Tag: Tottenham Hotspur

ടോട്ടനം ഹോട്‌സ്പറിന്റെ റെക്കോർഡ് ഗോൾ വേട്ടക്കാരനും ഇംഗ്ലണ്ട് ക്യാപ്റ്റനും ആയ ഹാരി കെയിൻ തന്റെ ബാല്യകാല ക്ലബിനോട് വിട പറഞ്ഞു. 11 വയസ്സ് മുതൽ 20 കൊല്ലം താൻ കരിയർ ചിലവഴിച്ച ക്ലബിനോട് വിട പറയുന്നതിൽ സങ്കടം ഉണ്ടെന്നു പറഞ്ഞ താരം ആരാധകരോട് നന്ദി പറഞ്ഞു. ക്ലബിലെ എല്ലാവരോടും നന്ദി പറഞ്ഞ ഇംഗ്ലണ്ട് ക്യാപ്റ്റൻ താൻ ക്ലബ് വിടുന്നത് ഔദ്യോഗികമായി ആരാധകരോട് താൻ തന്നെ അറിയിക്കണം എന്നും കൂട്ടിച്ചേർത്തു. താൻ എന്നും ക്ലബിന്റെ ആരാധകൻ ആയിരിക്കും എന്ന് പറഞ്ഞ കെയിൻ താരങ്ങൾക്കും കോച്ചിനും ആശംസകളും നേർന്നു.

ഭാവിയിൽ എന്ത് സംഭവിക്കും എന്നറിയില്ല എന്നതിനാൽ തന്നെ ഇത് പൂർണമായുള്ള വിട പറച്ചിൽ അല്ല എന്നും ടോട്ടനം ഇതിഹാസതാരം പറഞ്ഞു. അതേസമയം കെയിന്റെ കരാർ ഔദ്യോഗികമായി പ്രഖ്യാപിച്ചു താരത്തെ ആർ.ബി ലൈപ്സിഗിന് എതിരായ ഇന്നത്തെ ജർമ്മൻ സൂപ്പർ കപ്പ് മത്സരത്തിൽ കളിക്കാൻ ഇറക്കാൻ ആവുമെന്ന പ്രതീക്ഷയിൽ ആണ് ബയേൺ മ്യൂണിക്. നിലവിൽ ക്ലബും ആയി കരാർ ഒപ്പിട്ട താരത്തിന്റെ വരവ് ബയേൺ ഔദ്യോഗികമായി പ്രഖ്യാപിച്ചു. 100 മില്യൺ യൂറോയും 20 മില്യൺ യൂറോ ആഡ് ഓണും നൽകിയാണ് കെയിനിനെ ബയേൺ ടീമിൽ എത്തിച്ചത്. ജർമ്മൻ റെക്കോർഡ് ജേതാക്കളും ആയി നാലു വർഷത്തെ കരാറിൽ ആണ് കെയിൻ ഒപ്പ് വെച്ചത്.

ഇംഗ്ലീഷ് ക്യാപ്റ്റൻ ഹാരി കെയിനിന്റെ ബയേൺ മ്യൂണിക്കിലേക്കുള്ള ട്രാൻസ്ഫറിന്റെ കാര്യത്തിൽ വീണ്ടും വ്യക്തത കുറവ്. ഇന്നലെ ഏതാണ്ട് 100 മില്യൺ യൂറോയുടെ ഓഫർ സ്വീകരിച്ച ടോട്ടനം താരത്തെ വിൽക്കാനുള്ള ധാരണയിൽ എത്തിയിരുന്നു. ഇന്നലെ രാത്രി നടന്ന ചർച്ചകൾക്ക് ഒടുവിൽ കെയിൻ ബയേണിലേക്ക് പോവാനുള്ള തീരുമാനവും എടുത്തു. തുടർന്ന് താരത്തിന് ജർമ്മനിയിൽ മെഡിക്കലിൽ പങ്കെടുക്കാനുള്ള അനുവാദവും ടോട്ടനം നൽകി.

എന്നാൽ നിലവിൽ ജർമ്മനിയിലേക്ക് പറക്കാൻ എയർപോർട്ടിലേക്ക് പോവാൻ ഇരുന്ന കെയിനു ടോട്ടനം അനുവാദം നിഷേധിച്ചു എന്നാണ് വാർത്ത. കരാറിൽ നിന്നു ടോട്ടനം പിന്മാറുകയാണോ എന്ന കാര്യത്തിൽ നിലവിൽ വ്യക്തതയില്ല. നിലവിൽ ലണ്ടൻ എയർപോർട്ടിനു അടുത്തുള്ള കുടുംബ വീട്ടിൽ ഉള്ള കെയിൻ ജർമ്മാനിയിലേക്ക് പറക്കാൻ ടോട്ടാനത്തിന്റെ അനുമതി കാത്തിരിക്കുക ആണ് എന്നാണ് പുതിയ റിപ്പോർട്ട്. താരത്തിന്റെ ട്രാൻസ്ഫറിൽ എന്തെങ്കിലും മാറ്റം ഉണ്ടാവുമോ എന്നു ഉടൻ തന്നെ അറിയാൻ സാധിച്ചേക്കും.

