Tag: Tamim Iqbal

നേപ്പാളിലെ എവറസ്റ്റ് പ്രീമിയര്‍ ലീഗില്‍ കളിക്കാനായി തമീം ഇക്ബാല്‍ എത്തുന്നു. താരത്തിന് കളിക്കുവാനുള്ള അനുമതി ബോര്‍ഡ് നൽകുകയായിരുന്നു. തമീം ഇക്ബാൽ ബംഗ്ലാദേശിന്റെ കഴിഞ്ഞ മൂന്ന് ടി20 പരമ്പരകളിൽ പരിക്ക് മൂലം കളിച്ചിരുന്നില്ല. താരത്തിന്റെ ക്രിക്കറ്റിലേക്കുള്ള മടങ്ങിവരവ് കൂടിയാകും ഇത്. ഈ പരിക്ക് കാരണം തമീം ബംഗ്ലാദേശിന്റെ ടി20 ലോകകപ്പിനുള്ള ടീമിൽ നിന്നും പിന്മാറിയിരുന്നു.

സെപ്റ്റംബര്‍ 25 മുതൽ ഒക്ടോബര്‍ 9 വരെയാണ് ടൂര്‍ണ്ണമെന്റ്. തമീം ആദ്യം എവറസ്റ്റ് പ്രീമിയര്‍ ലീഗ് കളിച്ച് ടി20 ലോകകപ്പിനുള്ള തയ്യാറെടുപ്പുകള്‍ നടത്തുമെന്നാണ് കരുതിയതെങ്കിലും അവസാനം ലോകകപ്പിൽ നിന്ന് പിന്മാറുവാന്‍ തീരുമാനിക്കുകയായിരുന്നു. ടൂര്‍ണ്ണമെന്റിൽ ഭൈരാഹ്വ ഗ്ലാഡിയേറ്റേഴ്സിന് വേണ്ടിയാണ് തമീം കളിക്കുക.

ഇന്നലെ ശതകത്തോട് കൂടി ബംഗ്ലാദേശിനെ മൂന്നാം ടി20യിൽ വിജയത്തിലേക്ക് നയിച്ചുവെങ്കിലും ക്യാപ്റ്റന്‍ തമീം ഇക്ബാല്‍ സിംബാബ്‍വേയ്ക്കെതിരെയുള്ള ടി20 പരമ്പരയിൽ കളിക്കില്ല. തന്നെ ഏറെ കാലമായി അലട്ടുന്ന കാല്‍മുട്ടിലെ പരിക്കാണ് താരത്തിനെ ഈ തീരുമാനത്തിലേക്ക് എത്തിച്ചിരിക്കുന്നത്.

തമീമിന് എട്ടാഴ്ചത്തെ വിശ്രമം ആണ് നിര്‍ദ്ദേശിച്ചിരിക്കുന്നതെന്നുംം അതിനാൽ തന്നെ ഓസ്ട്രേലിയ, ന്യൂസിലാണ്ട് എന്നിവര്‍ക്കെതിരെ ഓഗസ്റ്റിലും സെപ്റ്റംബറിലും കളിക്കില്ലെന്നും എന്നാൽ ഒക്ടോബറിൽ നടക്കുന്ന ഇംഗ്ലണ്ട് പരമ്പരയിൽ താരം തിരികെ ടീമിലേക്ക് എത്തുമെന്നാണ് പ്രതീക്ഷിക്കുന്നത്.

ശ്രീലങ്കയിൽ വെച്ച് പരിക്കേറ്റ താരം അതിന് ശേഷവും പല മത്സരങ്ങളിലും കളിച്ചുവെങ്കിലും ഇടയ്ക്ക് വീണ്ടും പരിക്ക് മൂലം പിന്മാറേണ്ട സാഹചര്യം പലപ്പോഴായി ഉണ്ടായിട്ടുണ്ട്. അതിനാൽ തന്നെ താരത്തിനോട് രണ്ട് മാസത്തെ വിശ്രമത്തിന് പോകുവാനാണ് നിര്‍ദ്ദേശിച്ചത്.

