ടിപിഎലില് കോഗ്നബിനെതിരെ 12 റണ്സ് വിജയം കരസ്ഥമാക്കി ടെക് വാരിയേഴ്സ്. ഇന്ന് നടന്ന മത്സരത്തില് ആദ്യം ബാറ്റ് ചെയ്ത ടെക് വാരിയേഴ്സ് 83 റണ്സാണ് 5 വിക്കറ്റ് നഷ്ടത്തില് നേടിയത്. 10 പന്തില് 23 റണ്സ് നേടിയ സെല്വ ഗണേഷിനൊപ്പം അരുണ് രാജ്(9 പന്തില് പുറത്താകാതെ 17), രാഹുല് രാജഗോപാല്(13) എന്നിവര് തിളങ്ങിയപ്പോളാണ് വാരിയേഴ്സിന് മികച്ച സ്കോര് നേടാനായത്. കോഗ്നബിന് വേണ്ടി ചന്ദ്രബോസ് 2 വിക്കറ്റ് നേടി.
മറുപടി ബാറ്റിംഗിനിറങ്ങിയ കോഗ്നബിന് 5 വിക്കറ്റ് നഷ്ടത്തില് 71 റണ്സേ നേടാനായുള്ളു. വിവേക് എം വിജയ്(20) ടോപ് സ്കോറര് ആയപ്പോള് ബിജിന്(14), ബിന്ഷാദ്(13) എന്നിവരാണ് ടീമിനായി പൊരുതി നോക്കിയത്.