ഇന്ത്യയുടെ ടോക്കിയോ പാരാലിമ്പിക്സിലെ ജൈത്രയാത്ര തുടരുന്നു. ഇന്ന് ഇന്ത്യ തങ്ങളുടെ രണ്ടാമത്തെ സ്വര്ണ്ണമാണ് നേടിയത്. പുരുഷന്മാരുടെ F64 ജാവ്ലിന് ത്രോയിൽ ഇന്ത്യയ്ക്കായി സുമിത് ആന്റിൽ ആണ് ഈ നേട്ടം സ്വന്തമാക്കിയത്.
68.55 മീറ്റര് ദൂരം എറിഞ്ഞ സുമിത് ലോക റെക്കോര്ഡോടു കൂടിയാണ് ഇന്ത്യയുടെ രണ്ടാമത്തെ സ്വര്ണ്ണം നേടിയത്.
2020 ടോക്കിയോ ഒളിമ്പിക്സിന്റെ ദീപശിഖ ജപ്പാന് കൈമാറി ഗ്രീസ്. ലോകം കൊറോണ വ്യാപനത്തിന്റെ ഭീതിയില് കഴിയുമ്പോളും ജപ്പാന് പറയുന്നത് ടോക്കിയോ ഒളിമ്പിക്സ് സാധാരണ പോലെ തന്നെ നിശ്ചയിച്ച സമയത്ത് നടക്കുമെന്നാണ്. ഇന്ന് അതിന്റെ ഭാഗമായാണ് ദീപശിഖ കൈമാറ്റം നടന്നത്.
1896ല് ആദ്യത്തെ മോഡേണ് ഒളിമ്പിക്സ് നടന്ന പാനഏത്നൈക് സ്റ്റേഡയത്തില് കാണികള്ക്ക് പ്രവേശനമില്ലാത്ത ചടങ്ങിലാണ് ദീപശിഖ കൈമാറിയത്. മുന് ഒളിമ്പിക്സ് ചാമ്പ്യന്മാരായ ലെഫ്റ്റെരിസ് പെട്രോണിസും(ജിംനാസ്റ്റിക്സ്) പോള് വാള്ട്ട് ചാമ്പ്യന് കറ്റരീന സ്റ്റെഫാനിഡിയുംആണ് ജപ്പാന്റെ പ്രതിനിധിയായ നവോകോ ഇമോട്ടോയ്ക്ക് ദീപശിഖ കൈമാറിയത്. 1996 ഏതന്സ് ഒളിമ്പിക്സില് ജപ്പാനെ നീന്തലില് പ്രതിനിധീകരിച്ച താരമാണ് ഇമോട്ടോ.
ഗ്രീസില് തന്നെ താമസിക്കുന്ന യുനിസെഫിന്റെ പ്രതിനിധിയായ ഇമോട്ടോയെ അവസാന നിമിഷമാണ് ദീപശിഖ ഏറ്റുവാങ്ങുവാന് ജപ്പാന് നിശ്ചയിച്ചത്. അതിനാല് തന്നെ ജപ്പാനില് നിന്ന് ഗ്രീസിലേക്കുള്ള യാത്ര ഒഴിവായിക്കിട്ടി.
ടോക്കിയോ ഒളിമ്പിക്സിനുള്ള യോഗ്യത നേടി ഇന്ത്യയുടെ ദീപിക കുമാരി. ഏഷ്യന് കോണ്ടിനെന്റല് അമ്പെയ്ത്ത് യോഗ്യത ടൂര്ണ്ണമെന്റിന്റെ റീകര്വ് ഇനത്തിലാണ് ഇന്ത്യയുടെ തന്നെ അങ്കിത ഭകടിനെ ഫൈനലില് 6-0ന് പരാജയപ്പെടുത്തി സ്വര്ണ്ണം ദീപിക സ്വന്തമാക്കിയത്.
ഇതോടെ ഈ വിഭാഗത്തില് ടോക്കിയോ ഒളിമ്പിക്സിനുള്ള യോഗ്യത ദീപിക ഉറപ്പാക്കുകയായിരുന്നു.
ടോക്കിയോ ഒളിമ്പിക്സ് 2020 ഹോക്കിയില് പുരുഷ വിഭാഗത്തില് ഇന്ത്യയ്ക്ക് കടുത്ത എതിരാളികള്. നിലവിലെ ഒളിമ്പിക്സ് ജേതാക്കളായ അര്ജന്റീനയ്ക്കും ലോക ഒന്നാം നമ്പറുകാരായ ഓസ്ട്രേലിയയ്ക്കും ഒപ്പം പൂള് എ യിലാണ് ഇന്ത്യയുടെ സ്ഥാനം. ന്യൂസിലാണ്ട്, സ്പെയിന്, ജപ്പാന് എന്നിവരാണ് ഗ്രൂപ്പ് എ യിലെ മറ്റ് ടീമുകള്. ഗ്രൂപ്പ് ബിയില് ബെല്ജിയം, നെതര്ലാണ്ട്സ്, ജര്മ്മനി, ഗ്രേറ്റ് ബ്രിട്ടന്, കാനഡ, ദക്ഷിണാഫ്രിക്ക എന്നിവരാണ് കളിക്കുന്നത്.
