Tag: Thiago Silva

ചെൽസിക്ക് അനുകൂലമായി കാര്യങ്ങൾ ഒന്നും നടക്കുന്നില്ല. അവരുടെ ഡിഫൻഡർ തിയാഗോ സിൽവയുടെ കാൽമുട്ടിൽ ലിഗമെന്റിന പരിക്കേറ്റതായി ചെൽസി ഫുട്ബോൾ ക്ലബ് അറിയിച്ചിരിക്കുകയാണ്. ക്ലബിന് ഈ വാർത്ത വലിയ തിരിച്ചടിയാണ്. ഫെബ്രുവരി 26-ന് ടോട്ടൻഹാം ഹോട്സ്പറിനെതിരായ ചെൽസിയുടെ പ്രീമിയർ ലീഗ് മത്സരത്തിനിടെ ആയിരുന്നു ബ്രസീലിയൻ സെന്റർ ബാക്കിന് പരിക്കേറ്റത്. പരിക്ക് താരത്തെ 6 ആഴ്ച എങ്കിലും ചുരുങ്ങിയത് പുറത്ത് ഇരുത്തിയേക്കും.

ഈ സീസണിൽ അവരുടെ മികച്ച കളിക്കാരുൽ ഒരാളാണ് സിൽവ. 38-കാരൻ അടുത്തിടെ ക്ലബ്ബുമായി ഒരു വർഷത്തെ പുതിയ കരാർ ഒപ്പുവെച്ചിരുന്നു. ബൊറൂസിയ ഡോർട്ട്മുണ്ടിനെതിരെ ചെൽസിയുടെ വരാനിരിക്കുന്ന യുവേഫ ചാമ്പ്യൻസ് ലീഗ് റൗണ്ട് 16 രണ്ടാം പാദം ഉൾപ്പെടെ പ്രധാന മത്സരങ്ങൾ സിൽവയ്ക്ക് നഷ്ടമാകും. ഇപ്പോൾ തന്നെ പ്രതിസന്ധിയിൽ ഉള്ള ചെൽസിക്ക് സിൽവയുടെ അഭാവത്തിൽ കാര്യങ്ങൾ ഒട്ടും എളുപ്പമാകില്ല.

ബ്രസീലിയൻ സെന്റർ ബാക്ക് തിയാഗോ സിൽവയുടെ കരാർ ചെൽസി ഉടൻ പുതുക്കും. കരാർ നീട്ടാനുള്ള ചർച്ചകൾ നടക്കുകയാണ് എന്നും ചെൽസിയിൽ തുടരാൻ ആണ് താൻ ആഗ്രഹിക്കുന്നത് എന്നും തിയാഗോ സിൽവ പറഞ്ഞു. ക്ലബിന്റെ റീബിൽഡിൽ താനും ഒപ്പം വേണമെന്ന് ക്ലബ് ആഗ്രഹിക്കുന്നുണ്ട് എന്നും തിയാഗോ സിൽവ പറഞ്ഞു.

താരം ഒരു വർഷത്തേക്ക് കരാർ പുതുക്കും എന്നാണ് പ്രതീക്ഷ. ഈ സീസൺ അവസാനം വരെയുള്ള കരാർ ആണ് ഇപ്പോൾ തിയാഗോ സിൽവക്ക് ചെൽസിയിൽ ഉള്ളത്. 2020ലെ സമ്മറിൽ ആയിരുന്നു സിൽവ പി എസ് ജി വിട്ട് ചെൽസിയിൽ എത്തിയത്. അന്ന് മുതൽ ചെൽസി ഡിഫൻസിലെ പ്രധാനിയാണ് തിയാഗോ സിൽവ. 38ആം വയസ്സിലും ലോക നിലവാരത്തിലാണ് ബ്രസീലിയൻ താരം കളിക്കുന്നത്.

ചെൽസിയിൽ പുതുതായി എത്തിയ വെറ്ററൻ താരം തിയാഗോ സിൽവയുടെ അനുഭവ സമ്പത്ത് ചെൽസിക്ക് ഗുണം ചെയ്യുമെന്ന് പരിശീലകൻ ഫ്രാങ്ക് ലമ്പാർഡ്. സിൽവ ചെൽസി നിരയുടെ അനുഭവസമ്പത്ത് വർദ്ധിപ്പിക്കുമെന്നും താരം ഇപ്പോഴും വളരെ ഉയർന്ന തലത്തിലാണ് കളിക്കുന്നതെന്നും ലമ്പാർഡ് പറഞ്ഞു. ചാമ്പ്യൻസ് ലീഗ് ഫൈനലിൽ കളിച്ചതിന് ശേഷമാണ് തിയാഗോ സിൽവ ഫ്രീ ട്രാൻസ്ഫറിൽ ഇംഗ്ലീഷ് പ്രീമിയർ ലീഗ് ക്ലബായ ചെൽസിയിൽ എത്തിയത്.

ചാമ്പ്യൻസ് ലീഗ് ഫൈനലിലും അതിനും മുൻപ് മികച്ച മത്സരങ്ങളിൽ കളിച്ച പരിചയം ലമ്പാർഡ് ഓർമ്മിപ്പിക്കുകയും ചെയ്തു. തിയാഗോ സിൽവ തന്റെ അനുഭവം സമ്പത്തും നേതൃപാടവവും ചെൽസിയിലേക്ക് കൊണ്ടുവരുമെന്നാണ് തന്റെ പ്രതീക്ഷയെന്നും ചെൽസി പരിശീലകൻ കൂട്ടിച്ചേർത്തു. അത് കൊണ്ട് തന്നെ താരത്തിന്റെ വരവ് ചെൽസിക്ക് വളരെ പ്രാധാന്യം ഉള്ളതാണെന്നും ലമ്പാർഡ് പറഞ്ഞു.