Tag: Tottenham Hotspur

ടോട്ടൻഹാം സൂപ്പർ താരം ഹാരി കെയ്‌നിനെ ടീമിൽ നിലനിർത്താൻ ടോട്ടൻഹാമിന്‌ ചാമ്പ്യൻസ് ലീഗ് യോഗ്യത ആവശ്യമില്ലെന്ന് പരിശീലകൻ റയാൻ മേസൺ. ടോട്ടൻഹാം ചാമ്പ്യൻസ് ലീഗ് യോഗ്യത നേടിയില്ലെങ്കിലും താരം ടീം വിട്ടേക്കും എന്ന വർത്തകൾക്കിടയിലാണ് ടോട്ടൻഹാം പരിശീലകന്റെ പ്രതികരണം. നേരത്തെ മോശം പ്രകടനത്തെ തുടർന്ന് ടോട്ടൻഹാം പരിശീലകനായ മൗറിനോയെ പുറത്താക്കിയിരുന്നു. തുടർന്നാണ് റയാൻ മേസൺ ടോട്ടൻഹാം പരിശീലക സ്ഥാനം ഏറ്റെടുത്തത്.

നിലവിൽ 27കാരനായ ഹാരി കെയ്‌നിന്റെ ടോട്ടൻഹാമിൽ കരാർ 2024വരെയാണ് ഉള്ളത്. എന്നാൽ കഴിഞ്ഞ ദിവസം കാരബാവോ കപ്പ് ഫൈനലിൽ മാഞ്ചസ്റ്റർ സിറ്റിയോട് തോറ്റതിന് പിന്നാലെ തനിക്ക് ട്രോഫികൾ വേണമെന്ന സൂചനയും താരം നൽകിയിരുന്നു. നിലവിൽ ടോട്ടൻഹാമിന്റെ കൂടെ ഒരു വലിയ കിരീടം പോലും നേടാൻ ഹാരി കെയ്നിന് ആയിട്ടില്ല. നിലവിൽ പ്രീമിയർ ലീഗ് പോയിന്റ് പട്ടികയിൽ ഏഴാം സ്ഥാനത്താണ് ടോട്ടൻഹാം.നാലാം സ്ഥാനത്തുള്ള ചെൽസിയെക്കാൾ 5 പോയിന്റ് പിറകിലാണ് ടോട്ടൻഹാം ഇപ്പോൾ. നിലവിലെ സാഹചര്യത്തിൽ ടോട്ടൻഹാം ചാമ്പ്യൻസ് ലീഗ് യോഗ്യത നേടാനുള്ള സാധ്യത വളരെ കുറവാണ്.

ടോട്ടൻഹാമിൽ തന്നെ തന്റെ കരിയർ അവസാനിപ്പിക്കാനാണ് ടോട്ടൻഹാം സൂപ്പർ താരം സോണിന്റെ ആഗ്രഹമെന്ന് പരിശീലകൻ ജോസ്‌ മൗറിനോ. താരവുമായി പുതിയ കരാറിനുള്ള ചർച്ചകൾ ടോട്ടൻഹാം ഉടൻ ആരംഭിക്കുമെന്നും കൊറോണ വൈറസ് ബാധ മൂലമാണ് പുതിയ കരാർ ചർച്ചകൾ വൈകുന്നതെന്നും മൗറിനോ പറഞ്ഞു.

നിലവിൽ ടോട്ടൻഹാമിൽ 2023 വരെ കരാറുള്ള താരമാണ് സോൺ. നിലവിൽ ടോട്ടൻഹാമിന്‌ വേണ്ടി സോൺ ഈ സീസണിൽ മികച്ച ഫോമിലാണ്. ഈ സീസണിൽ അവർക്ക് വേണ്ടി 21 മത്സരങ്ങൾ കളിച്ച സോൺ 13 ഗോളുകളും നേടിയിരുന്നു. മികച്ച ഫോമിലുള്ള സോണിന്റെയും ഹാരി കെയ്‌നിന്റെയും മികവിലാണ് ടോട്ടൻഹാം പ്രീമിയർ ലീഗിന്റെ തലപ്പത്ത് എത്തിയത്.

