Tag: Tamim Iqbal

തന്റെ അന്താരാഷ്ട്ര കരിയര്‍ ദൈര്‍ഘിപ്പിക്കുന്നതിന് വേണ്ടി ഒരു ഫോര്‍മാറ്റില്‍ നിന്ന് വിരമിക്കല്‍ താന്‍ പ്രഖ്യാപിക്കുന്നത് ആലോചിക്കുന്നുണ്ടെന്ന് പറഞ്ഞ് ബംഗ്ലാദേശ് ഓപ്പണര്‍ തമീം ഇക്ബാല്‍. നിലവില്‍ താന്‍ ടി20 ലോകകപ്പില്‍ സജീവമായി പങ്കെടുക്കുന്നത് പരിഗണിക്കുന്നുണ്ടെന്നും താരം പറഞ്ഞു.

വ്യക്തിപരമായ കാരണങ്ങളാല്‍ തമീം ന്യൂസിലാണ്ടിനെതിരെയുള്ള ടി20 പരമ്പരയില്‍ നിന്ന് വിട്ട് നില്‍ക്കുവാന്‍ തീരുമാനിച്ചിരുന്നു. അതിനാല്‍ തന്നെ താരം ഈ ഫോര്‍മാറ്റില്‍ നിന്നാവും വിരമിക്കുക എന്നാണ് ഏവരും കരുതുന്നതെങ്കിലും ടി20 ലോകകപ്പ് തന്റെ പ്രധാന അജണ്ടയായി തന്നെയുണ്ടെന്ന് തമീം വ്യക്തമാക്കി.

ലോകകപ്പിന് ശേഷം ടി20 ഫോര്‍മാറ്റില്‍ നിന്ന് താരം വിരമിക്കുമോ എന്നതാണ് കാത്തിരുന്നു കാണേണ്ട കാര്യം. തനിക്ക് ഏത് ഫോര്‍മാറ്റില്‍ നിന്നാണ് താന്‍ വിരമിക്കേണ്ടതെന്ന വ്യക്തമായ ധാരണയുണ്ടെന്നും തമീം വ്യക്തമാക്കി. തനിക്ക് 36 അല്ലെങ്കില്‍ 37 വയസ്സായിട്ടില്ലെന്നും ആറ് മാസത്തിനപ്പുറമുള്ള ലോകകപ്പ് തനിക്ക് പങ്കെടുക്കാവുന്ന ഒന്ന് തന്നെയാണെന്നും തമീം സൂചിപ്പിച്ചു.

തന്റെ കരിയര്‍ ആറ് വര്‍ഷം ദൈര്‍ഘിപ്പിക്കണമെങ്കില്‍ തനിക്ക് മൂന്ന് ഫോര്‍മാറ്റും കളിച്ചുകൊണ്ട് അത് സാധ്യമാകില്ലെന്നും താരം പറഞ്ഞു.

ന്യൂസിലാണ്ടിനെതിരെ മൂന്നാം ടി20യില്‍ കനത്ത പരാജയം ആണ് ബംഗ്ലാദേശ് ഏറ്റു വാങ്ങിയത്. രണ്ടാം ഏകദിനത്തില്‍ ബാറ്റിംഗ് മികവ് പുലര്‍ത്തിയെങ്കില്‍ ഇത്തവ ബാറ്റിംഗും ബൗളിംഗുമെല്ലാം പിന്നില്‍ പോകുന്ന കാഴ്ചയാണ് കണ്ടത്. ബംഗ്ലാദേശ് ടീമെന്ന നിലയില്‍ അമ്പേ പരാജയം ആയിരുന്നുവെന്നാണ് ക്യാപ്റ്റന്‍ തമീം ഇക്ബാല്‍ അഭിപ്രായപ്പെട്ടത്. ഇത്തരത്തിലാണ് ടീമിന്റെ പ്രകടനമെങ്കില്‍ ബംഗ്ലാദേശ് എവിടെയും എത്തില്ലെന്ന് തമീം ഇക്ബാല്‍ പറഞ്ഞു.