വനിത വിഭാഗത്തില് ഇന്ത്യ നെതര്ലാണ്ട്സ്, ജര്മ്മനി, ഗ്രേറ്റ് ബ്രിട്ടന്, അയര്ലാണ്ട്, ദക്ഷിണാഫ്രിക്ക എന്നിവരോടൊപ്പം പൂള് എ യിലാണ് സ്ഥിതി ചെയ്യുന്നത്. ഗ്രൂപ്പ് ബിയില് ഓസ്ട്രേലിയ, അര്ജന്റീന, ന്യൂസിലാണ്ട്, സ്പെയിന്, ചൈന, ജപ്പാന് എന്നീ ടീമുകള് അണിനിരക്കും.
തുടര്ച്ചയായ രണ്ടാമത്തെ ഒളിമ്പിക്സിനും യോഗ്യത നേടാനാകാതെ പാക്കിസ്ഥാന്. ഇന്ന് നെതര്ലാണ്ട്സിനെതിരെയുള്ള മത്സരത്തില് 6-1ന്റെ പരാജയം ഏറ്റുവാങ്ങിയാണ് ടീമിന് തിരിച്ചടിയായത്. 2012 ലണ്ടന് ഒളിമ്പിക്സിലാണ് പാക്കിസ്ഥാന് അവസാനമായി കളിച്ചത്. ഇന്നലെ നടന്ന ആവേശകരമായ മത്സരത്തില് പാക്കിസ്ഥാനും നെതര്ലാണ്ട്സും നാല് വീതം ഗോള് നേടി ആദ്യ മത്സരത്തില് സമനിലയില് പിരിഞ്ഞിരുന്നു.
ആദ്യ ഗോള് നേടിയ പാക്കിസ്ഥാനെതിരെ രണ്ട് ഗോള് നേടി നെതര്ലാണ്ട്സ് ലീഡ് നേടിയെങ്കിലും പിന്നീട് പാക്കിസ്ഥാന് മത്സരത്തില് ലീഡ് നേടിയെങ്കിലും നെതര്ലാണ്ട്സ് മത്സരം സമനിലയിലാക്കി. 10-5 എന്ന അഗ്രഗേറ്റ് സ്കോറിലാണ് നെതര്ലാണ്ട്സ് ഒളിമ്പിക്സ് യോഗ്യത ഉറപ്പാക്കിയത്.
ടോക്കിയോ ഒളിമ്പിക്സിനു യോഗ്യത നേടി ഇന്ത്യയുടെ 16 വയസ്സുകാരന് താരം ദിവ്യാന്ഷ് സിംഗ് പന്വാര്. ബീജിംഗില് നടന്ന ISSF ഷൂട്ടിംഗ് ലോകകപ്പിലെ വെള്ളി മെഡല് നേട്ടമാണ് താരത്തിനു 10 മീറ്റര് എയര് റൈഫിളില് ടോക്കിയോ ഒളിമ്പിക്സിനു യോഗ്യത നേടിക്കൊടുത്തത്. ഇത് ഒളിമ്പിക്സില് ഷൂട്ടിംഗില് ഇന്ത്യ നേടുന്ന നാലാമത്തെ യോഗ്യത ക്വാട്ടയാണ്.
ഇന്നലെ മിക്സഡ് ടീം വിഭാഗത്തില് ദിവ്യാന്ഷ് സ്വര്ണ്ണ മെഡല് നേടിയിരുന്നു. അഞ്ജുമിനോടൊപ്പമാണ് മെഡല് നേട്ടം. ഫൈനലിലേക്ക് 629.2 പോയിന്റുമായി മൂന്നാമനായി യോഗ്യത നേടിയ ശേഷം ദിവ്യാന്ഷ് 249 പോയിന്റുമായാണ് വെള്ളി മെഡല് നേടിയത്. ചൈനയുടെ സീചെംഗ് ഹുയി ആണ് സ്വര്ണ്ണം നേടിയത്. എട്ടാമനായാണ് ചൈനീസ് താരം ഫൈനലിലേക്ക് യോഗ്യത നേടിയത്. എന്നാല് ഫൈനലില് താരം സ്വര്ണ്ണം സ്വന്തമാക്കി.
2020 ടോക്കിയോ ഒളിമ്പിക്സിനു യോഗ്യത നേടി ഇര്ഫാന് കെടി. ഇന്ന് നടന്ന ഏഷ്യന് റേസ് വാക്കിംഗ് ചാമ്പ്യന്ഷിപ്പില് 20 കിലോമീറ്റര് നടത്തത്തില് നാലാം സ്ഥാനം സ്വന്തമാക്കിയാണ് ഒളിമ്പിക്സ യോഗ്യത ഇര്ഫാന് ഉറപ്പാക്കിയത്. 1:20.57 എന്ന സമയത്തിലാണ് ഇര്ഫാന് യോഗ്യത നേടിയത്. ടോക്കിയോ ഒളിമ്പിക്സ് കൂടാതെ 2019 IAAF ലോക ചാമ്പ്യന്ഷിപ്പിനും ഇര്ഫാന് യോഗ്യത നേടിയിട്ടുണ്ട്.
ഇന്ത്യയുടെ ദേവീന്ദരറും ഗണപതിയും ലോക ചാമ്പ്യന്ഷിപ്പിനു യോഗ്യത നേടിയിട്ടുണ്ട്.
