത്. 88 ആം മിനുറ്റിലാണ് ഗോൾ പിറന്നത് എന്നത് ബ്രയ്റ്റന്
ഏറെ നിരാശ സമ്മാനിക്കുന്ന ഒന്നായി. സമനില നേടിയിരുന്നെങ്കിൽ അവരുടെ റിലഗേഷൻ പോരാട്ടങ്ങൾക്ക് കൂടുതൽ ഊർജമാകുമായിരുന്നു.

ഏറെ നാളായി സ്പർസ് ആരാധകർ കാത്തിരുന്ന ദിവസം ക്ലബ്ബ് പ്രഖ്യാപിച്ചു. പുതുക്കി പണിത വൈറ്റ് ഹാർട്ട് ലൈൻ സ്റ്റേഡിയത്തിൽ ആദ്യ മത്സരം ഏപ്രിൽ 3 ന്. ക്രിസ്റ്റൽ പാലസിന് എതിരായ ലണ്ടൻ ഡർബിയാണ് അന്ന് അരങ്ങേറുക.

സ്പർസ് പുതിയ സ്റ്റേഡിയത്തിൽ തിയതി പ്രഖ്യാപിച്ചതോടെ മാഞ്ചസ്റ്റർ സിറ്റിക്ക് എതിരായ ചാമ്പ്യൻസ് ലീഗ് ക്വാർട്ടർ ഫൈനലും പുതിയ സ്റേഡിയത്തിലാകും അരങ്ങേറുക. ഏപ്രിൽ 9 നാണ് ഈ മത്സരം നടക്കുക. ഇതുവരെ വെംബ്ലി സ്റേഡിയമാണ് സ്പർസ് താത്കാലിക അടിസ്ഥാനത്തിൽ ഹോം ഗ്രൗണ്ട് ആയി ഉപയോഗിച്ച് വന്നത്.

ലണ്ടൻ ഡർബിക്കിടെ പോര് നടത്തിയ സ്പർസ്, ആഴ്സണൽ ടീമുകൾക്ക് ഇംഗ്ലീഷ് ഫുട്ബോൾ അസോസിയേഷന്റെ ഭീമൻ പിഴ. കളിക്കാരെ നിയന്ത്രിക്കുന്നതിൽ പരാജയപ്പെട്ടു എന്ന കാരണം പറഞ്ഞാണ് നടപടി. എങ്കിലും കളിക്കാർക്ക് ആർക്കും പ്രത്യേക ശിക്ഷ ഇല്ല. മത്സരത്തിൽ പക്ഷെ സ്പർസ് താരം യാൻ വെർതോഗൻ ചുവപ്പ് കാർഡ് കണ്ട് പുറത്തായിരുന്നു.

ഡിസംബർ 2 ന് നടന്ന പ്രീമിയർ ലീഗ് മത്സരത്തിലായിരുന്നു സംഭവം അരങ്ങേറിയത്. മത്സരത്തിൽ ആഴ്സണൽ ജയിച്ചിരുന്നു. സ്പർസിന് 50000 പൗണ്ടും, ആഴ്സണലിന് 45000 പൗണ്ടുമാണ് പിഴ ഇനത്തിൽ അടക്കേണ്ടി വരിക.

സ്പർസ് ഡിഫൻഡർ യാൻ വെർതോഗന്റെ കരാർ പുതുക്കി. താരത്തിന്റെ കരാറിൽ ഉണ്ടായിരുന്ന ഒരു വർഷത്തേക്ക് നീട്ടാനുള്ള ഓപ്‌ഷൻ സ്പർസ് ഉപയോഗിക്കുകയായിരുന്നു. ഇതോടെ 2020 വരെ താരം ലണ്ടൻ ക്ലബ്ബിൽ തുടരും എന്നുറപ്പായി. ബെൽജിയം ദേശീയ ടീം അംഗമാണ് വെർതോഗൻ.

2012 ൽ അയാക്സിൽ നിന്നാണ് താരം സ്പർസിൽ എത്തുന്നത്. അന്നുമുതൽ ക്ലബ്ബിന്റെ ഒന്നാം നമ്പർ സെൻട്രൽ ഡിഫണ്ടറാണ് താരം. സ്പർസിനായി 264 മത്സരങ്ങൾ കളിച്ച താരം ബെൽജിയതിനായി 110 മത്സരങ്ങളിൽ ഇറങ്ങിയിട്ടുണ്ട്. ബെൽജിയത്തിന്റെ ചരിത്രത്തിൽ അവർക്കായി ഏറ്റവും കൂടുതൽ മത്സരങ്ങൾ കളിച്ച താരവും വെർതോഗനാണ്.