മുൻ ടോട്ടൻഹാം പരിശീലകൻ പോച്ചെറ്റിനോയുടെ മകൻ മൗറിസിയോ പോച്ചെറ്റിനോക്ക് ടോട്ടൻഹാമിൽ പുതിയ കരാർ. പോച്ചെറ്റിനോയെ പരിശീലക സ്ഥാനത്ത് നിന്ന് ടോട്ടൻഹാം നേരത്തെ പുറത്താക്കിയെങ്കിലും മകന് പുതിയ കരാർ നൽകാൻ ടോട്ടൻഹാം തീരുമാനിക്കുകയായിരുന്നു.

19കാരനായ മൗറിസിയോ പോച്ചെറ്റിനോയുടെ കരാർ ഇന്ന് അവസാനിക്കാനിരിക്കെയാണ് പുതിയ കരാർ നൽകാൻ ടോട്ടൻഹാം തീരുമാനിച്ചത്. മൂന്ന് വർഷം മുൻപാണ് മൗറിസിയോ പോച്ചെറ്റിനോ ടോട്ടൻഹാം അക്കാദമിയിൽ ചേരുന്നത്. തുടർന്ന് ക്ലബ്ബിന്റെ അണ്ടർ 18 ടീമിലും അണ്ടർ 23 ടീമിലും കളിച്ചെങ്കിലും സീനിയർ ടീമിൽ താരത്തിന് അവസരം ലഭിച്ചിരുന്നില്ല.

അതെ സമയം ടോട്ടൻഹാം പരിശീലക സ്ഥാനത്ത് നിന്ന് മാറി 8 മാസം ആയെങ്കിലും പോച്ചെറ്റിനോ ഇതുവരെ പുതിയ ടീമിന്റെ പരിശീലക ചുമതല ഏറ്റെടുത്തിട്ടില്ല.

മുൻ സ്പർസ്‌ പരിശീലകൻ പോച്ചെറ്റിനോക്കെതിരെയും സ്പർസ്‌ ചെയർമാൻ ഡാനിയൽ ലെവിക്കെതിരെയും കടുത്ത വിമർശനങ്ങളുമായി മുൻ സ്പർസ്‌ താരം കീറൻ ട്രിപ്പിയർ. ഇരുവരും സ്പർസിൽ തന്റെ ഭാവിയെ പറ്റി ഉറപ്പു തന്നില്ലെന്നും അതാണ് താൻ സ്പർസ്‌ വിട്ട് അത്ലറ്റികോ മാഡ്രിഡിലേക്ക് പോയതെന്നും ട്രിപ്പിയർ പറഞ്ഞു.

സ്പർസിൽ തന്നെ നിൽക്കാനായിരുന്നു തനിക്ക് താൽപര്യമെന്നും പരിശീലകനുമായും ചെയർമാനുമായും താൻ സംസാരിച്ചെന്നും എന്നാൽ രണ്ട് പേരും തന്റെ ഭാവിയെ പറ്റി ഒരു ഉറപ്പും തന്നില്ലെന്നും ട്രിപ്പിയർ പറഞ്ഞു.

കഴിഞ്ഞ വർഷത്തെ സമ്മർ ട്രാൻസ്ഫർ വിൻഡോയിലാണ് ട്രിപ്പിയർ ടോട്ടൻഹാം വിട്ട് സ്പാനിഷ് ക്ലബായ അത്ലറ്റികോ മാഡ്രിഡിൽ എത്തിയത്. 20 മില്യൺ പൗണ്ട് മുടക്കിയാൻ അത്ലറ്റികോ മാഡ്രിഡ് താരത്തെ സ്വന്തമാക്കിയത്. മോശം പ്രകടനങ്ങളെ തുടർന്ന് പോച്ചെറ്റിനോയെ കഴിഞ്ഞ നവംബറിൽ സ്പർസ്‌ പുറത്താക്കിയിരുന്നു.

