Tag: T20 World Cup 2024

ഇന്ന് സൂപ്പർ 8 മത്സരത്തിൽ ഇന്ത്യ ഓസ്ട്രേലിയയെ പരാജയപ്പെടുത്തിയതോടെ അഫ്ഗാൻ സെമി ഫൈനലിന് അടുത്ത് എത്തിയിരിക്കുകയാണ്. നാളെ പുലർച്ചെ നടക്കുന്ന അവസാന സൂപ്പർ 8 മത്സരത്തിൽ അഫ്ഗാനിസ്താൻ ബംഗ്ലാദേശിനെ തോൽപ്പിച്ചാൽ അഫ്ഗാൻ സെമി ഫൈനലിലേക്ക് എത്തും. ഓസ്ട്രേലിയ പുറത്താവുകയും ചെയ്യും. ഇപ്പോൾ ഇന്ത്യ, ഇംഗ്ലണ്ട്, ദക്ഷിണാഫ്രിക്ക എന്നിവർ സെമി ഫൈനൽ ഉറപ്പിച്ചു കഴിഞ്ഞു.

ഈ ഗ്രൂപ്പിൽ ഇപ്പോൾ ഓസ്ട്രേലിയയും അഫ്ഗാനും 2 പോയിന്റുമായി സെമി പ്രതീക്ഷയിൽ നിൽക്കുന്നു. ഇന്ന് ഓസ്ട്രേലിയ 167 റൺസിന് മുകളിൽ എത്തിയതോടെ അവർക്ക് അഫ്ഘാനെക്കാൾ റൺ റേറ്റ് ആയിട്ടുണ്ട്. അതുകൊണ്ട് തന്നെ അഫ്ഗാന് ജയിച്ചാൽ മാത്രമെ സെമിയിൽ എത്താൻ ആവുകയുള്ളൂ.

60 റൺസിന് മുകളിൽ ഒരു മാർജിനിൽ അഫ്ഗാനെ തോൽപ്പിച്ചാൽ ബംഗ്ലാദേശിനും സെമി ഫൈനൽ സാധ്യതയുണ്ട്.

ടി20 ലോകകപ്പിൽ ആതിഥേയരായ വെസ്റ്റിൻഡീസിനെ പുറത്താക്കി കൊണ്ട് ദക്ഷിണാഫ്രിക്ക സെമി ഫൈനലിലേക്ക് മുന്നേറി. മഴ കാരണം 17 ഓവറിൽ 123 എന്ന വിജയലക്ഷ്യം ചെയ്സ് ചെയ്യേണ്ടി വന്ന ദക്ഷിണാഫ്രിക്ക 17ആം ഓവറിലേക്ക് ലക്ഷ്യം കാണുക ആയിരുന്നു. തുടക്കത്തിൽ ഡി കോക്ക് (12), റീസ് ഹെൻഡ്രിക്സ് (0) എന്നിവരെ നഷ്ടമായി എങ്കിലും ദക്ഷിണാഫ്രിക്ക ലക്ഷ്യത്തിലേക്ക് എത്തി.

18 റൺസുമായി മാക്രം, 22 റൺസുമായി ക്ലാസൻ, 19 റൺസുമായി സ്റ്റബ്സ് എന്നിവർ നല്ല സംഭാവനകൾ നൽകിയത് ദക്ഷിണാഫ്രിക്കയ്ക്ക് രക്ഷയായി. പക്ഷെ റോസ്റ്റൺ ചെയ്സിന്റെ 2 ഓവറുകൾ വെസ്റ്റിൻഡീസിനെ കളിയിലേക്ക് തിരികെ കൊണ്ടുവന്നു. 2 ഓവറിൽ 6 റൺസ് മാത്രം വഴങ്ങി റോസ്റ്റൻ ചെയ്സ് 2 വിക്കറ്റുകൾ വീഴ്ത്തി. സ്റ്റബ്സ് വീണതോടെ ദക്ഷിണാഫ്രിക്ക പ്രതിസന്ധിയിൽ ആയി.