അസഭ്യമായ ഭാഷ ഉപയോഗിച്ചതിന് തമീം ഇക്ബാലിനെതിരെ പിഴ ചുമത്തി ഐസിസി. ശ്രീലങ്കയ്ക്കെതിരെ മൂന്നാം ഏകദിനത്തിൽ തന്റെ പുറത്താകൽ റിവ്യൂ ചെയ്ത് ശേഷം അനുകൂല വിധി ലഭിയ്ക്കാതിരുന്നപ്പോളാണ് താരം ഇപ്രകാരത്തിൽ അസഭ്യ പരാമർശം നടത്തിയത്. താരത്തിനെതിരെ 15 ശതമാനം മാച്ച് ഫീസും പിഴയായി ഈടാക്കിയിട്ടുണ്ട്. ഇതിന് പുറെ ഒരു ഡീ മെറിറ്റ് പോയിന്റും തമീമിനെതിരെ ചുമത്തി.

മത്സരത്തിൽ ബംഗ്ലാദേശിന്റെ ഇന്നിംഗ്സിലെ പത്താം ഓവറിലാണ് സംഭവം. ഐസിസി പെരുമാറ്റ ചട്ടത്തിലെ ലെവൽ 1 ആണ് താരം ലംഘിച്ചത്. 24 മാസ കാലയളവിൽ താരത്തിന്റെ ആദ്യത്തെ പെരുമാറ്റ ചട്ട ലംഘനം ആണ് ഇത്.

ശ്രീലങ്കയ്ക്കെതിരെ ബംഗ്ലാദേശിന് ലോകകപ്പ് സൂപ്പർ ലീഗിലെ മുഴുവൻ പോയിന്റും നേടാൻ സാധിച്ചിരുന്നില്ല. അവസാന മത്സരം തോറ്റതോടെ ടീമിന് പത്ത് പോയിന്റ് നഷ്ടമാകുകയും ശ്രീലങ്ക തങ്ങളുടെ ആദ്യത്തെ ലോകകപ്പ് സൂപ്പർ ലീഗ് പോയിന്റ് സ്വന്തമാക്കുകയും ചെയ്തു. മുപ്പത് പോയിന്റ് നേടുവാനുള്ള അവസരം നഷ്ടപ്പെടുത്തിയ ബംഗ്ലാദേശിന് ഇത് അവസാനം തിരിച്ചടിയായി മാറുമോ എന്ന ഭയം ആണ് ടീം ക്യാപ്റ്റൻ തമീം ഇക്ബാൽ പങ്കുവെച്ചത്.

ശ്രീലങ്കയ്ക്കെതിരെ ചരിത്രത്തിലാദ്യമായി ഒരു ബൈലാറ്ററൽ പരമ്പര സ്വന്തമാക്കിയെങ്കിലും ഈ കൈവിട്ട പത്ത് പോയിന്റുകൾ നിരാശ നൽകുന്നുവെന്നാണ് തമീം പറഞ്ഞത്. പരമ്പര വിജയിച്ചുവെങ്കിലും ഈ പത്ത് പോയിന്റ് നിർണ്ണായകമായിരുന്നുവെന്നും വൈറ്റ് വാഷ് വിജയം നേടേണ്ടത് ബംഗ്ലാദേശിന് വളരെ ആവശ്യമായിരുന്നുവെന്നും തമീം മത്സരശേഷം പറഞ്ഞു. ഈ നഷ്ടമായ പത്ത് പോയിന്റ് എപ്പോൾ തിരിഞ്ഞ് കൊത്തുമെന്ന് ഒരിക്കലും പറയാനാകില്ലെന്നും തമീം വ്യക്തമാക്കി.

ബംഗ്ലാദേശ് വേണ്ട രീതിയിൽ ബാറ്റ് വീശിയില്ലെന്നും ആദ്യ രണ്ട് മത്സരങ്ങളിലും മുഷ്ഫിക്കുറും മഹമ്മുദുള്ളയും ആണ് ടീമിന്റെ രക്ഷകരായതെന്നും താൻ മുമ്പ് പറഞ്ഞ പോലെ പരമ്പര വിജയിച്ചുവെങ്കിലും ടീമിന്റെ മികച്ച പ്രകടനം ഇതുവരെ വന്നിട്ടില്ലെന്നും തമീം സൂചിപ്പിച്ചു.