ഏറെ കാലമായി പരിക്കിന്റെ പിടിയിലായിരുന്ന ടോട്ടൻഹാം താരങ്ങളായ ഹരി കെയ്ൻ, ബെർഗ്വിൻ, സിസോക്കോ എന്നിവരുടെ പരിക്കുകൾ ബേധമായെന്ന് ടോട്ടൻഹാം പരിശീലകൻ ജോസെ മൗറിനോ. എന്നാൽ അവർ കളത്തിൽ തിരിച്ചെത്താൻ എത്ര സമയമെടുക്കുമെന്ന് അറിയില്ലെന്നും ടോട്ടൻഹാം പരിശീലകൻ വ്യക്തമാക്കി.

അവരുടെ പരിക്ക് മാറി വരുന്ന സമയത്താണ് കൊറോണ വൈറസ് ബാധയെ തുടർന്ന് ടീമുകൾ പരിശീലനം നിർത്തിയതെന്നും ഒരുമിച്ച് പരിശീലനം തുടങ്ങാനുള്ള അനുമതി ലഭിച്ചാൽ മാത്രമേ അവർക്ക് മത്സരത്തിന് ആവശ്യമായ ഫിറ്റ്നസ് ഉണ്ടോ എന്ന കാര്യത്തിൽ തീരുമാനം എടുക്കാൻ കഴിയു എന്നും മൗറിനോ പറഞ്ഞു.

അതെ കഴിഞ്ഞ ടോട്ടൻഹാം താരങ്ങൾക്ക് പരിശീലനം നടത്താൻ ട്രെയിനിങ് ഗ്രൗണ്ടുകൾ തുറന്നു കൊടുത്തിരുന്നു. എന്നാൽ നിലവിൽ വ്യക്തിഗത പരിശീലനങ്ങൾക്ക് മാത്രമാണ് ട്രെയിനിങ് ഗ്രൗണ്ട് തുറന്നു കൊടുത്തിരിക്കുന്നത്.

ഈ വർഷത്തെ പ്രീമിയർ ലീഗ് സീസൺ പൂർത്തിയാക്കുന്നതാണ് എല്ലാവർക്കും നല്ലതെന്ന് ടോട്ടൻഹാം പരിശീലകൻ ജോസെ മൗറിനോ. ബാക്കിയുള്ള മുഴുവൻ മത്സരങ്ങളും കളിക്കുന്നത് ഫുട്ബോളിനും പ്രീമിയർ ലീഗിനും നല്ലതാവുമെന്നും മൗറിനോ പറഞ്ഞു.

ഫുട്ബോൾ മത്സരങ്ങൾ അടച്ചിട്ട സ്റ്റേഡിയത്തിൽ നടത്തിയാലും അത് യഥാർത്ഥത്തിൽ അടച്ചിട്ട സ്റ്റേഡിയത്തിൽ ആവില്ലെന്നും ക്യാമറ ഉള്ളത് കൊണ്ട് മത്സരം ലക്ഷകണക്കിന് ആളുകൾ കാണുമെന്നും മൗറിനോ പറഞ്ഞു. അത് കൊണ്ട് തന്നെ ഒരു ദിവസം കളികൾ ഇല്ലാത്ത ഗ്രൗണ്ടിലേക്ക് നടന്നു വരുമ്പോൾ അത് ഒരിക്കലും കാണികൾ ഇല്ലാത്ത ഗ്രൗണ്ട് ആവില്ലെന്നും മൗറിനോ പറഞ്ഞു.

തനിക്ക് ഇപ്പോൾ തന്നെ ഫുട്ബോൾ മത്സരങ്ങൾ മിസ് ചെയ്യുന്നുണ്ടെന്നും തനിക് തന്റെ ലോകം മുഴുവൻ നഷ്ടമാവുന്നുണ്ടെന്നും ഫുട്ബോൾ തന്റെ ലോകത്തിന്റെ ഭാഗമാണെന്നും മൗറിനോ പറഞ്ഞു. എന്നാൽ എല്ലാവരും കൊറോണ വൈറസിനെതിരായ പോരാട്ടം ഒരുമിച്ച് പോരാടണമെന്നും മൗറിനോ പറഞ്ഞു.