Tag: Thomas Tuchel

തോമസ് ടുക്കൽ ബയേൺ പരിശീലക സ്ഥാനം ഒഴിയും. നേരത്തെ തന്നെ അദ്ദേഹം ക്ലബ് വിടും എന്ന് പ്രഖ്യാപിച്ചിരുന്നു എങ്കിലും ബയേൺ അദ്ദേഹത്തെ നിലനിർത്താൻ കഴിഞ്ഞ ആഴ്ചകളിൽ ചർച്ചകൾ നടത്തിയിരുന്നു. എന്നാൽ ക്ലബുമായി ഒരു ധാരണയിലും എത്താൻ ആയിട്ടില്ല എന്നും ഇത് തന്റെ ബയേൺ പരിശീലകനായുള്ള അവസാനത്തെ പത്ര സമ്മേളനം ആയിരിക്കും എന്നും ടുക്കൽ ഇന്ന് മാധ്യമങ്ങളോട് പറഞ്ഞു.

‌

ശനിയാഴ്ച ഹോഫൻഹെയിമുമായുള്ള മത്സരത്തോടെ ടുക്കലിന്റെ ബയേൺ ദൗത്യം അവസാനിക്കും. ഈ സീസണിൽ ഒരു കിരീടം പോലും നേടാൻ ബയേണായിരുന്നില്ല. ഒരു ദശകത്തിനു ശേഷം ബയേൺ ലീഗ് കിരീടം നേടാതിരിക്കുന്നതും ആരാധകർ കാണേണ്ടി വന്നു. ചാമ്പ്യൻസ് ലീഗ് സെമിയിൽ എത്തിയതു മാത്രമാണ് ബയേണ് ആശ്വാസമായി ഈ സീസണിൽ ഉണ്ടായിരുന്നത്.

2023 മാർച്ചിൽ ജൂലിയൻ നാഗെൽസ്മാനെ ബയേൺ പുറത്താക്കിയതിന് പിന്നാലെ ആയിരുന്നു ടൂക്കലിന്റെ നിയമനം വന്നത്. ബയേൺ പുതിയ പരിശീലനായി അന്വേഷണം തുടങ്ങിയിട്ട് മാസങ്ങൾ ആയെങ്കിലും ടുക്കലിന് ഒരു പകരക്കാരനെ അവർക്ക് ഇനിയും കണ്ടെത്താൻ ആയിട്ടില്ല.

2023-24 സീസൺ അവസാനത്തോടെ പരിശീലക സ്ഥാനം ഒഴിയാൻ തീരുമാനിച്ച തോമസ് ടുഷൽ അതിനു മുന്നെ തന്നെ പുറത്താകാൻ സാധ്യത. ചാമ്പ്യൻസ് ലീഗ് പ്രീക്വാർട്ടറിൽ ഈ വരുന്ന ആഴ്ച ബയേൺ ലാസിയോയെ മറികടന്നില്ല എങ്കിൽ ടുഷലിനെ ഉടൻ തന്നെ ബയേൺ പുറത്താകും. സ്കൈ സ്പോർട്സ് ആണ് ബയേൺ ടുഷലിനെ പെട്ടെന്ന് തന്നെ പുറത്താക്കാൻ ആലോചിക്കുന്നതായി റിപ്പോർട്ട് ചെയ്യുന്നത്.

‌

ബയേൺ ആദ്യ പാദത്തിൽ ലാസിയോയോട് 1-0ന് പരാജയപ്പെട്ടിരുന്നു. ബുണ്ടസ് ലീഗയിൽ ആകട്ടെ ബയേൺ ഒന്നാം സ്ഥാനത്ത് നിന്ന് 7 പോയിന്റ് അകലെയാണ്. ലെവർകൂസൻ കിരീടത്തിലേക്ക് അടുക്കുന്നത് ബയേൺ ആരാധകരെ വിഷമത്തിലാക്കുന്നത്.

