Tag: The Ashes

ആഷസ് ടെസ്റ്റിന്റെ രണ്ടാം ദിനം ഇംഗ്ലണ്ട് ബാറ്റിംഗ് തകരുന്നു. ഇംഗ്ലണ്ട് ലഞ്ചിന് പിരിയുമ്പോൾ 142-7 എന്ന നിലയിലാണ്. 27 റൺസുമായി ക്യാപ്റ്റൻ സ്റ്റോക്സ് ആണ് ക്രീസിൽ ഉള്ളത്. ഇപ്പോഴും ഇംഗ്ലണ്ട് ഓസ്ട്രേലിയക്ക് 121 റൺസ് പിറകിലാണ്. ഓസ്ട്രേലിയക്ക് വേണ്ടി കമ്മിൻസ് നാലു വിക്കറ്റും സ്റ്റാർ 2 വിക്കറ്റും മാർഷ് ഒരു വിക്കറ്റും നേടി.

19 റൺസ് എടുത്ത റൂട്, 12 റൺസ് എടുത്ത ബെയർസ്റ്റോ, 21 റൺസ് എടുത്ത മൊയീൻ അലി, 10 റൺസ് എടുത്ത വോക്സ് എന്നിവർ ഇന്ന് കൂടാരം കയറി. ഓസ്ട്രേലിയ ആദ്യ ഇന്നിങ്സ് ലീഡ് നേടും എന്നാണ് കളിയുടെ ഗതി നൽകുന്ന സൂചന. ഇന്നലെ ഓസ്ട്രേലിയ അവരുടെ ആദ്യ ഇന്നിംഗ്സിൽ 263 റൺസ് നേടിയിരുന്നു.

മൂന്നാം ആഷസ് ടെസ്റ്റിന്റെ ആദ്യ ദിനം അവസാനിക്കുമ്പോൾ ഇംഗ്ലണ്ട് 68-3 എന്ന നിലയിൽ. ഇപ്പോൾ അവർ ഓസ്ട്രേലിയക്ക് 195 റൺസ് പിറകിലാണ്. 33 റൺസ് എടുത്ത സാക് ക്രോലി, 2 റൺ മാത്രം എടുത്ത ഡക്കറ്റ്, 3 റൺ എടുത്ത ഹാരി ബ്രൂക് എന്നിവരുടെ വിക്കറ്റ് ആണ് ഇംഗ്ലണ്ടിന് നഷ്ടമായത്. 19 റൺസ് എടുത്ത് റൂട്ടും 1 റൺ എടുത്ത് ബെയർസ്റ്റോയും ആണ് ക്രീസിൽ ഉള്ളത്. കമ്മിൻസ് ഓസ്ട്രേലിയക്ക് ആയി രണ്ട് വിക്കറ്റും മാർഷ് ഒരു വിക്കറ്റും വീഴ്ത്തി.

‌

ഓസ്ട്രേലിയ നേരത്തെ മൂന്നാം സെഷനിന്റെ തുടക്കത്തിൽ തകർന്നടിഞ്ഞിരുന്നു. അവർ 263 റൺസിന് ആണ് ഓളൗട്ട് ആയത്. രണ്ടാം സെഷൻ അവസാനിക്കുമ്പോൾ അവർ 240/5 എന്ന നിലയിൽ ആയിരുന്ന ഓസ്ട്രേലിയ ചായക്ക് ശേഷം 23 റൺസുകൾ ചേർക്കുന്നതിനിടയിൽ ഓളൗട്ട് ആയി. സ്റ്റാർക്ക്, കമ്മിൻസ്, കാരി, മർഫി എന്നിവരെ പെട്ടെന്ന് തന്നെ കൂടാരത്തിലേക്ക് മടക്കി മാർക് വൂഡും, 39 റൺസ് എടുത്ത ഹെഡിനെ പവലനിയിലേക്ക് മടക്കി അയച്ച വോക്സും ആണ് ഇംഗ്ലണ്ടിന് കാര്യങ്ങൾ എളുപ്പമാക്കി കൊടുത്തത്.

മാർക് വൂഡ് അഞ്ച് വിക്കറ്റ് എടുത്തപ്പോൾ വോക്സ് മൂന്നും ബ്രോഡ് രണ്ടും വിക്കറ്റ് വീഴ്ത്തി. ഇന്ന് ആദ്യ സെഷനിൽ തുടക്കത്തിൽ അവർ 85-4 എന്ന നിലയിൽ ആയിരുന്നു ഓസ്ട്രേലിയ. അവിടെ നിന്ന് ട്രാവിസ് ഹെഡും മികച്ച മാർഷും ചേർന്നാണ് ഓസ്ട്രേലിയയെ കരകയറ്റിയത്.