മത്സരത്തില്‍ ന്യൂസിലാണ്ട് 57/3 എന്ന നിലയിലും 120/4 എന്ന നിലയിലും പ്രതിരോധത്തിലായെങ്കിലും ഡെവണ്‍ കോണ്‍വേ – ഡാരില്‍ മിച്ചല്‍ കൂട്ടുകെട്ട് 159 റണ്‍സ് അഞ്ചാം വിക്കറ്റില്‍ നേടി മത്സരം മാറ്റി മറിയ്ക്കുകയായിരുന്നു. ബാറ്റിംഗില്‍ ബംഗ്ലാദേശ് 154 റണ്‍സിന് തകര്‍ന്നടിയുകയായിരുന്നു. ബംഗ്ലാദേശ് ഈ ഫലം സൂചിപ്പിക്കുന്നതിലും മികച്ച ടീമാണെങ്കിലും ഇത്തരത്തിലാണ് തുടര്‍ന്നും കളിക്കുന്നതെങ്കില്‍ ടീമിന് വലിയ പ്രതീക്ഷ പുലര്‍ത്തുവാനാകില്ലെന്നും ഇക്ബാല്‍ പറഞ്ഞു.

ആദ്യ ഏകദിനത്തിലെ ദയനീയമായ ബാറ്റിംഗ് പരാജയത്തെ പഴി പറഞ്ഞ് ബംഗ്ലാദേശ് നായകന്‍ തമീം ഇക്ബാല്‍. ബൗളര്‍മാര്‍ക്ക് പ്രതിരോധിക്കുവാന്‍ കഴിയുന്ന എന്തെങ്കിലും സ്കോര്‍ നേടുവാന്‍ ബാറ്റ്സ്മാന്മാര്‍ തയ്യാറാകണം എന്നാണ് തമീം പറഞ്ഞത്. ന്യൂസിലാണ്ടിനെതിരെ ആദ്യ ഏകദിനത്തില്‍ 131 റണ്‍സിനാണ് ബംഗ്ലാദേശ് ഓള്‍ഔട്ട് ആയത്. തയ്യാറെടുപ്പുകളെക്കുറിച്ചുള്ള ഒഴിവുകഴിവുകള്‍ പാടില്ലെന്നാണ് തമീം പറഞ്ഞത്. ക്വാറന്റീന്‍ കാലത്തും ആവശ്യത്തിന് പരിശീലനം ടീം നടത്തിയെന്നും ന്യൂസിലാണ്ടിലെത്തിയ ശേഷം ക്യൂന്‍സ്‍ലാന്‍ഡിലും ഡൂനേഡിനിലും ടീമിന് പരിശീലനം നടത്താനായെന്നും അതിനാല്‍ തന്നെ പരിശീലനിമില്ലാത്തത് അല്ല തോല്‍വിയുടെ കാരണമെന്നും തമീം വ്യക്തമാക്കി.

തനിക്ക് ബംഗ്ലാദേശ് ബാറ്റിംഗിനെക്കുറിച്ച് കൂടുതല്‍ പ്രതീക്ഷയുണ്ടെന്നും പ്രയാസകരമായ ബാറ്റിംഗ് സാഹചര്യത്തില്‍ പോലും ടീം 131 ന് ഓള്‍ഔട്ട് ആകുവാന്‍ പാടുള്ളതല്ലെന്ന് താരം പറഞ്ഞു. 4-5 പുറത്താകലുകള്‍ സോഫ്ട് ആയിരുന്നുവെന്നും ഷോട്ട് സെലക്ഷനുകളിലെ പാളിച്ചകളാണ് ടീമിന് തിരിച്ചടിയായതെന്നും തമീം പറഞ്ഞു. ഈ തെറ്റില്‍ നിന്ന് പാഠം ഉള്‍ക്കൊണ്ട് 260-270 സ്കോര്‍ നേടുവാനായാല്‍ മത്സരത്തിലെ ഫലം വ്യത്യസ്തമാകുമെന്നും തമീം പറഞ്ഞു.