2023 മാർച്ചിൽ ജൂലിയൻ നാഗെൽസ്മാനെ ബയേൺ പുറത്താക്കിയതിന് പിന്നാലെ ആയിരുന്നു ടൂഷലിന്റെ നിയമനം വന്നത്. ടൂഷലിനെ ഇപ്പോൾ പുറത്താക്കിയാൽ പകരം താൽക്കാലിക പരിശീലകനെ നിയമിക്കാൻ ആകും ബയേൺ പദ്ധതി

അടുത്ത സീസണ് മുന്നോടിയായി മാത്രമെ ബയേൺ പുതിയ ഒരു സ്ഥിര പരിശീലകനെ പ്രഖ്യാപിക്കുകയുള്ളൂ. ലെവർകൂസന്റെ പരിശീലകനായ സാബി അലോൺസോയെ ആണ് ബയേൺ അടുത്ത പരിശീലകനായി ലക്ഷ്യമിടുന്നത്‌

2023-24 സീസൺ അവസാനത്തോടെ തോമസ് ടുഷൽ ബയേൺ പരിശീലക സ്ഥാനം ഒഴിയും. ഇതു സംബന്ധിച്ച ഔദ്യോഗിക പ്രഖ്യാപനം ബയേൺ ഇന്ന് നടത്തി. ഈ സീസണിൽ കിരീട സാധ്യതയിൽ നിന്ന് അകലുന്ന ബയേണിന്റെ സമീപ കാലത്തെ പ്രകടനങ്ങൾ ഒട്ടും നല്ലതായിരുന്നില്ല. 2023 മാർച്ചിൽ ജൂലിയൻ നാഗെൽസ്മാനെ ബയേൺ പുറത്താക്കിയതിന് പിന്നാലെ ആയിരുന്നു ടൂഷലിന്റെ നിയമനം വന്നത്.

‌

ചാമ്പ്യൻസ് ലീഗിൻ്റെ പ്രീക്വാർട്ടറിൽ കഴിഞ്ഞ ദിവസം 1-0 തോൽവി ബയേൺ ഏറ്റു വാങ്ങിയിരുന്നു. അവസാന മൂന്ന് മത്സരങ്ങളിലും ബയേൺ തോറ്റിരുന്നു‌. ബുണ്ടസ് ലീഗയിൽ ബയർ ലെവർകൂസന് എട്ട് പോയിന്റ് പിറകിലാണ് ഇപ്പോൾ ബയേൺ ഉള്ളത്. അടുത്ത സീസണ് മുന്നോടിയായി ബയേൺ പുതിയ പരിശീലകനെ പ്രഖ്യാപിക്കും. ലെവർകൂസന്റെ പരിശീലകനായ സാബി അലോൺസോയെ ആണ് ബയേൺ പരിശീലകനായി ലക്ഷ്യമിടുന്നത്‌

ടൂഷൽ എത്തിയതു മുതൽ ബയേണിന്റെ ഫലങ്ങൾ വളരെ മോശം ആണ് എങ്കിലും പരിശീകനിൽ ബയേണ് പൂർണ്ണ വിശ്വാസം ആണ്. ടൂഷലിനെ നിയമിച്ചത് തെറ്റായിപ്പോയി എന്ന് തോന്നുന്നില്ല എന്ന് ബയേൺ പറയുന്നു. ഇതിനകം ചാമ്പ്യൻസ് ലീഗിൽ നിന്ന് പുറത്തായ ബയേൺ ഇന്നലെ മൈൻസിനോട് പരാജയപ്പെട്ടതോടെ ബുണ്ടസ് ലീഗയിൽ രണ്ടാം സ്ഥാനത്തേക്കും താഴ്ന്നു.

ഈ സീസണ ബുണ്ടസ് ലീഗ കിരീടത്തിലേക്ക് ബയേണെ നയിക്കാൻ ടൂഷലിന് ആകുമെന്ന് ബയേൺ വിശ്വസിക്കുന്നു. വരുന്ന സമ്മറിൽ വലിയ ട്രാൻസ്ഫറുകൾ നടത്തി ടീമിനെ നേർ ദിശയിലാക്കാൻ ബയേൺ ശ്രമിക്കും. ടൂഷൽ ആഗ്രഹിക്കുന്ന താരങ്ങളെ ബയേൺ സൈൻ ചെയ്യും. അടുത്ത സീസണിൽ ഒരു സ്ട്രൈക്കറെ സൈൻ ചെയ്യുക ആകും ബയേണിന്റെ പ്രധാന ലക്ഷ്യം. ലെവൻഡോസ്കി ക്ലബ് വിട്ടതിന്റെ വിടവ് മാറ്റിയാൽ മാത്രമേ ബയേണിൽ കാര്യങ്ങൾ ശരിയാകൂ എന്നാണ് മാനേജ്മെന്റ് വിശ്വസിക്കുന്നത്.