118 പന്തിൽ നിന്ന് 118 എടുത്ത മികച്ച മാർഷ് തന്നെയാണ് ഓസ്ട്രേലിയയുടെ പൊരുതൽ മുന്നിൽ നിന്ന് നയിച്ചത്. 4 സിക്സുകൾ അടങ്ങിയതായിരുന്നു അദ്ദേഹത്തിന്റെ ഇന്നിംഗ്സ്. ചായക്ക് പിരിയുന്നതിന് തൊട്ടു മുന്നെയാണ് മാർഷ് പുറത്തായത്.

ഇന്ന് ആദ്യം ബൗൾ ചെയ്യാൻ തിരഞ്ഞെടുത്ത ഇംഗ്ലണ്ടിന്റെ ബൗളർമാർ അവരുടെ പദ്ധതികൾ ഉജ്ജ്വലമായാണ് തുടക്കത്തിൽ നടപ്പിലാക്കി, സ്റ്റുവർട്ട് ബ്രോഡ് രണ്ട് നിർണായക വിക്കറ്റുകൾ നേടി. ഡേവിഡ് വാർണറും (4) സ്റ്റീവ് സ്മിത്തും (22) ആണ് ബ്രോഡിന് മുന്നിൽ വീണത്.

ഉസ്മാൻ ഖവാജ 13 റൺസ് എടുത്ത് നിൽക്കെ വുഡിന്റെ പന്തിൽ ബൗൾഡ് ആയി. മർനസ് ലബുഷാഗ്‌നെ 21 റൺസ് എടുത്ത് നിൽക്കെ വോക്സിനും വിക്കറ്റ് നൽകി. പരമ്പരയിൽ ഇപ്പോൾ ഓസ്ട്രേലിയ 2-0ന് മുന്നിലാണ്.

ജൂലൈ 6 വ്യാഴാഴ്ച മുതൽ ലീഡ്‌സിലെ ഹെഡിംഗ്‌ലിയിൽ നടക്കുന്ന മൂന്നാം ആഷസ് ടെസ്റ്റിനുള്ള ടീമിനെ ഇംഗ്ലണ്ട് പ്രഖ്യാപിച്ചു. ലോർഡ്‌സ്, എഡ്‌ബാസ്റ്റൺ ടെസ്റ്റുകൾക്കുള്ള ടീമിൽ ഉണ്ടായിരുന്നിട്ടും കളി ലഭിക്കാതിരുന്ന ഫാസ്റ്റ് ബൗളർ മാത്യു പോട്ട്‌സിനെ ആതിഥേയർ ഒഴിവാക്കി.

പരിക്കേറ്റ മൊയീൻ അലിക്ക് പകരം കൊണ്ടുവന്ന രെഹാൻ അഹമ്മദിനെയും സ്ക്വാഡിൽ നിന്ന് ഒഴിവാക്കി. ഇതോടെ ഇംഗ്ലണ്ടിന് ജോ റൂട്ട് മാത്രമായി സ്ക്വാഡിലെ സ്പിൻ ബൗളിംഗ് ഓപ്ഷൻ.

England squad for third Ashes Tests
Ben Stokes (captain), James Anderson, Jonny Bairstow, Stuart Broad, Harry Brook, Zak Crawley, Ben Duckett, Dan Lawrence, Moeen Ali, Ollie Pope, Ollie Robinson, Joe Root, Josh Tongue, Chris Woakes, Mark Wood

ഞായറാഴ്ച ലോർഡ്സിൽ ഇംഗ്ലണ്ടും ഓസ്ട്രേലിയയും തമ്മിലുള്ള രണ്ടാം ആഷസ് ടെസ്റ്റിനിടെ ജോണി ബെയർസ്റ്റോയുടെ വിവാദ റണ്ണൗട്ടിനെ കുറിച്ച് മുൻ ഇന്ത്യൻ ക്രിക്കറ്റ് ടീം ഓപ്പണർ ഗൗതം ഗംഭീർ പ്രതികരിച്ചു. ഇന്ത്യയെ സ്പിരിറ്റ് ഓഫ് ഗെയിം പറഞ്ഞു പലപ്പോഴും വിമർശിക്കുന്നവർക്ക് ഇപ്പോൾ സ്പിരിറ്റ് ഓഫ് ഗെയിം പ്രശ്നമേ അല്ലേ എന്ന് ഗംഭീർ ചോദിച്ചു. ബെയർസ്റ്റോയുടെ റണ്ണൗട്ട് വലിയ വിവാദമായി മാറിയിരുന്നു‌.

