അടുത്തിടെ വിരമിച്ച മുൻ ലിവർപൂൾ, എഫ്സി ബാഴ്സലോണ മിഡ്ഫീൽഡർ തിയാഗോ അൽകൻ്റാര ബാഴ്സലോണ കോച്ചിംഗ് സ്റ്റാഫിൽ ചേർന്നു. ഹെഡ് കോച്ച് ഹാൻസി ഫ്ലിക്കിനൊപ്പം താരം കോച്ചായി പ്രവർത്തിക്കുമെന്ന് ക്ലബ് പ്രഖ്യാപിച്ചു. കഴിഞ്ഞ ആഴ്ച ആയിരുന്നു തിയാഗോ പ്രൊഫഷണൽ ഫുട്ബോളിൽ നിന്ന് വിരമിക്കൽ പ്രഖ്യാപിച്ചത്. ഈ പ്രീസീസൺ മുഴുവൻ അദ്ദേഹം ബാഴ്സ കോച്ചിങ് ടീമിനൊപ്പം ഉണ്ടാകും. അതിനു ശേഷം താരം തുടരുമോ എന്നത് പിന്നീട് തീരുമാനിക്കും
തിയാഗോ അൽകാൻ്റാര മുമ്പ് തന്റെ 14-ാം വയസ്സ് മുതൽ എഫ്സി ബാഴ്സലോണയിൽ ഉണ്ടായിരുന്നു. 2009-ൽ ബാഴ്സക്കായി തൻ്റെ അരങ്ങേറ്റം കുറിക്കുകയും ചെയ്തു. ബാഴ്സലോണയിൽ ഉണ്ടായിരുന്ന കാലത്ത്, നാല് ലാലിഗ കിരീടങ്ങൾ, യുവേഫ ചാമ്പ്യൻസ് ലീഗ്, ഫിഫ ക്ലബ് ലോകകപ്പ് എന്നിവയുൾപ്പെടെ നിരവധി ബഹുമതികൾ അദ്ദേഹം നേടി.
2013-ൽ ആണ് ബാഴ്സ വിട്ട് ബയേൺ മ്യൂണിക്കിലേക്കും പിന്നീട് ലിവർപൂളിലേക്കും വന്നത്