അവസാന 3 ഓവറിൽ 19 റൺസ് ആയിരുന്നു അവർക്ക് ജയിക്കാൻ വേണ്ടിയിരുന്നത്. ബാക്കിയുണ്ടായിരുന്നത് നാലു വിക്കറ്റും. ഇത് 2 ഓവറിൽ 13 ആയി മാറി. 16ആം ഓവറിൽ റോസ്റ്റൺ ചെയ്സ് ഒരു വിക്കറ്റ് കൂടെ വീഴ്ത്തി. കേശവ് മഹാരാജ് 2 റൺസ് എടുത്ത് പുറത്ത്. ദക്ഷിണാഫ്രിക്കയുടെ 7 വിക്കറ്റുകൾ നഷ്ടം. എങ്കിലും ആ ഓവറിൽ 8 റൺസ് നേടാൻ ദക്ഷിണാഫ്രിക്കയ്ക്ക് ആയി. അവസാന ഓവറിൽ ജയിക്കാൻ 5 റൺസ്.

യാൻസനും റബാദയും ആയിരുന്നു ക്രീസിൽ. മക്കോയ് ആണ് വെസ്റ്റിൻഡീസിനായി അവസാന ഓവർ എറിഞ്ഞത്. ആദ്യ പന്തിൽ സിക്സ് അടിച്ച് യാൻസൺ വിജയം ഉറപ്പിച്ചു.

ഇന്ന് ആദ്യം ബാറ്റ് ചെയ്യാനിറങ്ങിയ വെസ്റ്റിന്‍ഡീസിന് 135 റൺസ് ആയിരുന്നു നേടാൻ ആയത്. റോസ്ടൺ ചേസ് അര്‍ദ്ധ ശതകം നേടിയപ്പോള്‍ ഓപ്പണര്‍ കൈൽ മയേഴ്സ് 35 റൺസ് നേടി ടീമിലെ രണ്ടാമത്തോ ടോപ് സ്കോറര്‍ ആയി.

മറ്റ് താരങ്ങള്‍ക്കാര്‍ക്കും ശ്രദ്ധേയമായ പ്രകടനം പുറത്തെടുക്കാനായില്ല. 5/2 എന്ന നിലയിലേക്ക് വീണ വെസ്റ്റിന്‍ഡീസിനെ കൈൽ മയേഴ്സ് – റോസ്ടൺ ചേസ് കൂട്ടുകെട്ട് 81 റൺസ് മൂന്നാം വിക്കറ്റിൽ നേടി മുന്നോട്ട് നയിച്ചുവെങ്കിലും മയേഴ്സ് പുറത്തായ ശേഷം ടീം വീണ്ടും തകര്‍ച്ച നേരിട്ടു.

86/2 എന്ന നിലയിൽ നിന്ന് ടീം പൊടുന്നനെ 97/6 എന്ന നിലയിലേക്ക് വീഴുന്നതാണ് പിന്നീട് കണ്ടത്. ചേസ് 52 റൺസ് നേടി പുറത്തായപ്പോളാണ് ടീമിന് 6ാം വിക്കറ്റ് നഷ്ടമായത്. 9 പന്തിൽ 15 റൺസ് നേടിയ ആന്‍ഡ്രേ റസ്സൽ റണ്ണൗട്ട് രൂപത്തിൽ പുറത്തായതും വെസ്റ്റിന്‍ഡീസിന് അവസാന ഓവറുകളിൽ റൺ റേറ്റ് ഉയര്‍ത്തുന്നതിൽ തിരിച്ചടിയായി. ദക്ഷിണാഫ്രിക്കയ്ക്കായി തബ്രൈസ് ഷംസിയുടെ തകര്‍പ്പന്‍ സ്പെല്ലാണ് ടീമിന് മികവ് പുലര്‍ത്തുവാന്‍ സഹായിച്ചത്.