“ഹേ സ്ലെഡ്ജർമാരേ.. ക്രിക്കറ്റിലെ സ്പിരിറ്റ് ഓഫ് ഗെയിം നിങ്ങൾക്ക് ബാധകമാണോ അതോ ഇന്ത്യക്കാർക്ക് മാത്രമാണോ?,” അദ്ദേഹം ട്വിറ്ററിൽ കുറിച്ചു. ഓസ്ട്രേലിയയുടെ ഇന്നലെത്തെ വിജയത്തിൽ ബെയർസ്റ്റോയുടെ വിക്കറ്റ് ഏറെ പ്രധാനമുള്ളതായിരുന്നു‌.

ലോർഡ്‌സിലെ രണ്ടാം ആഷസ് ടെസ്റ്റിന്റെ അഞ്ചാം ദിവസത്തെ ആദ്യ സെഷനിൽ ആയിരുന്നു വിവാദമായ ഔട്ട് ഉണ്ടായത്. ഓസ്‌ട്രേലിയയുടെ വിക്കറ്റ് കീപ്പർ അലക്‌സ് കാരിയുടെ ബെയർസ്റ്റോ റണ്ണൗട്ടാക്കുക അയിരുന്നു. ഇംഗ്ലണ്ടിന്റെ ഇന്നിംഗ്‌സിന്റെ 52-ാം ഓവറിനിടെയാണ് സംഭവം നടന്നത്.

പന്ത് ലീവ് ചെയ്ത ബെയർസ്റ്റോ പന്ത് ഡെഡ് ആയി എന്ന നിഗമനത്തിൽ ക്രീസിന് പുറത്തേക്ക് നടക്കുക ആയിരുന്നു‌. ഈ സമയത്ത് കാരി ബെയർസ്റ്റോയെ റൺ ഔട്ട് ആക്കുക ആയിരുന്നു. ഈ വിക്കറ്റ് ഇംഗ്ലണ്ടിന് വലിയ തിരിച്ചടിയുമായി

എഡ്ജ്ബാസ്റ്റണിൽ നടന്ന ആവേശകരമായ മത്സരത്തിൽ ഓസ്ട്രേലിയയോട് രണ്ട് വിക്കറ്റ് തോൽവി ഏറ്റുവാങ്ങിയ ഇംഗ്ലണ്ട് ബൗളർ ആൻഡേഴ്സൺ എതിരാളികളെ പ്രശംസിച്ചു. തങ്ങൾക്ക് മുന്നിൽ അവർ ഏറെ മികച്ചവരായിരുന്നു എന്ന് ഇംഗ്ലണ്ട് ഫാസ്റ്റ് ബൗളർ ജെയിംസ് ആൻഡേഴ്സൺ പറഞ്ഞു. അഞ്ചാം ദിനം 27 പന്തും രണ്ട് വിക്കറ്റും ശേഷിക്കെ ഓസ്‌ട്രേലിയ 174 റൺസ് പിന്തുടർന്നു.

“ഞങ്ങൾ റിസ്ക് എടുക്കാൻ ധൈര്യപ്പെടുന്നു, എന്നാൽ അടുത്ത കുറച്ച് ദിവസങ്ങളിൽ ഞങ്ങൾ ചെയ്ത കാര്യങ്ങളെക്കുറിച്ച് തിരിഞ്ഞുനോക്കുമ്പോൾ ഞങ്ങൾക്ക് ഈ പ്രകടനത്തിൽ ശരിക്കും അഭിമാനിക്കാം. ആദ്യ പന്ത് മുതൽ ആധിപത്യം സ്ഥാപിക്കാൻ ഞങ്ങൾ ശ്രമിച്ചു. എന്നാൽ ഓസ്‌ട്രേലിയ ഈ വിജയത്തിൽ ക്രെഡിറ്റ് അർഹിക്കുന്നു” ആൻഡേഴ്സൺ പറഞ്ഞു.

“നമുക്ക് മെച്ചപ്പെടുത്താൻ കഴിയുന്ന മേഖലകളുണ്ട്. ഞങ്ങളുടെ പ്രകടനത്തിൽ ചില പ്രശ്നങ്ങൾ ഉണ്ട്. ഞങ്ങൾ അത് ഉൾക്കൊള്ളാൻ അനുവദിക്കും, നിരാശയിൽ നിന്ന് കരകയറുകയും പോസിറ്റീവുകൾ നോക്കുകയും ചെയ്യും,” ആൻഡേഴ്സൺ കൂട്ടിച്ചേർത്തു

“അഞ്ചു ദിവസങ്ങളും മികച്ചതായിരുന്നു. കളി കണ്ട എല്ലാവർക്കും സന്തോഷത്തോടെ വീട്ടിലേക്ക് പോകാം. രണ്ട് ടീമിനും തങ്ങൾ മികച്ച ടെസ്റ്റ് മത്സരങ്ങളിലൊന്നിന്റെ ഭാഗമായി എന്ന് അഭിമാനത്തോടെ പറയാം”ആൻഡേഴ്സൺ പറഞ്ഞു.