Tag: Talisca

സൗദി പ്രൊ ലീഗിൽ അൽ നസറിന് വിജയം. ക്രിസ്റ്റ്യാനോ റൊണാൾഡോ ഗോൾ നേടിയ മത്സരത്തിൽ അൽ ശബാബിനെ രണ്ടിനെതിരെ മൂന്നു ഗോളുകൾക്ക് ആണ് അൽ നസർ പരാജയപ്പെടുത്തിയത്. റൊണാൾഡോ ഒരു ഗോൾ നേടിയപ്പോൾ ഇരട്ട ഗോളുകളുമായി ടലിസ്ക കളിയിലെ ഹീറോ ആയി.

മത്സരത്തിൽ 20ആം മിനുട്ടിൽ ഒരു പെനാൾട്ടിയിലൂടെ ആണ് അൽ നസറിനെ റൊണാൾഡോ മുന്നിൽ എത്തിച്ചത്. 45ആം മിനുട്ടിൽ ഒരു പെനാൾട്ടിയിലൂടെ കരാസ്കോ അൽ ശബാബിന് സമനില നൽകി. രണ്ടാം പകുതിയുടെ തുടക്കത്തിൽ ഒടാവിയോയുടെ പാസിൽ നിന്ന് ടലിസ്ക ഗോൾ നേടിയതോടെ കളിയിൽ വീണ്ടും അൽ നസർ മുന്നിൽ എത്തി. സ്കോർ 2-1.

അൽ ശബാബ് വിട്ടില്ല. അവർ വീണ്ടും പൊരുതി. 67ആം മിനുട്ടിൽ കാർലോസ് ജൂനിയർ ശബാബിന് സമനില നൽകി. സ്കോർ 2-2. അവസാനം 87ആം മിനുട്ടിലെ ടലിസ്കയുടെ ഗോൾ അവർക്ക് വിജയം നൽകി.

ഈ വിജയത്തോടെ അൽ നസർ 21 മത്സരങ്ങളിൽ നിന്ന് 52 പോയിന്റുമായി ലീഗിൽ രണ്ടാമത് നിൽക്കുന്നു‌. അൽ ഹിലാലിന് 4 പോയിന്റ് പിറകികാണ് അൽ നസർ ഇപ്പോഴും ഉള്ളത്.

ബ്രസീലിയൻ ഫുട്ബോൾ താരം ആൻഡേഴ്സൺ ടാലിസ്ക ക്രിസ്റ്റ്യാനോ റൊണാൾഡോ ആണ് തന്റെ ഇൻസ്പിരേഷൻ എന്ന് പറഞ്ഞു. ഇപ്പോൾ അൽ നസറിൽ ഒരുമിച്ച് കളിക്കുകയാണ് ഇരുവരും. “ഫുട്ബോളിൽ ക്രിസ്റ്റ്യാനോ റൊണാൾഡോയാണ് എനിക്ക് ഒന്നാം നമ്പർ, അദ്ദേഹമാണ് എന്റെ പ്രചോദനവും ഇതിഹാസവും.” റൊണാൾഡോയെ ഒരു ഫുട്ബോൾ ഐക്കണായി താൻ കണക്കാക്കുന്നു എന്നും അദ്ദേഹം പറഞ്ഞു.

റൊണാൾഡോയുടെ സ്വാധീനം കളിക്കളത്തിലെ പ്രകടനങ്ങൾക്കപ്പുറമാണ്. പ്രാദേശിക കളിക്കാരുടെ വികസനത്തിനും ഫുട്ബോൾ വെറ്ററൻ സൗദിയിൽ എത്തിയ ശേഷം സജീവമായി സംഭാവന ചെയ്യുന്നുവെന്ന് ടാലിസ്ക പറഞ്ഞു, “ക്രിസ്റ്റ്യാനോ റൊണാൾഡോ ക്ലബ്ബിലെ എല്ലാവരും അദ്ദേഹത്തിന്റെ ഉത്തരവാദിത്തമായി കരുതുന്നു, അദ്ദേഹം എന്നെ സഹായിക്കുന്നുണ്ട്. ഇവിടുത്തെ പ്രാദേശിക കളിക്കാരെ വികസിപ്പിക്കാനും വളരെയധികം അദ്ദേഹം സഹായിക്കുന്നു” ബ്രസീലിയൻ പറഞ്ഞു.

“ക്രിസ്റ്റ്യാനോ റൊണാൾഡോ അൽ-നാസറിൽ എത്തിയപ്പോൾ ഞാൻ അദ്ദേഹത്തോട് പറഞ്ഞിരുന്നു, അദ്ദേഹത്തെ പിന്തുണച്ചതും അദ്ദേഹത്തോടുള്ള ആരാധനയും എന്നെ സഹായിച്ചു എന്നും, അതാണ് എന്നെ ഈ നിലയിലെത്തിച്ചത് എന്നും” ടാലിസ്ക പറഞ്ഞു.