118/8 എന്ന നിലയിൽ നിന്ന് അൽസാരി ജോസഫ് (11*) – ഗുഡകേഷ് മോട്ടി (4*) എന്നിവര്‍ ചേര്‍ന്ന് നേടിയ 17 റൺസിന്റെ 9ാം വിക്കറ്റ് കൂട്ടുകെട്ടാണ് ദക്ഷിണാഫ്രിക്കയെ 135/8 എന്ന സ്കോറിലെത്തിച്ചത്.

ടി20 ലോകകപ്പ് സൂപ്പർ 8ലെ നിർണായക മത്സരത്തിൽ അമേരിക്കയെ മികച്ച മാർജിനിക് തോൽപ്പിച്ച് കൊണ്ട് ഇംഗ്ലണ്ട് സെമി ഫൈനൽ യോഗ്യത ഉറപ്പിച്ചു. ഇന്ന് അമേരിക്ക ഉയർത്തിയ 116 എന്ന ലക്ഷ്യം 17.4 ഓവറിലേക്ക് മറികടന്നാൽ ഇംഗ്ലണ്ടിന് റൺ റേറ്റിൽ ദക്ഷിണാഫ്രിക്കയെ മറികടക്കാനും സെമി ഉറപ്പിക്കാനും ആകുമായിരുന്നു. അവർ 9.4 ഓവറിലേക്ക് ഒരു വിക്കറ്റ് പോലും നഷ്ടപ്പെടാതെ കളി ജയിച്ച് കൊണ്ട് സെമി ഉറപ്പിച്ചു.

ഇനി നാളെ പുലർച്ചെ നടക്കുന്ന വെസ്റ്റിൻഡീസും ദക്ഷിണാഫ്രിക്കയും തമ്മിലുള്ള മത്സരഫലമാകും ഈ ഗ്രൂപ്പിൽ നിന്ന് സെമിയിൽ എത്തുന്ന രണ്ടാമത്തെ ടീം ആരാകും എന്ന് തീരുമാനിക്കുക. ഇന്ന് ചെയ്സിന് ഇറങ്ങിയ ഇംഗ്ലണ്ട് ഓപ്പണർമാർ ഒരു ദയയും ഇല്ലാത്ത ആക്രമണം ആണ് നടത്തിയത്.

ക്യാപ്റ്റൻ ബട്ലർ 38 പന്തിൽ നിന്ന് 83 റൺസ് അടിച്ചു പുറത്താകാതെ നിന്നു. 7 സിക്സും 6 ഫോറും അടങ്ങുന്നതായിരുന്നു ബട്ലറിന്റെ ഇന്നിംഗ്സ്. ഹർമീത് സിംഗിന്റെ ഒരോവറിൽ ബട്ലർ 5 സിക്സ് അടിക്കുന്നതും കാണാൻ ആയി. ഫിൽ സാൾട്ട് 21 പന്തിൽ 25 റൺസുമായി ക്രീസിൽ നിന്നു.

ഇന്ന് ആദ്യം ബാറ്റു ചെയ്ത അമേരിക്കയെ 115 റണ്ണിൽ ഒതുക്കാൻ ഇംഗ്ലണ്ടിനായി. മികച്ച റൺറേറ്റോടെ ജയിക്കേണ്ട ഇംഗ്ലണ്ട് ഇന്ന് കൃത്യമായ ഇടവേളകളി വിക്കറ്റ് എടുത്ത് അമേരിക്കയെ നല്ല സ്കോറിൽ എത്തുന്നതിൽ നിന്ന് തടഞ്ഞു.

30 റൺസ് എടുത്ത എൻ ആർ കുമാർ ആണ് അമേരിക്കയുടെ ടോപ് സ്കോറർ ആയത്. 29 റൺസ് എടുത്ത കോറി ആൻഡേഴ്സൺ, 21 റൺസ് എടുത്ത ഹർമീത് സിംഗ് എന്നിവരും അമേരിക്കയെ 110 കടക്കാൻ സഹായിച്ചു.