ബുധനാഴ്ച രാത്രി ബയേൺ മ്യൂണിക്ക് മാഞ്ചസ്റ്റർ സിറ്റിയെ തോൽപ്പിക്കാൻ കഴിയാതെ ചാമ്പ്യൻസ് ലീഗിൽ നിന്ന് പുറത്തായിരുന്നു. ഈ മത്സരം നിയന്ത്രിച്ച ഫ്രഞ്ച് റഫറി ക്ലെമന്റ് ടർപിനെതിരെ രൂക്ഷ വിമർശനവവുമായി ബയേൺ പരിശീലകൻ ടൂഷൽ രംഗത്ത്. ടൂഷലിന് ടർപിൻ മത്സരത്തിന് ഇടയിൽ ചുവപ്പ് കാർഡ് നൽകിയിരുന്നു‌‌ റഫറി രണ്ട് വിവാദ പെനാൾട്ടികളും ഇന്നലെ നൽകിയിരുന്നു‌.

ഇന്നലെ മത്സരം നിയന്ത്രിച്ച മൂന്ന് പേരും ഇംഗ്ലീഷ് ടീമിന് അനുകൂലമായാണ് പെരുമാറിയതെന്ന് ടൂഷൽ പറയുന്നു. “ഈ മൂന്നുപേർ കളി നിയന്ത്രിക്കുമ്പോൾ ഞങ്ങൾക്കെതിരെ ആയിരുന്നതിനാൽ മത്സരത്തിൽ ഞങ്ങൾക്ക് യാതൊരു അവസരവും ഉണ്ടായിരുന്നില്ല. അതൊരു സത്യമാണ്.”, മത്സര ശേഷമുള്ള വാർത്താ സമ്മേളനത്തിൽ ടൂഷൽ പറഞ്ഞു.

“ഞാൻ റഫറിക്ക് 1/10 റേറ്റിംഗ് നൽകും. അദ്ദേഹം അത്ര മോശമായിരുന്നു. ഈ തലത്തിൽ ഇത് അത്ഭുതമാണ്. എന്തിനും ഏതിനും റഫറി വിസിൽ മുഴക്കി. ആ വിസിലുകൾ എല്ലാം ഞങ്ങൾക്ക് എതിരായിരുന്നു.” ടൂഷൽ കൂട്ടിച്ചേർത്തു.

എഫ്‌സി ബയേൺ മ്യൂണിക്ക് അവരുടെ നിലവിലെ ഹെഡ് കോച്ച് ജൂലിയൻ നാഗെൽസ്‌മാനെ പുറത്താക്കുന്നത് പരിഗണിക്കുന്നതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. ഈ സീസണിൽ ക്ലബ് ഇപ്പോഴും ചാമ്പ്യൻസ് ലീഗിലും ബുണ്ടസ് ലീഗയിലും ഇരിക്കെ ആണ് ഇങ്ങനെ ഒരു ഞെട്ടിക്കുന്ന വാർത്ത വരുന്നത്. അടുത്തിടെ ബയേൺ പ്രീക്വാർട്ടറിൽ പി എസ് ജിയെ പരാജയപ്പെടുത്തി ക്വാർട്ടർ ഉറപ്പിച്ചിരുന്നു. ബുണ്ടസ് ലീഗയിൽ അവർ പക്ഷെ ഇപ്പോൾ രണ്ടാം സ്ഥാനത്താണ്.

യുവ പരിശീലകൻ ആണെങ്കിലും നാഗൽസ്മാന് ഇനിയും അവസരം വേണ്ട എന്നാണ് ബയേൺ ആലോചിക്കുന്നത്‌. മുൻ ചെൽസി പരിശീലകൻ തോമസ് ടൂഷലാണ് ബയേൺ മ്യൂണിക്കിൽ നാഗൽസ്‌മാന് പകരക്കാരനാവുക എന്നും ഫബ്രിസിയോ റൊമാനോ റിപ്പോർട്ട് ചെയ്യുന്നു. ചെൽസി ഉടമകളുമായി തെറ്റി ക്ലബു വിട്ട ടൂഷൽ പിന്നെ ചുമതകലകൾ ഒന്നും ഏറ്റിരുന്നില്ല. ടൂഷൽ റയൽ മാഡ്രിഡ് പരിശീലകനായി അടുത്ത സീസണിൽ എത്തും എന്ന അഭ്യൂഹങ്ങൾ നേരത്തെ ഉയർന്നിരുന്നു. എന്തായാലും ഈ വാർത്ത ഫുട്ബോൾ ലോകത്തെ ഞെട്ടിച്ചിട്ടുണ്ട്. മുമ്പ് ബയേണിന്റെ വൈരികളായ ഡോർട്മുണ്ടിനെ ടൂഷൽ പരിശീലിപ്പിച്ചിട്ടുണ്ട്.