രണ്ട് മത്സരങ്ങൾ വിജയിക്കുവാൻ ഭാഗ്യം ബംഗ്ലാദേശിനെ തുണച്ചുവെന്ന് പറഞ്ഞ് ടീം ക്യാപ്റ്റൻ തമീം ഇക്ബാൽ. ഇതുവരെ ബംഗ്ലാദേശ് പെർഫെക്ട് കളി പുറത്തെടുത്തിട്ടില്ലെന്നും മധ്യ ഓവറുകളിൽ വളരെ അധികം വിക്കറ്റുകൾ നഷ്ടമായി 200 പോലും കടക്കുമോ എന്ന നിലയിലായിരുന്നുവെന്നും എന്നാൽ മഹമ്മുദുള്ളയും മുഷ്ഫിക്കുറും ചേർന്ന് ടീമിനെ സുരക്ഷിതമായ സ്കോറിലേക്ക് എത്തിച്ചുവെന്നും തമീം പറഞ്ഞു.

ടോട്ടൽ അത്ര മികച്ചതല്ലായിരുന്നുവെങ്കിലും ബൗളിംഗ് വളരെ മികച്ചതായിരുന്നുവെന്നും സ്പെഷ്യൽ പ്രകടനം എന്ന് വിശേഷിപ്പിക്കാവുന്ന ഒന്നായിരുന്നുവെന്നും തമീം വ്യക്തമാക്കി. ബൗളിംഗും ഫീൽഡിംഗും ഒന്നാന്തരമായിരുന്നുവെങ്കിലും ഇതുവരെ ബംഗ്ലാദേശ് തങ്ങളുടെ ഏറ്റവും മികച്ച കളി പുറത്തെടുത്തിട്ടില്ലെന്നും തമീം സൂചിപ്പിച്ചു.

ഫീൽഡിംഗ് ഇനിയും അല്പം കൂടി മെച്ചപ്പെടാനുണ്ടെന്നും കൈവിട്ട ക്യാച്ചുകൾ കൂടി ടീം എടുക്കുന്നത് കാണാനായാൽ താൻ സന്തോഷവാനായ ഒരു ക്യാപ്റ്റനാവുമെന്നും തമീം വ്യക്തമാക്കി.

ബംഗ്ലാദേശിന്റെ ശ്രീലങ്കയ്ക്കെതിരെയുള്ള വിജയം ഏറെ സന്തോഷം നല്‍കുന്നതെന്ന് പറഞ്ഞ് തമീം ഇക്ബാല്‍. മൂന്ന് ഫോര്‍മാറ്റുകളിലായി പത്തോളം മത്സരങ്ങളാണ് ബംഗ്ലാദേശ് പരാജയമേറ്റുവാങ്ങിയതെന്നും ഒടുവില്‍ ഒന്നില്‍ വിജയിക്കാനായതില്‍ സന്തോഷമുണ്ടെന്നും തമീം ഇക്ബാല്‍ പറഞ്ഞു.

വിജയമെന്നത് സന്തോഷം നല്‍കുന്ന കാര്യമാണെന്നും അതില്‍ ടീമംഗങ്ങള്‍ക്കെല്ലാം സന്തോഷമുണ്ടെന്നും തമീം പറഞ്ഞു. മഹമ്മുദുള്ളയും മുഷ്ഫിക്കുറും ചേര്‍ന്ന് ടീമിനെ മികച്ച സ്കോറിലേക്ക് നയിച്ചുവെന്നും ബാറ്റിംഗ് പ്രയാസമായ പിച്ചില്‍ ഈ സ്കോര്‍ ഡീസന്റ് ആയിരുന്നുവെന്നും തമീം വ്യക്തമാക്കി.

ഇത് പോലെ മികവ് അടുത്ത മത്സരത്തിലും പുറത്തെടുക്കാനാകുമെന്നാണ് കരുതുന്നതെന്നും തമീം പറഞ്ഞു.