ഐപിഎലില് ഇന്നലെ ചെന്നൈ – ഗുജറാത്ത് മത്സരത്തിൽ പ്ലേയര് ഓഫ് ദി മാച്ച് ആയത് ശിവം ഡുബേ ആയിരുന്നു. 23 പന്തിൽ നിന്ന് താരം നേടിയ 51 റൺസിന്റെ പ്രകടനത്തിന് പ്ലേയര് ഓഫ് ദി മാച്ച് പുരസ്കാരം ലഭിച്ച ശേഷം സംസാരിക്കുമ്പോള് താരം ചെന്നൈ സൂപ്പര് കിംഗ്സിനെ വിശേഷിപ്പിച്ചത് മറ്റെല്ലാ ഫ്രാഞ്ചൈസികളിൽ നിന്നും വിഭിന്നമായ ഫ്രാഞ്ചൈസി ആണെന്നാണ്.
തനിക്ക് ഇത്രയും സ്വാതന്ത്ര്യം തരുന്ന ഫ്രാഞ്ചൈസിയ്ക്ക് വേണ്ടി ഏതാനും മത്സരങ്ങള് വിജയിക്കണമെന്ന് ആഗ്രഹം ഉണ്ടെന്നും അത് സാധ്യമായതിൽ സന്തോഷമുണ്ടെന്നും താരം കൂട്ടിചേര്ത്തു. തനിക്കെതിരെ ഷോട്ട് ബോളുകള് പരീക്ഷിക്കുമെന്ന് അറിയാമായിരുന്നുവെന്നും അതിനുള്ള തയ്യാറെടുപ്പുകള് നടത്തിയിരുന്നുവെന്നും ടീം മാനേജ്മെന്റ് തന്നോട് ഉയര്ന്ന സ്ട്രൈക്ക് റേറ്റിൽ ബാറ്റ് വീശണം എന്ന ആവശ്യമാണ് അറിയിച്ചിട്ടുള്ളതെന്നും ശിവം ഡുബേ വ്യക്തമാക്കി.