ടോട്ടനം ഹോട്‌സ്പർ താരവും ഇംഗ്ലീഷ് ക്യാപ്റ്റനും ആയ ഹാരി കെയിനു ആയി ജർമ്മൻ ചാമ്പ്യന്മാർ ആയ ബയേൺ മ്യൂണിക്കിന്റെ അവസാനഘട്ട ശ്രമങ്ങൾ. നിലവിൽ 100 മില്യൺ യൂറോയിൽ അധികമുള്ള തുക ടോട്ടനത്തിന് മുന്നിൽ ബയേൺ വെച്ചു എന്നാണ് റിപ്പോർട്ട്. ഇത് താരത്തിന് ആയുള്ള താരത്തിന്റെ അവസാന ശ്രമം ആയിക്കും എന്നാണ് റിപ്പോർട്ട്.

ഈ ഓഫർ എത്രയും പെട്ടെന്ന് സ്വീകരിക്കുക അല്ലെങ്കിൽ തങ്ങൾ പിന്മാറും എന്ന സൂചനയാണ് ബയേൺ ടോട്ടനത്തിനു മുന്നിൽ വെച്ചത് എന്നാണ് റിപ്പോർട്ട്. ഒരു കൊല്ലം മാത്രം ഇംഗ്ലീഷ് ക്ലബിൽ കരാർ ബാക്കിയുള്ള താരം ബയേണും ആയി നേരത്തെ തന്നെ ഏതാണ്ട് ധാരണയിൽ എത്തിയത് ആണ് എന്നും റിപ്പോർട്ട് ഉണ്ട്. നിലവിൽ ടോട്ടനം ചെയർമാൻ ഡാനിയേൽ ലെവിയുടെ തീരുമാനം ആവും ഈ ട്രാൻസ്ഫറിൽ നിർണായകം ആവുക.

ഇംഗ്ലീഷ് ക്യാപ്റ്റൻ ഹാരി കെയിന് ആയുള്ള ശ്രമങ്ങൾ തുടർന്ന് ബയേൺ മ്യൂണിക്. നിലവിൽ രണ്ടു തവണയാണ് താരത്തിന് ആയി ബയേണിന്റെ ഓഫറുകൾ ടോട്ടനം തള്ളിയത്. അവസാനം 80 മില്യൺ യൂറോയുടെ ഓഫർ ആണ് 29 കാരനായ ഇംഗ്ലീഷ് ക്യാപ്റ്റനു ആയി ജർമ്മൻ ചാമ്പ്യന്മാർ മുന്നോട്ട് വച്ചത്. ഒരു വർഷത്തെ കരാർ ടോട്ടനത്തിൽ അവശേഷിക്കുന്ന താരത്തിനെ സ്വന്തമാക്കാൻ ആയി ബയേണിന്റെ പുതിയ സി.ഇ.ഒ യാൻ ക്രിസ്റ്റിയൻ-ഡ്രീസൻ ടോട്ടനം ചെയർമാൻ ഡാനിയേൽ ലെവിയും ആയി കൂടിക്കാഴ്ച നടത്തി.

നിലവിൽ താരത്തിന് ആയി പുതിയ ഓഫർ മുന്നോട്ട് വച്ചില്ലെങ്കിലും തങ്ങളുടെ താരത്തിന് ആയുള്ള താൽപ്പര്യം ജർമ്മൻ അധികൃതർ വ്യക്തമാക്കി എന്നാണ് സൂചന. ഈ കൂടിക്കാഴ്ചയെ കുറിച്ച് ഹാരി കെയിനെയും ക്ലബ് അറിയിച്ചിട്ടുണ്ട്. നിലവിൽ കെയിൻ നാളെ ടോട്ടനത്തിനു ഒപ്പം പ്രീ സീസണിനു ആയി യാത്ര തിരിക്കും. നേരത്തെ ടോട്ടനം കെയിനു മുമ്പ് വമ്പൻ കരാർ മുന്നോട്ട് വച്ചത് ആയി റിപ്പോർട്ട് ഉണ്ടായിരുന്നു. കെയിന് ആയി പരമാവധി ശ്രമിക്കാൻ ആണ് ബയേൺ പരിശീലകൻ തോമസ് ടൂഹൽ ക്ലബിന് കൊടുത്ത നിർദ്ദേശം എന്നാണ് റിപ്പോർട്ട്.