ഇംഗ്ലണ്ടിനായി ക്രിസ് ജോർദാൻ നാലു വിക്കറ്റും, സാം കറൻ, ആദിൽ റഷീദ്, എന്നിവർ രണ്ടു വിക്കറ്റ് വീതവും വീഴ്ത്തി. ജോർദാൻ അവസനം ഹാട്രിക്ക് നേടിയാണ് അമേരിക്കൻ ഇന്നിങ്സ് അവസാനിപ്പിച്ചത്.

ടി20 ലോകകപ്പിൽ ഇന്ന് നടന്ന സൂപ്പർ 8 പോരാട്ടത്തിൽ അഫ്ഗാനിസ്താൻ ഓസ്ട്രേലിയയെ പരാജയപ്പെടുത്തി. ഇന്ന് നടന്ന ആവേശകരമായ മത്സരത്തിൽ 21 റൺസിന്റെ വിജയമാണ് അഫ്ഗാനിസ്താൻ നേടിയത്. അഫ്ഗാനിസ്താൻ ഉയർത്തിയ 149 എന്ന വിജയലക്ഷ്യം പിന്തുടർന്ന ഓസ്ട്രേലിയക്ക് 127 റൺസ് മാത്രമെ എടുക്കാൻ ആയുള്ളൂ. ചരിത്രത്തിൽ ആദ്യമായാണ് അഫ്ഗാനിസ്താൻ ഒരു മത്സരത്തിൽ ഓസ്ട്രേലിയയെ പരാജയപ്പെടുത്തുന്നത്.

ഇന്ന് ആദ്യം ബാറ്റു ചെയ്ത അഫ്ഗാൻ 20 ഓവറിൽ 148-6 എന്ന സ്കോറാണ് നേടിയത്. ഓപ്പണർമാരായ ഗുർബാസും സദ്രാനും ആണ് അഫ്ഗാനായി തിളങ്ങിയത്. ഗുർബാസ് 49 പന്തിൽ നിന്ന് 60 റൺസും സദ്രാൻ 48 പന്തിൽ നിന്ന് 51 റൺസും എടുത്തു.

മറുപടി ബാറ്റിംഗിന് ഇറങ്ങിയ ഓസ്ട്രേലിയക്ക് തുടക്കത്തിൽ തന്നെ ഓപ്പണർമാരെ നഷ്ടമായി. ട്രാവിസ് ഹെഡ് ഡക്കിൽ പുറത്തായപ്പോൾ വാർണർ 3 റൺ മാത്രമെ എടുത്തുള്ളൂ. 12 റൺസ് എടുത്ത മാർഷ്, 11 റൺസ് എടുത്ത സ്റ്റോയിനിസ്, 2 റൺസ് എടുത്ത ടിം ഡേവിഡ്, 5 റൺസ് എടുത്ത വെയ്ഡ് എന്നിവർ നിരാശപ്പെടുത്തി.

മാക്സ്‌വെൽ ഒറ്റയ്ക്ക് പൊരുതി നോക്കി. 41 പന്തിൽ നിന്ന് 59 റൺസ് എടത്ത മാക്സ്‌വെൽ പുറത്തായതോടെ ഓസ്ട്രേലിയ തകരാൻ തുടങ്ങുകയായിരുന്നു. അവസാന ഓവറിൽ 24 റൺസ് ആയിരുന്നു ഓസ്ട്രേലിയക്ക് വേണ്ടിയിരുന്നത്. 2ആം പന്തിൽ സാമ്പ പുറത്ത് പോയതോടെ അഫ്ഗാൻ ചരിത്രവിജയം ഉറപ്പിച്ചു.

അഫ്ഗാന് ഒരു വിക്കറ്റും. അഫ്ഗാനായി ഗുൽബദിൻ 4 വിക്കറ്റും നവീനുൽ ഹഖ് 3 വിക്കറ്റും വീഴ്ത്തി.